Stuffed Shimla Mirchi Recipe : भाजी खाऊन कंटाळा आला? घरी बनवा गावराण स्टाईन भरलेली शिमला मिरची

Recipe : शिमला मिरचीची बोरींग भाजी खाऊन कंटाळा आला असेल तर यावेळी गावराण पद्धतीची भरली शिमला मिरची बनवून पाहा. ही डिश भाकरी किंवा चपातीसोबत फार लज्जतदार लागते आणि रात्रीच्या जेवणासाठी ए

• गावाकडे भरलेली शिमला मिरची फार आवडीने खाल्ली जाते.
• शिमला मिरचीची भाजी आवडत नसल्यात तुम्ही ही रेसिपी ट्राय करु शकता.
• फार झटपट आणि कमी वेळेत रेसिपी तयार होते.

शिमला मिरचीची भाजी नेहमीच्या पद्धतीने खाण्यापेक्षा तिच्यात मसालेदार आणि झणझणीत गावरान सारण भरून केली, तर साध्या जेवणाची चवच बदलून जाते. भाजलेल्या शेंगदाण्याचा खमंगपणा, खोबऱ्याची चव, कांदा आणि खास घरगुती मसाल्यांचा तिखट-झणझणीत स्वाद यामुळे ही भरलेली शिमला मिरची अतिशय रुचकर लागते. गावाकडच्या पद्धतीने कमी साहित्यामध्ये तयार होणारी ही भाजी गरमागरम भाकरी, पोळी किंवा वरण-भातासोबत छान लागते. विशेष म्हणजे सारण आधी हलके भाजून घेतल्यामुळे त्याचा सुगंध आणि चव अधिक खुलते. चला रेसिपी नोट करून घेऊयात.

Recipe : जेवणाचा बेत खास करायचा विचार आहे? मग घरी बनवा रेस्टाॅरंट स्टाईस ‘पनीर टिक्का मसाला’, चव चाखूनच मन होईल खुश

साहित्य

• ५ ते ६ मध्यम आकाराच्या शिमला मिरच्या
• १ मोठा कांदा, बारीक चिरलेला
• १/२ कप भाजलेले शेंगदाणे
• २ टेबलस्पून सुके खोबरे
• १ टेबलस्पून बेसन
• १ ते २ हिरव्या मिरच्या
• १ टीस्पून लाल तिखट
• १/२ टीस्पून हळद
• १ टीस्पून गोडा मसाला
• १/२ टीस्पून जिरे
• १/२ टीस्पून मोहरी
• १/२ टीस्पून जिरेपूड
• १ टीस्पून धणेपूड
• चवीनुसार मीठ
• २ ते ३ टेबलस्पून तेल
• थोडी कोथिंबीर

साधा डोसा खाऊन कंटाळा आला आहे? मग सकाळच्या नाश्त्यात नक्की बनवा कुरकुरीत Cheese Schezwan Dosa, नोट करा रेसिपी

कृती

• शिमला मिरच्या स्वच्छ धुऊन पुसून घ्या. त्यांचा देठ आणि बिया काढून आतून स्वच्छ करा. मिरची पूर्णपणे फोडू नये, जेणेकरून त्यात सारण व्यवस्थित भरता येईल.
• भाजलेले शेंगदाणे आणि सुके खोबरे थोडे जाडसर कुटून घ्या. कढईत थोडे तेल गरम करून कांदा आणि हिरवी
• मिरची परता. कांदा सोनेरी झाला की बेसन घालून मंद आचेवर हलके भाजा.
• आता कुटलेले शेंगदाणे-खोबरे, हळद, लाल तिखट, गोडा मसाला, धणेपूड, जिरेपूड आणि मीठ घाला. सर्व मिश्रण
• नीट एकजीव करून दोन ते तीन मिनिटे परता. सारण कोरडे राहिले पाहिजे.
• तयार केलेले सारण थोडे थंड होऊ द्या. त्यानंतर प्रत्येक शिमला मिरचीमध्ये भरपूर सारण भरून घ्या. सारण बाहेर पडणार नाही याची काळजी घ्या.
• कढईत तेल गरम करून त्यात मोहरी आणि जिरे तडतडू द्या. त्यावर भरलेल्या शिमला मिरच्या सावधपणे ठेवा. झाकण ठेवून मंद आचेवर मिरच्या शिजू द्या.
• मिरच्या अधूनमधून हलक्या हाताने फिरवत राहा, जेणेकरून त्या सर्व बाजूंनी व्यवस्थित भाजल्या जातील. मिरची
• मऊ होऊन बाहेरून थोडी खरपूस झाली की भाजी जवळपास तयार आहे.
• शेवटी वरून बारीक चिरलेली कोथिंबीर घाला आणि एक मिनिट झाकण ठेवून गॅस बंद करा. गरमागरम गावरान
• भरलेली शिमला मिरची भाकरी, पोळी किंवा वरण-भातासोबत सर्व्ह करा.