शरीरात कायमच टिकून राहील उबदारपणा! सोप्या पद्धतीमध्ये घरी बनवा मक्याचे दाण्यांचे पौष्टिक सूप, नोट करून घ्या रेसिपी

मक्याचे दाणे काहींना खायला आवडत नाही. अशावेळी तुम्ही मक्याच्या दाण्यांपासून सोप्या पद्धतीमध्ये सूप बनवू शकता. थंडीच्या दिवसांमध्ये सूप प्यायल्यास सर्दी खोकल्यापासून आराम मिळेल.

थंडीच्या दिवसांमध्ये वातावरणातील बदलांचा परिणाम आरोग्यावर लगेच दिसून येतो. या दिवसांमध्ये रक्तवाहिन्या आकुंचन पावतात आणि शरीराच्या रक्तप्रवाहात अनेक अडथळे निर्माण होतात. रक्तप्रवाहात निर्माण झालेल्या अडथळ्यांमुळे लहान अवयवांना व्यवस्थित रक्तपुरवठा होत नाही. अशावेळी आहारात उष्ण पदार्थांचे सेवन करावे. शरीरात उष्णता कायम टिकवून ठेवण्यासाठी वेगवेगळ्या भाज्या, फळे आणि पौष्टिक घटकांचे सेवन करावे. आज आम्ही तुम्हाला सोप्या पद्धतीमध्ये मक्याच्या दाण्यांचे सूप बनवण्याची सोपी रेसिपी सांगणार आहोत. थंडीसह इतर सर्वच ऋतूंमध्ये बाजारात मक्याचे दाणे उपलब्ध असतात. मक्याच्या दाण्यांचा वापर करून अनेक वेगवेगळे पदार्थ बनवले जाते. थंडीत शरीरातील उष्णता कायम टिकवून ठेवण्यासाठी सूप किंवा गरम पदार्थांचे सेवन करावे. सकाळच्या नाश्त्यात किंवा संध्याकाळच्या वेळी भूक लागल्यानंतर बाहेरील पदार्थांचे सेवन करण्याऐवजी घरी बनवलेल्या हेल्दी पदार्थांचे सेवन करावे. चला तर जाणून घ्या मक्याच्या दाण्यांचे सूप बनवण्याची सोपी रेसिपी.(फोटो सौजन्य – istock)

Winter Special Drink: संध्याकाळच्या नाश्त्यात घरी बनवा पौष्टिक Hot Chocolate, १० मिनिटांमध्ये झटपट तयार होईल पदार्थ

साहित्य:

• मक्याचे दाणे
• काळीमिरी पावडर
• मीठ
• तेल
• आलं
• लसूण
• तुमच्या आवडीनुसार भाज्या
• मीठ
• कॉर्नफ्लोअर
• व्हिनेगर
• सोया सॉस

हिरव्यागार ताज्या आवळ्यांपासून बनवा विकतसारखी परफेक्ट आवळा कँडी, जाणून घ्या योग्य प्रमाण आणि बनवण्याची पद्धत

कृती:

• मक्याचे दाण्यांचे सूप बनवण्यासाठी सर्वप्रथम, मक्याचे कणीस स्वच्छ धुवून त्यातील दाणे काढून घ्या. मिक्सरच्या भांड्यात थोडेसे मक्याचे दाणे घेऊन त्यात थोडं पाणी घालून पेस्ट तयार करा.
• कढईमध्ये बटर किंवा तेल गरम करून त्यात बारीक चिरून घेतलेला लसूण आणि आलं घालून व्यवस्थित लाल होईपर्यंत भाजा.
• त्यानंतर त्यात मक्याचे दाणे आणि तुमच्या आवडीनुसार बारीक चिरलेल्या भाज्या घालून वाफेवर शिजवा.
• त्यानंतर त्यात मक्याच्या दाण्यांची पेस्ट आणि गरम पाणी घालून सूपला उकळी काढा. त्यानंतर त्यात चवीनुसार मीठ, सोया सॉस, काळीमिरी पावडर आणि कॉनफ्लॉवरची थोडीशी पेस्ट घालून व्यवस्थित मिक्स करा.
• सूपला उकळी आल्यानंतर गॅस बंद करून वरून बारीक चिरलेली कोथिंबीर घालून मिक्स करा. तयार आहे सोप्या पद्धतीमध्ये बनवलेले मक्याच्या दाण्यांचे सूप.