रताळी खायला आवडत नाहीत? मग सोप्या पद्धतीमध्ये घरी बनवा रताळ्याचे गोड काप, उपवासासाठी चविष्ट पदार्थ

रताळी खाल्यामुळे पोट लवकर भरते. म्हणूनच आज आम्ही तुम्हाला सोप्या पद्धतीमध्ये रताळ्याचे गोड काप बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप आवडेल.

रोजच्या आहारात रताळ्याचे नियमित सेवन करावे. रताळी खाल्यामुळे आरोग्याला अनेक फायदे होतात. पण आपल्यातील अनेकांना रताळी खायला आवडत नाहीत. अशावेळी तुम्ही मुलांसह मोठयांनासुद्धा रताळ्यांपासून इतर वेगवेगळे पदार्थ बनवून खाऊ घालू शकता. म्हणूनच आज आम्ही तुम्हाला सोप्या पद्धतीमध्ये रताळ्याचे गोड काप बनवण्याची सोपी रेसिपी सांगणार आहोत. उपवासाच्या दिवशी सुद्धा तुम्ही हा पदार्थ बनवून खाऊ शकता. उपवासाच्या दिवशी नेहमीच साबुदाणे खाऊन कंटाळा आल्यानंतर तुम्ही रताळ्यांपासून चविष्ट पदार्थ बनवू शकता. बाजारात रताळी सहज उपलब्ध होतात. यामध्ये फायबर्स, विटामिन ए, विटामिन सी आणि बी-6, पोटॅशियम, मॅग्ननिज इत्यादी अनेक घटक आढळून येतात. रताळ्यांमध्ये असलेले एंटीऑक्सिडेंट्स त्वचा तरुण ठेवण्यासाठी मदत करतात. चला तर जाणून घेऊया रताळ्याचे गोड काप बनवण्याची सोपी रेसिपी.(फोटो सौजन्य – iStock)

वर्षभर टिकणारे लसूण लोणचं सोप्या पद्धतीमध्ये घरीच बनवा, भाकरी चपातीसोबत लागेल चविष्ट

साहित्य:

• रताळी
• तूप
• पिठीसाखर
• वेलची पावडर

उन्हाळ्यात लहान मुलांसाठी घरच्या घरी बनवा हेल्दी टेस्टी नाचणीच्या पौष्टिक वड्या, नोट करून घ्या रेसिपी

कृती:

• रताळ्याचे गोड काप बनवण्यासाठी सर्वप्रथम, रताळी काहीवेळ पाण्यात टाकून ठेवा. यामुळे रताळ्यांवरील माती कमी होईल.
• त्यानंतर पाण्याने रताळी स्वच्छ धुवून घ्या. धुतल्यानंतर कॉटनच्या कापडाने रताळी स्वच्छ पुसून घ्या.
• रताळ्यांवरील साल काढून रताळी गोलाकार कापा. कढईमध्ये तूप गरम करण्यासाठी ठेवा.
• तूप गरम झाल्यानंतर त्यात रताळ्याचे काप टाकून शिजवून घ्या. रताळी अर्धवट शिजल्यानंतर त्यात पिठीसाखर घालून मिक्स करा.
• मिक्स केल्यानंतर त्यात वरून वेलची पावडर आणि आवश्यकतेनुसार ड्रायफ्रूटचे तुकडे घालून शिजवून घ्या.
• तयार आहे सोप्या पद्धतीमध्ये बनवलेले रताळ्याचे गोड काप.