जेवणात तोंडी लावण्यासाठी झटपट बनवा आंबट गोड चवीची चिंच चटणी, २ ते ३ दिवस व्यवस्थित राहील टिकून

आंबट चवीची चिंच खायला सगळ्यांचं खूप जास्त आवडतात. आज आम्ही तुम्हाला सोप्या पद्धतीमध्ये चिंच चटणी बनवण्याची रेसिपी सांगणार आहोत. हा पदार्थ ५ मिनिटांमध्ये लगेच तयार होईल.

थंडीच्या दिवसांमध्ये प्रत्येकालाच काहींना काही चमचमीत आणि झणझणीत पदार्थ खाण्यास हवे असतात. कितीही चविष्ट भाजी बनवल्यानंतर सुद्धा चटणी किंवा लोणचं लागतच. याशिवाय घरातील प्रत्येक पदार्थ आंबटगोड चवीने भरलेला असतो. म्हणूनच आज आम्ही तुम्हाला झटपट चिंच चटणी बनवण्याची सोपी रेसिपी सांगणार आहोत. प्रत्येक स्वयंपाक घरात चिंच उपलब्ध असतात. जेवणातील पदार्थांची चव वाढवण्यासाठी चिंचेचा वापर केला जातो. चिंच चटणी आठवडाभर व्यवस्थित टिकून राहते. पुरणपोळी, भाजी-भाकरी, वरण-भात किंवा साध्या पोळीसोबत सुद्धा चिंच चटणी खाऊ शकता. बऱ्याचदा घरात पाणीपुरी बनवल्यानंतर गोड पाणी बाहेरून विकत आणले जाते. पण विकतचे पाणी आणण्यापेक्षा घरच्या घरी तुम्ही चिंच चटणी बनवू शकता. कमीत कमी साहित्यात बनवलेली चिंच चटणी घरातील सगळ्यांचं खूप जास्त आवडेल. चला तर जाणून घेऊया चिंच चटणी बनवण्याची सोपी रेसिपी. (फोटो सौजन्य – istock)

रविवार होईल आणखीनच स्पेशल! रात्रीच्या जेवणात गरमागरम भाकरीसोबत बनवा झणझणीत मालवणी चिकन सुक्का

साहित्य:

• चिंच
• गूळ
• हिंग
• मीठ
• जिरं
• लाल सुकी मिरची
• तेल

कमी तेलाचा वापर करून सकाळच्या नाश्त्यासाठी झटपट बनवा सोया कटलेट, नोट करून घ्या झटपट रेसिपी

कृती:

• आंबटगोड चिंच चटणी बनवण्यासाठी सर्वप्रथम,पाण्यात कोमट पाणी घेऊन त्यात चिंच काहीवेळ भिजत घालावी.
• काहीवेळ ठेवल्यानंतर चिंचेचा कोळ काढून त्यातील बिया वेगळ्या करून घ्या. कढईमध्ये तेल गरम करण्यासाठी ठेवावे.
• गरम तेलात जिरे, धणे आणि सुकी मिरची हलकीशी भाजून घ्या. त्यानंतर त्यात हिंग आणि चिंच कोळ घालून व्यवस्थित मिक्स करा.
• मंद आचेवर चटणी व्यवस्थित शिजू द्यावी. चटणी घट्ट झाल्यानंतर त्यात किसून घेतलेला गूळ घालून व्यवस्थित मिक्स करा.
• चटणी पूर्णपणे घट्ट झाल्यानंतर त्यात चवीनुसार मीठ घालून व्यवस्थित मिक्स करा. गॅस बंद करून तयार केलेली चटणी काचेच्या बंद हवेच्या डब्यात भरून ठेवा. यामुळे चटणी जास्त वेळ टिकून राहील.
• तयार आहे सोप्या पद्धतीमध्ये बनवलेली आंबट गोड चिंच चटणी. हा पदार्थ घरातील लहान मुलं आवडीने खातील.