नूडल्स, मोमोजमध्ये वापरलं जाणारं झणझणीत Chili Oil घरी कसं बनवायचं? नोट करा रेसिपी

इंडो-चायनीज फूड कुणाला आवडत नाही. या पदार्थांना झणझणीत चव देण्याचे काम चिली ऑइल करत असते. हे चिली ऑइल तुम्ही घरी सहज बनवू शकता आणि अनेक दिवस साठवूनही ठेवू शकता.

भारतात अनेकांना इंडो-चायनीज पदार्थ खायला फार आवडतात. लहानांपासून मोठ्यांपर्यंत सर्वच याचे फॅन. याची क्रेझ लोकांमध्ये एवढी आहे की, अनेकदा लोक हे इंडो-चायनीज पदार्थ घरीदेखील बनवतात. आता हे पदार्थ बनवताना त्यात आवर्जून घातला जाणारा पदार्थ म्हणजे चिली ऑइल. पदार्थाला झणझणीत चव देण्यास याची फार मदत होते.

पावसाळ्याच्या दिवसांमध्ये रोगप्रतिकारशक्ती वाढवण्यासाठी झटपट घरी बनवा मुगाचे पौष्टिक कढण! नोट करा पदार्थ

चिली ऑइल ही एक झणझणीत आणि सुगंधी चव देणारी चटणीसारखी चायनीज/आशियाई सॉस आहे जी विविध प्रकारच्या पदार्थांना चविष्ट बनवते. ती फ्राइड राईस, नूडल्स, मोमोज, सूप्स किंवा अगदी पराठ्यासोबतही वापरता येते. हे चिली ऑइल घरच्या घरी सहज बनवता येते आणि ती दीर्घकाळ टिकते. तुम्ही अनेक पदार्थांमध्ये याचा वापर करू शकता आणि पदार्थाला झणझणीत चव देऊ शकता. चला नोट करूयात यासाठी लागणारे साहित्य आणि कृती.

साहित्य

• सुक्या लाल मिरच्या – 15 ते 20 (बीया काढून छोटे तुकडे करावेत)
• आलं – 1 इंच (किसून)
• लसूण – 7-8 पाकळ्या (किसून)
• तेल – 1 कप (शेंगदाणा / तिळाचं तेल उत्तम)
• तीळ – 1 टेबलस्पून (ऐच्छिक)
• साखर – ½ टीस्पून
• मीठ – ½ टीस्पून
• सॉय सॉस – 1 टीस्पून (ऐच्छिक)

मुंबईच्या फेमस वडापावला द्या ट्विस्ट; घरी बनवा हटके आणि टेस्टी Tandoori Vada Pav

कृती

• एका कढईत तेल गरम करायला ठेवा. तेल खूप तापले की गॅस बंद करा आणि थोडं थंड होऊ द्या.
• दुसऱ्या पातेल्यात सुक्या लाल मिरच्यांचे तुकडे, किसलेलं आलं आणि लसूण घ्या.
• त्यात थोडं मीठ, साखर आणि सॉय सॉस (जर वापरत असाल) टाका.
• आता हे मिश्रण एका कोरड्या काचेच्या बरणीत घाला.
• त्यावर गरम तेल हळूहळू ओता. तेल ओतताना मिरच्यांचा झणझणीत वास येईल.
• सगळं एकत्र मिसळून थंड होऊ द्या.
• थंड झाल्यावर झाकण लावून बरणी बंद करा आणि 1 दिवसानंतर वापरण्यास सुरुवात करा.
• जास्त झणझणीत हवं असल्यास बारीक तुकडे केलेल्या मिरच्यांऐवजी थोड्या सुक्या भूत जोलोकिया किंवा बर्ड्स
• आय चिलीचा वापर करू शकता.
• हवाबंद बरणीत 2-3 महिने सहज टिकते.
• चवदार चिली ऑइल तयार आहे! तुम्ही ते फक्त थोडंसं वापरून कोणत्याही डिशला एकदम झणझणीत आणि
• रेस्टॉरंट सारखी चव देऊ शकता.