Recipe : पार्टी स्नॅक्ससाठी घरी बनवा टेस्टी ‘मिनी पिझ्झा’, लहानांपासून मोठ्यांपर्यंत सर्वांनाच आवडेल रेसिपी

Mini Pizza Recipe : पिझ्झा कुणाला खायला आवडत नाही. आज आम्ही तुमच्यासोबत व्हेज मिनी पिझ्झाची रेसिपी शेअर करत आहोत. पार्टी स्नॅक्ससाठी ही रेसिपी एकदम चांगला पर्याय ठरते. हा पिझ्झा दिसायलाच नाही तर चवीलाही मजेदार लागतो.

(फोटो सौजन्य: Pinterest)

Follow Us:

Follow Us:

• पिझ्झा हा सर्वांचाच फेव्हरेट आहे.
• आज आपण मिनी पिझ्झाची रेसिपी जाणून घेणार आहोत.
• पार्टी स्नॅक्ससाठी ही डिश परफेक्ट पर्याय ठरेल.

Independence Day 2026 : स्वातंत्र्यदिनासाठी घरच्या घरी बनवा तिरंगी ढोकळा; चव आणि लूक दोन्ही भन्नाट

साहित्य

• मिनी पिझ्झा बेस – ४ ते ५
• पिझ्झा सॉस – ४ ते ५ चमचे
• मोझरेला चीज – १ कप
• कांदा – १ बारीक चिरलेला
• सिमला मिरची – १ बारीक चिरलेली
• टोमॅटो – १ बारीक चिरलेला
• स्वीट कॉर्न – अर्धी वाटी
• चिली फ्लेक्स – १ चमचा
• ओरेगॅनो – १ चमचा
• मीठ – चवीनुसार
• बटर किंवा तेल – आवश्यकतेनुसार

कृती

• सर्वप्रथम कांदा, सिमला मिरची आणि टोमॅटो स्वच्छ धुऊन बारीक चिरून घ्या. स्वीट कॉर्न वापरणार असल्यास तो उकडून किंवा थोडा वाफवून घ्या. भाज्यांमध्ये जास्त पाणी राहणार नाही याची काळजी घ्या.
• मिनी पिझ्झा बेस एका प्लेटमध्ये घ्या. बेसवर थोडे बटर किंवा तेल हलकेच लावल्यास पिझ्झा अधिक चवदार आणि कुरकुरीत होतो.
• प्रत्येक बेसवर पिझ्झा सॉस पसरवून लावा. सॉस खूप जास्त लावू नका, अन्यथा बेस ओलसर होऊ शकतो.
• सॉसवर चिरलेला कांदा, सिमला मिरची, टोमॅटो आणि स्वीट कॉर्न समान प्रमाणात पसरवा. आवडीनुसार इतर भाज्याही यामध्ये घालू शकता.
• भाज्यांवर भरपूर मोझरेला चीज पसरवा. त्यावर ओरेगॅनो आणि चिली फ्लेक्स शिंपडा. चवीनुसार थोडे मीठ घाला.
• तवा गरम करून त्यावर मिनी पिझ्झा ठेवा आणि झाकण ठेवून मंद आचेवर काही मिनिटे भाजा. चीज वितळून
• वरचा थर छान गरम झाला की पिझ्झा तयार आहे. ओव्हन किंवा एअर फ्रायर असल्यास त्यातही पिझ्झा बेक करू शकता.
• तयार मिनी व्हेज पिझ्झा तव्यावरून काढा आणि गरमागरम सर्व्ह करा. वरून थोडे ओरेगॅनो किंवा चिली फ्लेक्स घातल्यास चव आणखी खुलते. टोमॅटो सॉससोबत हा पिझ्झा सर्व्ह करू शकता.

Web Title: Make tasty mini pizza at home a perfect snack for home party

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com