पुरूषांची प्रजननक्षमता (फोटो सौजन्य - iStock)
पुनरुत्पादक आरोग्य चांगले राखणे हे सर्वांगीण आरोग्य आणि प्रजननक्षमतेसाठी महत्त्वपूर्ण आहे. चांगले प्रजनन आरोग्य म्हणजे निरोगी शुक्राणू तयार करण्याची क्षमता ज्यामुळे जोडप्यासाठी निरोगी गर्भधारणा होऊ शकते. निरोगी आहाराच्या सवयी, शारीरिकरित्या सक्रिय राहणे, तणावाचे व्यवस्थापन करणे आणि धूम्रपान किंवा मद्यपान यांसारख्या हानिकारक सवयी टाळणे यासारखे काही आवश्यक बदल करून तुम्ही निरोगी जीवनशैली बाळगु शकता.
योग्य सावधगिरी बाळगत प्रजनन आरोग्य चांगले राखल्यास जीवनाचा दर्जा उंचावतो, मानसिक आणि शारीरिक आरोग्य सुधारते. योग्य वयातच कुटुंबाची नियोजन आखण्याची गरज आहे याची खबरदारी घ्यावी. तुमचे प्रजनन आरोग्य चांगले राखण्यासाठी डॉ. विकास भिसे, युरोलॉजिस्ट आणि ट्रान्सप्लांट सर्जन, मेडिकवर हॉस्पिटल्स, नवी मुंबई यांनी दिलेल्या काही टिप्स फॉलो करा
निरोगी आहार महत्त्वाचा (फोटो सौजन्य – iStock)
निरोगी आहाराच्या सेवनाने तुमचे आरोग्य चांगले राहण्यास आणि विविध रोगांचा धोका कमी होण्यास मदत होऊ शकते. तुमची प्रजनन क्षमता टिकवून ठेवण्यासाठी पोषक तत्वे महत्त्वाची भूमिका बजावतात, त्यामुळे पुरेसे पौष्टिक अन्न न खाल्ल्याने विविध प्रजनन समस्या उद्भवू शकतात. ओमेगा -3 फॅटी ऍसिडस्, जस्त आणि अँटिऑक्सिडंट्स असलेल्या भाज्या खाल्ल्याने प्रजनन आरोग्य आणि शुक्राणूंची गुणवत्ता चांगली राखण्यास मदत होते. सतत जंक फूड किंवा शर्करायुक्त पेय, फॅटी फूड, चिप्स आणि पिझ्झा यासारखे प्रोसेस्ड फूड खाणे तसेच चुकीच्या खाण्याच्या सवयीमुळे तुमच्या प्रजनन आरोग्यावर परिणाम होऊ शकतो, परिणामी हार्मोनल असंतुलनाची समस्या उद्भवते. खाण्याच्या असामान्य सवयींमुळे तुमचे प्रजनन आरोग्य बिघडू शकते, त्यामुळे तुमच्या आरोग्याला प्राधान्य देणे आवश्यक आहे.
शुक्राणूंची कमतरता, इरेक्टाइल डिसफंक्शन, कमी टेस्टोस्टेरॉन पातळी, नपुंसकता आणि लैंगिक संक्रमण (STIs) यासारख्या प्रजनन आरोग्याशी संबंधित समस्यांबद्दल जागरूक राहणे गरजेचे आहे. तज्ञांचे मार्गदर्शन आणि सूचना मिळविण्यासाठी पुरुष डॉक्टरांचा सल्ला घ्यायला विसरु नका आणि प्रजनन आरोग्याशी संबंधित समस्यांवर संकोच न बाळगता चर्चा करा.
धुम्रपान करणे धोकादायक (फोटो सौजन्य – iStock)
धूम्रपान केल्याने तुमच्या प्रजनन आरोग्यावर दुष्परिणाम होतो. त्यामुळे शुक्राणूंची संख्या कमी होणे आणि इरेक्टाइल डिसफंक्शन यांसारख्या प्रजनन समस्या देखील होऊ शकतात. सिगारेटच्या धुराचा दीर्घकाळ संपर्क तुमच्या हार्मोन्स आणि प्रजनन आरोग्यावर परिणाम करू शकतात आणि शुक्राणूमध्ये असलेल्या डीएनएला नुकसान पोहोचवू शकतो. तुमच्या जीवनाची गुणवत्ता आणि प्रजनन आरोग्य सुधारण्यासाठी धूम्रपान सोडणे हा सर्वोत्तम पर्याय ठरतो.
तणाव करा कमी (फोटो सौजन्य – iStock)
तणावामुळे तुमच्या संप्रेरकांच्या पातळीवर आणि शुक्राणूंच्या उत्पादनावर लक्षणीय परिणाम होतो. योग, ध्यान, दीर्घ श्वासोच्छवासाचे व्यायाम, आवडते चित्रपट पाहणे किंवा तुमचा जोडीदार, कुटुंबातील सदस्य आणि मित्रांसोबत दर्जेदार वेळ घालवणे यासारख्या विविध तणाव-कमी करणाऱ्या तंत्रांचा अवलंब करा. तणाव आणि तुमचे एकंदर आरोग्य व्यवस्थापित करण्यात मदत करण्यासाठी किमान 8 तासांची पुरेशी झोप घ्या.
तुमच्या दैनंदिन दिनचर्येत या टिप्सचा समावेश केल्याने प्रजनन आरोग्य आणि तुमच्या एकूण जीवनशैलीशी निगडित समस्या सोडवण्यात मदत होऊ शकते. संतुलित आहाराचे सेवन करून, प्रजनन आरोग्याच्या समस्यांबाबत जागरूक राहणे आवश्यक आहे. धूम्रपान किंवा मद्यपान यासारख्या सवयी टाळून आणि तणावाचे व्यवस्थापन करून, तुम्ही तुमचे प्रजनन आरोग्य चांगले राखू शकता.
