कोकणातील पारंपरिक पदार्थ! दुपारच्या जेवणात झटपट बनवा ‘वालाची आमटी’, नोट करून घ्या रेसिपी

जेवणाच्या ताटात वालाची आमटी असेल तर जेवणात दोन घास जास्त जातात . म्हणूनच आज आम्ही तुम्हाला कोकणी पद्धतीमध्ये वालाची आमटी बनवण्याची सोपी रेसिपी सांगणार आहोत. हा पदार्थ भाकरी किंवा भातासोबत सुंदर लागेल.

दुपारच्या जेवणात चपाती, भाजी, भात , डाळ आणि इतर चमचमीत पदार्थ बनवले जातात. पण नेहमीच डाळ किंवा डाळीची तिखट आमटी खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये झटपट वालाची आमटी बनवू शकता. कोकणात पूजेच्या नैवेद्यात किंवा कोणत्याही सणावाराच्या दिवशी अतिशय आवडीने वालाची आमटी बनवली जाते. कोकणात प्रामुख्याने रत्नागिरी, सिंधुदुर्ग आणि रायगड जिल्ह्यांमध्ये वालाची किंवा आमटी किंवा भाजी पारंपरिक पद्धतीने बनवली जाते. भाकरी किंवा भातासोबत वालाची आमटी अतिशय सुंदर लागते. त्यामुळे तुम्ही सुद्धा सोप्या पद्धतीमध्ये झणझणीत वालाची आमटी बनवू शकता. वालांमध्ये प्रथिने, फायबर, आयर्न आणि अँटीऑक्सिडंट्स मोठ्या प्रमाणावर आढळून येतात. त्यामुळे आठवड्यातून एकदा तरी वालाच्या भाजीचे किंवा आमटीचे सेवन करावे. वाल पचनासाठी अतिशय हलके असतात. त्यामुळे तुम्ही उपवासाच्या दिवशीच नाहीतर इतर कोणत्याही वेळी झटपट वालाची आमटी बनवू शकता. चला तर जाणून घेऊया वालाची आमटी बनवण्याची सोपी रेसिपी.(फोटो सौजन्य – pintrest)

गरमागरम पदार्थ खाण्याची इच्छा झाल्यास सोप्या पद्धतीमध्ये बनवा हेल्दी स्वीट कॉर्न सूप,नोट करा रेसिपी

साहित्य:

• सोलून घेतलेले वाल
• कांदा
• टोमॅटो
• लाल तिखट
• हळद
• मीठ
• कोकम
• कांदा खोबऱ्याचं वाटण
• कढीपत्ता
• आलं लसूण पेस्ट
• मोहरी

शाळेचा डब्बा होईल आणखीनच स्पेशल! १० मिनिटांमध्ये सोप्या पद्धतीत बनवा गरमागरम देसी बर्गर, नोट करा रेसिपी

कृती:

• वालाची आमटी बनवण्यासाठी सर्वप्रथम, वाल रात्रभर भिजत ठेवा. त्यानंतर दुसऱ्या दिवशी त्यातील पाणी काढून कॉटनच्या कपड्यात बांधून ठेवा. यामुळे वाल व्यवस्थित भिजले जातील. त्यानंतर त्यांची साल काढून घ्या.
• कढईमध्ये तेल गरम करून त्यात मोहरी, कढीपत्ता आणि बारीक चिरलेला कांदा टाकून व्यवस्थित मिक्स करा. त्यानंतर वरून टोमॅटो टाकून झाकण मारून ठेवा.
• कांदा टोमॅटो शिजल्यानंतर त्यात चवीनुसार मीठ टाकून पुन्हा एकदा व्यवस्थित मिक्स करा. आलं लसूण पेस्ट टाकून खमंग भाजून घ्या.
• त्यानंतर त्यात लाल तिखट, हळद आणि गरम मसाला घालून वरून कांदा खोबऱ्याचे वाटण टाकून मिक्स करा.
• वाट्णाला तेल सुटल्यानंतर त्यात थोडस पाणी घालून मंद आचेवर मसाला शिजवून घ्या. त्यानंतर त्यात सोलून घेतलेले वाल टाकून आवश्यकतेनुसार गरम पाणी घालून शिजवून घ्या.
• आमटीची चव आणखीनच वाढण्यासाठी त्यात एक किंवा दोन कोकम टाकून मिक्स करून घ्या. आमटी शिजल्यानंतर सगळ्यात शेवटी त्यात कोथिंबीर टाकून मिक्स करा.
• तयार आहे सोप्या पद्धतीमध्ये बनवलेली वालाची आमटी. हा पदार्थासोबत सुंदर लागेल.