पारंपरिक पद्धतीने घरीच बनवा चवदार रसाळ शहाळ्याची भाजी, चवीला लागेल सुंदर पदार्थ

नेहमी नेहमी काय भाजी बनवावी? हे बऱ्याचदा सुचत नाही. अशावेळी तुम्ही सोप्या पद्धतीमध्ये शहाळ्याची भाजी बनवू शकता. हा पदार्थ चवीला अतिशय सुंदर लागतो. जाणून घ्या शहाळ्याची भाजी बनवण्याची सोपी रेसिपी.

नारळाचे पाणी आरोग्यासाठी वरदान आहे. या पाण्याचे नियमित सेवन केल्यास शरीराला अनेक फायदे होतील. आजारी पडल्यानंतर डॉक्टरसुद्धा नारळ पाणी पिण्याचा सल्ला देतात. उन्हाळ्याच्या दिवसांमध्ये नारळ पाणी प्यायल्यास शरीर कायमच हायड्रेट आणि निरोगी राहते. त्वचेवर वाढलेले पिंपल्स आणि मुरूम कमी करण्यासाठी नारळ पाणी प्यावे. शरीरात वाढलेली उष्णता कमी करण्यासाठी नारळ पाणी प्यावे. नियमित एक ग्लास नारळ पाणी प्याल्यास संपूर्ण दिवस शरीर हायड्रेट राहील. बऱ्याचदा नारळ पाणी प्यायल्यानंतर त्यात शहाळ टाकून दिले जाते. मात्र त्यातील जाड खोबऱ्याचा वापर करून तुम्ही भन्नाट चवीची शहाळ्याची भाजी बनवू शकता.मलईदार शहाळ खायला लहान मुलांपासून अगदी मोठ्यांपर्यंत सगळ्यांचं खूप जास्त आवडत. पारंपरिक पद्धतीने बनवलेली चवदार भाजी सगळ्यांचं खूप जास्त आवडेल. चला तर जाणून घेऊया रसाळ शहाळ्याची भाजी बनवण्याची सोपी रेसिपी.(फोटो सौजन्य – istock)

पराठा किंवा चपातीसोबत खाण्यासाठी झटपट बनवा खोबर काकडीची चवदार चटणी, नोट करून घ्या रेसिपी

साहित्य:

• नारळाच्या आतील खोबर
• मोहरी
• तेल
• लाल तिखट
• हळद
• कोथिंबीर
• चिंच

सकाळच्या नाश्त्यासाठी १० मिनिटांमध्ये बनवा हेल्दी काजू शेक, दिवसभर टिकून राहील शरीरात ऊर्जा

कृती:

• शहाळ्याची भाजी बनवण्यासाठी सर्वप्रथम, मोठ्या नारळाच्या आतील पाणी पिऊन त्यातील खोबर काढून घ्या.
• काढून घेतलेल्या खोबऱ्याचे बारीक उभे तुकडे करा. वाटीमध्ये चिंच घेऊन काहीवेळा तसेच भिजत ठेवा.
• नारळाचे दूध तयार करण्यासाठी मिक्सरच्या भांड्यात खोबऱ्याचे तुकडे घेऊन त्यात आवश्यकतेनुसार पाणी घालून बारीक वाटून घ्या. त्यानंतर गाळणीच्या सहाय्याने गाळून दूध काढा.
• कढईमध्ये तेल गरम करून त्यात जिरं आणि मोहरी घालून भाजा. त्यानंतर त्यात लाल तिखट, हळद आणि चवीनुसार मीठ घालून मिक्स करा.
• मसाले भाजल्यानंतर त्यात बारीक करून घेतलेले शहाळ्याचे तुकडे टाकून मिक्स करा. व्यवस्थित मिक्स करून झाल्यानंतर त्यात
• खोबऱ्याचे दूध घालून मिक्स करा. तयार केलेल्या भाजीला एक वाफ आल्यानंतर गॅस बंद करून बारीक केलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेली शहाळ्याची भाजी. हा पदार्थ चपातीसोबत सुंदर लागतो.