Shravan Special: श्रावणी सोमवारच्या नैवेद्यासाठी बनवा चविष्ट गव्हाच्या पिठाचा शिरा, गोड पदार्थाने वाढेल सणवारांची रंगत

श्रावण महिन्यातील प्रत्येक सामोवारी प्रसादासाठी वेगवेगळे पदार्थ बनवले जातात. त्यामुळे वाटीभर गव्हाच्या पिठापासून झटपट शिरा बनवू शकता. हा पदार्थ चवीला अतिशय सुंदर लागतो.

श्रावण महिना सुरु होण्यास अवघे काही दिवस शिल्लक राहिले आहेत. श्रावण प्रत्येक सोमवारी उपवास केला जातो आणि शंकराच्या पिंडीवर शिवामूठ सुद्धा वाहिली जाते. महिलांसह पुरुष सुद्धा श्रावणात येणाऱ्या प्रत्येक सोमवारी उपवास करतात आणि इच्छित फळ प्राप्तीसाठी प्रार्थना करतात. पण नेहमीच प्रसादासाठी कोणता पदार्थ बनवावा, असा प्रश्न सगळ्यांचं कायम पडतो. म्हणूनच आज आम्ही तुम्हाला वाटीभर गव्हाच्या पिठाचा वापर करून शिरा बनवण्याची सोपी रेसिपी सांगणार आहोत. गव्हाच्या पिठापासून बनवलेला पौष्टिक शिरा घरातील सगळेच अतिशय आवडीने खातील. गव्हाच्या पिठाचा शिरा बनवण्यासाठी जास्त वेळ लागत नाही. कमीत कमी साहित्यात झटपट तयार होणारे पदार्थ खायला सगळ्यांचं खूप जास्त आवडतात. त्यामुळे श्रावण महिन्यातील समोवारी नवनवीन रेसिपी बनवून नैवेद्य दाखवू शकता. चला तर जाणून घेऊया गव्हाच्या पिठाचा शिरा.(फोटो सौजन्य – istock)

Recipe : पार्टी स्नॅक्ससाठी घरी बनवा टेस्टी ‘मिनी पिझ्झा’, लहानांपासून मोठ्यांपर्यंत सर्वांनाच आवडेल रेसिपी

साहित्य:

• गव्हाचे पीठ
• तूप
• सुका मेवा
• कोमट पाणी
• केशर
• वेलची पावडर
• साखर

सुट्टीच्या दिवशी सकाळच्या नाश्त्यासाठी बनवा चविष्ट Paneer Sandwich, मुलांसह घरातील सगळेच खातील आवडीने

कृती:

• गव्हाचा शिरा बनवण्यासाठी सर्वप्रथम, कढईमध्ये तूप गरम करण्यासाठी ठेवा. गरम तुपात गव्हाचं पीठ टाकून चमच्याने सतत मिक्स करत राहा.
• गव्हाचं पीठ भाजताना गॅस कायमच मंद आचेवर ठेवावा. अन्यथा पीठ कढईला चिकटण्याची शक्यता असते.
• पिठाला सोनेरी रंग आल्यानंतर त्यात चवीनुसार साखर घालून व्यवस्थित मिक्स करा आणि आवश्यकतेनुसार कोमट पाणी घालून मिक्स करा.
• तयार केलेला शिरा चमच्याने सतत मिक्स करत राहा. त्यानंतर त्यात तुपावर भाजलेला सुका मेवा आणि वेलची पावडर घालून मिक्स करून घ्या.
• झाकण मारून एक हलकीशी वाफ काढून घ्या. तयार आहे सोप्या पद्धतीमध्ये बनवलेला गव्हाच्या पिठाचा शिरा.