प्रेग्नंसीनंतरच्या स्ट्रेच मार्क्सने हैराण झालात? महागडे प्रोडक्ट्स सोडा, हे घरगुती उपाय करतील तुमची मदत

Stretch Marks Remedy : नेहमी विकतचे महागडे प्रोडक्ट्स कशाला? तुमच्या प्रत्येक समस्येवर उपाय दडला आहे आयुर्वेदात... गरोदरपणात त्वचेवर आलेले स्ट्रेच मार्क्स दूर करण्यासाठी तुम्ही घरगुती उपायांची मदत घेऊ शकता.

• गरोदरपणात शरीरात होणाऱ्या बदलांमुळे त्वचेवर काही सामान्य समस्या दिसू शकतात.
• या समस्यांवर नैसर्गिक आणि सोपे उपाय मदत करू शकतात.
• योग्य काळजी आणि आहारामुळे त्वचेचे आरोग्य सुधारण्यास मदत होते.

महिला गरोदर झाली की तिच्या शरीरात अनेक बदल घडून येतात. यावेळी महिलांना जाणवणारी सर्वात समान्य समस्या म्हणजे पोटावर आलेले स्ट्रेच मार्क्स ज्यांना स्ट्रिया ग्रॅव्हिडारम (striae gravidarum) असेही म्हटले जाते. हे स्ट्रेच मार्क्स फक्त पोटावरच नाही तर मांड्यावर नितंबांवर आणि कधीकधी स्तनांभोवती देखील दिसून येतात. ते गडद आणि फिकट रेषांच्या स्वरुपात असतात. ही समस्या सामान्य वाटत असली तरी अनेक महिलांसाठी ती त्रासदायक ठरत असते. आपल्या त्वचेवर दिसणाऱ्या या रेषा बहुतेक महिलांना फारशा आवडत नाही ज्यामुळे त्या यांना दूर करण्यासाठी एका प्रभावी उपायाच्या शोधात असतात. स्ट्रेच मार्क्स दूर करण्यासाठी बाजारात अनेक प्रोडक्टस उपलब्ध आहेत पण यावर बरेच पैसे खर्च होऊ शकतात. अशात आज आम्ही तुम्हाला असा एक घरगुती उपाय सांगणार आहोत ज्याच्या मदतीने तुम्ही घरबसल्याच हे स्ट्रेच मार्क्स दूर करु शकता.

उन्हाळ्यात दिवसभर येणाऱ्या घामामुळे कंटाळा आहात? घामाच्या दुर्गंधीपासून सुटका मिळवण्यासाठी ‘या’ पद्धतीने करा तुरटीचा वापर

स्ट्रेच मार्क्स कसे येतात?

गरोदरपणात पोट हळूहळू वाढू लागते ज्यामुळे त्वचा वेगाने ताणली जाते. यामुळे त्वचेचे आतील थर देखील ताणले जातात जे पूर्णपणे हा ताण सहन करु शकत नाही. यानंतर त्वचेवर लहान रेषा दिसू लागतात ज्यांना आपण स्ट्रेच मार्क्स या नावाने ओळखतो. सुरुवातीली यांचा रंग गुलाबी असू शकतो पण कालांतराने तो पांढऱ्या रंगात बदलत जातो.

स्ट्रेच मार्क्स कमी करण्यासाठी घरगुती उपाय

चंदनाची पेस्ट

जुन्या काळापासून चेहरा उजळवण्यासाठी चंदनाचा वापर केला जात आहे. चंदळ, वाळा आणि तुळस यांसारख्या औषधी वनस्पतींचा वापर करुन स्ट्रेच मार्क्सना दूर केले जाऊ शकते. यासाठी एका वाटीत हे तीन घटक एकत्र करुन त्यांची गुळगुळीत पेस्ट तयार करा आणि ती पोटावर किंवा स्ट्रेच मार्क्स असणाऱ्या भागांवर लावा. यामुळे त्वचा मऊ होते आणि ताणामुळे होणारी खाज आणि जळजळ शांत होण्यास मदत होते. तुम्ही हा उपाय गरोदरपणाच्या चाैथ्या महिन्यापासून देखील सुरु करु शकता.

करंज पानाचा वापर

करंज ही एक औषधी वनस्पती आहे. स्ट्रेच मार्क्स दूर करण्यासाठी तुम्ही या पानाचीही मदत घेऊ शकता. यासाठी पानांची बारीक पेस्ट तयार करा आणि मग ही तयार पेस्ट पोटावर लावा. यामुळे त्वचेला पोषण मिळते आणि कोरडेपणा कमी होतो. यांचा वापर केल्याने स्ट्रेच मार्क्स येण्याची शक्यता बरीच कमी होते.

खाज टाळा

आयुर्वेदानुसार, गरोदरपणात कधीही त्वचेला खाजवू नये. लोक अनेकदा नकळतपणे आपल्या त्वचेला खाजवतात किंवा चोळतात ज्यामुळे स्ट्रेच मार्क्स अधिक खराब होऊ शकतात. साैम्य खाजेसाठी नैसर्गिक तेलाचा वापर करावा किंवा यावर डाॅक्टरांचा सल्ला घ्यावा.

वय वाढलं पण तारुण्य राहिल टिकूण! महागडे प्रोडक्ट विकत आणू नका, घरीच संत्र्याच्या सालीपासून बनवा Anti Aging Serum

निरोगी आहार महत्त्वाचा

शरीराची कोणतीही समस्या दूर करायची असेल तर आपल्या जेवणात संतुलित आहाराचा समावेश करणे फार महत्त्वाची भूमिका बजावते. पुरेसे पाणी, फळे, हिरव्या भाज्या आणि पोषक तत्वांनी भरलेले अन्न खा. यामुळे त्वचा आतून घट्ट होण्यास मदत होईल. यामुळे त्वचेवरील स्ट्रेच मार्क्स लवकर दूर होण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.