कायमच साधं वरण खाऊन कंटाळा आला असेल तर हिरव्या मिरच्यांपासून बनवा झणझणीत आमटी, भातासोबत लागेल चविष्ट

भातासोबत कायमच डाळ खाल्ली जाते. पण आज आम्ही तुम्हाला हिरव्या मिरच्यांची आमटी बनवण्याची सोपी रेसिपी सांगणार आहोत. हा पदार्थ गरमागरम भातासोबत अतिशय सुंदर लागते. चला तर जाणून घेऊया हिरव्या मिरच्यांची आमटी बनवण्याची रेसिपी.

संध्याकाळच्या जेवणात कायमच डाळ, भात, चपाती, भाजी इत्यादी पदार्थ बनवले जातात. कायमच डाळ भात खाऊन सगळ्यांचं खूप जास्त कंटाळा येतो. अशावेळी टोमॅटोचा सार, तिखट आमटी किंवा दह्याची कढी बनवून खाल्ली जाते. पण आज आम्ही तुम्हाला हिरव्या मिरच्यांची आमटी बनवण्याची सोपी रेसिपी सांगणार आहोत. हिरव्या मिरच्यांची आमटी तुम्ही भाकरी, चपाती किंवा वाफाळत्या भातासोबत सुद्धा खाऊ शकता. ही आमटी चवीला तिखट आणि सुंदर लागते. कायमच साधी डाळ खाऊन कंटाळा आल्यानंतर झणझणीत पदार्थ खाण्याची सगळ्यांचं खूप जास्त इच्छा होते. हिरव्या मिरच्यांची आमटी बनवण्यासाठी स्वयंपाक घरातील विशेष मसाल्यांचा वापर केला जातो. या मसाल्यांच्या वापरामुळे पदार्थाची चव वाढते आणि जेवण आणखीनच सुंदर लागत. चला तर जाणून घेऊया झणझणीत हिरव्या मिरच्यांची आमटी बनवण्याची सोपी रेसिपी.(फोटो सौजन्य – istock)

Bengali chaat: 10 मिनिटांमध्ये झटपट बनवा आंबट गोड चवीचे बंगाली चाट चूरमूर, पाहताच क्षणी सुटेल तोंडाला पाणी

साहित्य:

• हिरव्या मिरच्या
• मोहरी
• लसूण
• पाणी
• लाल तिखट
• मीठ
• तेल
• तमालपत्र
• धने
• पांढरी मोहरी
• हळद
• काळीमिरी
• धणे
• जिऱ्याची पावडर

वजन कमी करण्यापासून हाडांचे-डोळ्यांचे आरोग्य सुधारते फरसबी, जेवणाला तयार करा झणझणीत भाजी; रेसिपी नोट करा

कृती:

• हिरव्या मिरच्यांची आमटी बनवण्यासाठी सर्वप्रथम, हिरव्या मिरच्या स्वच्छ धुवून त्यातील बिया काढून मिरच्या उभ्या चिरून घ्या.
• पॅन गरम करून त्यावर मोहरी, तमालपत्र, काळीमिरी, लसूण आणि लाल मिरच्या घालून खमंग भाजा.
• मिक्सरच्या भांड्यात धणे आणि भाजून घेतलेला मसाला घालून व्यवस्थित जाडसर पावडर तयार करा. मसाला वाटून घेताना त्यात पाणी अजिबात घालू नये.
• कढईमध्ये तेल गरम करून त्यात कापून घेतलेल्या हिरव्या मिरच्या घालून भाजा. भाजून झाल्यानंतर त्यात धणे पावडर, लाल तिखट, हळद आणि चवीनुसार मीठ घालून व्यवस्थित मिक्स करा.
• त्यानंतर त्यात तयार केलेला मसाला घालून आवश्यकतेनुसार पाणी घाला आणि आमटीला उकळी काढा. सगळ्यात शेवटी वरून बारीक चिरलेली कोथिंबीर घालून मिक्स करा.
• तयार आहे सोप्या पद्धतीमध्ये बनवलेली झणझणीत हिरव्या मिरच्यांची आमटी.