साधे पाव खाऊन कंटाळा आला आहे? मग १० मिनिटांमध्ये झटपट बनवा झणझणीत ठेचा पाव, वाढेल जिभेची चव

आज आम्ही तुम्हाला सोप्या पद्धतीमध्ये झणझणीत ठेचा पाव बनवण्याची सोपी रेसिपी सांगणार आहोत. या पद्धतीने बनवलेला ठेचा चवीला अतिशय झणझणीत लागतो. जाणून घ्या रेसिपी.

लहान मुलांपासून ते अगदी मोठ्यांपर्यंत सगळ्यांचं सतत बाहेरील विकतचे पदार्थ खायला खूप जास्त आवडतात. पिझ्झा, बर्गर, फ्राईज, वडापाव इत्यादी चविष्ट पदार्थ अतिशय आवडीने खाल्ले जातात. पण नेहमीच विकतचे पदार्थ खाणे शरीरासाठी अजिबात चांगले नाही. या पदार्थांच्या सेवनामुळे लहान मुलांच्या शरीरावर गंभीर परिणाम होतात आणि आरोग्य बिघडते. म्हणूनच आज आम्ही तुम्हाला सकाळच्या नाश्त्यासाठी ठेचा पाव बनवण्याची सोपी रेसिपी सांगणार आहोत. महाराष्ट्रीयन चवीचा झणझणीत ठेचा जिभेची चव वाढवतो. जेवणाच्या ताटात जर ठेचा असेल तर चार घास जास्त जातात. त्यामुळे अनेक लोक आठवडाभर पुरेल एवढा ठेचा आधीच तयार करून ठेवतात. झणझणीत चवीचा ठेचा लवकर खराब होत नाही. त्यामुळे जिभेची चव वाढवण्यासाठी किंवा घरी आलेल्या पाहुण्यांच्या स्वागतासाठी तुम्ही झणझणीत ठेचा पाव बनवू शकता. चला तर जाणून घेऊया रेसिपी.(फोटो सौजन्य – pinterest)

मसालेदार ओट्स खाऊन कंटाळा आला असेल तर झटपट बनवा हेल्दी टेस्टी ओट्स पॅनकेक, नोट करून घ्या रेसिपी

साहित्य:

• शेंगदाणे
• तेल
• हिरवी मिरची
• लसूण
• जिरं
• मीठ
• बटाटा
• शिमला मिरची
• कोथिंबीर
• बटर
• चिली फ्लेक्स
• चीज
• पाव

Summer Special : उष्ण वातावरण वाढत चाललंय… घरी बनवा थंड आणि चटकदार ‘मसाला ताक’

कृती:

• झणझणीत ठेचा पाव बनवण्यासाठी सर्वप्रथम, तवा गरम करून त्यात शेंगदाणे भाजून घ्या. त्यानंतर तेल टाकून त्यात हिरवी मिरची, जिरं आणि चवीनुसार मीठ घालून खमंग तेलावर भाजा.
• मिक्सरच्या भांड्यात भाजून घेतलेले सर्व साहित्य घालून जाडसर बारीक वाटून घ्या. त्यानंतर त्यात कोथिंबीर घालून पुन्हा एकदा वाटून घ्या.
• तयार केलेले मिश्रण वाटीमध्ये काढून त्यात मॅश केलेला बटाटा, शिमाला मिरची, चिली फ्लेक्स घालून व्यवस्थित मिक्स करा.
• गरम तव्यावर बटर टाकून त्यात चमचाभर ठेचा घालून पावाचे तुकडे घाला आणि ठेचाच्या मिश्रणात घालून मिक्स करा.
• त्यानंतर वरून किसून घेतलेले चीज आणि चिली फ्लेक्स घालून मिक्स करा.
• तयार आहे सोप्या पद्धतीमध्ये बनवलेला झणझणीत ठेचा पाव. हा पदार्थ घरातील सगळ्यांचं खूप जास्त आवडेल.