खोकल्यामुळे सतत घसा खवखवतो? पारंपरिक पद्धतीने घरी बनवा सुंठगोळी, अनेक आजारांपासून राहाल दूर

चवीला तिखट असलेले सुंठ आरोग्यासाठी अतिशय गुणकारी आहे. यामध्ये असलेले दाहक विरोधी गुणधर्म शरीरात वाढलेले पित्त कमी करण्यास मदत करतात. जाणून घ्या सुंठगोळी बनवण्याची सोपी रेसिपी.

पावसाळा ऋतूला सुरुवात झाल्यानंतर हवामानात मोठा बदल होतो. वातावरणात सतत होणाऱ्या बदलांमुळे साथीच्या आजारांची लागण होते. दमट आणि थंड वातावरणामुळे शरीराची रोगप्रतिकारशक्ती कमी होऊन जाते. या दिवसांमध्ये सर्दी, खोकला, ताप, अपचन आणि त्वचारोग होण्याची जास्त शक्यता असते. कारण दूषित पाणी, जंक फूडचे अतिसेवन इत्यादी अनेक गोष्टींचा परिणाम आरोग्यावर लगेच दिसून येतो. सर्दी, खोकला झाल्यानंतर घसा सतत खवखवतो. अशावेळी मेडिकलच्या कोणत्याही गोळ्यांचे सेवन करण्याऐवजी सुंठगोळीचे सेवन करावे. आरोग्यासाठी सुंठ अतिशय गुणकारी आहे. सुकवलेल्या आल्याला सुंठ म्हणतात. यामध्येदाहक विरोधी गुणधर्म, अँटी-बॅक्टेरियल आणि अँटी-ऑक्सिडंट्स गुणधर्म आढळून येतात. सुंठ खाल्यामुळे पचनक्रिया सुधारते. पित्त, गॅस आणि बद्धकोष्ठतेच्या समस्येपासून आराम मिळतो. आज आम्ही तुम्हाला पारंपरिक पद्धतीने सुंठगोळी बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – istock)

साध्या भाजीला द्या शाही ट्विस्ट! घरी बनवा रिच आणि स्वादिष्ट Egg Nawabi; लज्जतदार चवीने सर्वच होतील खुश

साहित्य:

• सुंठ
• गूळ
• हळद
• तूप
• पिठीसाखर

झणझणीत जेवणाचा बेत! पारंपरिक पद्धतीने घरी बनवा चमचमीत वांग्याचं भरीत; चव अशी की सर्वजण बोटंच चाटत राहतील

कृती:

• सुंठगोळी बनवण्यासाठी सर्वप्रथम, सुंठ घेऊन त्याचे बारीक तुकडे करा. मिक्सरच्या भांड्यात बारीक केलेले सुंठ टाकून पावडर तयार करा.
• कढईमध्ये तूप गरम करून त्यात सुंठ पावडर टाकून मंद आचेवर भाजून घ्या. भाजून झाल्यानंतर त्यात चमचाभर हळद घालून मिक्स करा.
• दोन्ही पदार्थ व्यवस्थित भाजून झाल्यानंतर त्यात किसलेले गूळ घालून मिक्स करा. गूळ व्यवस्थित मिक्स झाल्यानंतर मिश्रण हळूहळू घट्टसर होईल.
• तयार केलेले मिश्रण हलके थंड झाल्यानंतर त्याचे छोटे छोटे गोळे करा आणि पिठीसाखरेत घोळवा.
• तयार आहे सोप्या पद्धतीमध्ये बनवलेली सुंठगोळी. सर्दी, खोकला किंवा साथीच्या आजारांपासून शरीराचा बचाव करण्यासाठी नियमित जेवणांनंतर किंवा चॉकलेट खाण्याची इच्छा झाल्यास तुम्ही सुंठगोळी खाऊ शकता.