बद्धकोष्ठतेच्या समस्येने त्रस्त आहात? मग दैनंदिन आहारात करा ‘या’ पदार्थाचे सेवन, पोट राहील स्वच्छ

पोटासंबंधित समस्या उद्भवू लागल्यानंतर काहीवेळा अनेक लोक दुर्लक्ष करतात. मात्र असे केल्यामुळे आरोग्याला हानी पोहचते. बद्धकोष्ठतेच्या समस्येपासून आराम मिळवण्यासाठी मक्याचे पिठाचे सेवन करावे.

चुकीचा आहार, जंक फूडचे सेवन, व्यायामाचा अभाव, शारीरिक हालचालींची कमतरता इत्यादी अनेक गोष्टींचा परिणाम आरोग्यावर लगेच दिसून येतो. त्यामुळे दैनंदिन आहारात तेलकट किंवा तिखट पदार्थांचे सेवन करण्याऐवजी पौष्टिक पदार्थांचे सेवन करावे. पचनासंबंधित समस्या उद्भवू लागल्यानंतर पोटात दुखणे, पोट फुगणे, बद्धकोष्ठता इत्यादी अनेक समस्या उद्भवू लागतात. या समस्या उद्भवू लागल्यानंतर अनेक लोक डॉक्टरांच्या सल्ल्याने गोळ्या औषध घेतात, मात्र वारंवार गोळ्या औषधांचे सेवन करणे आरोग्यासाठी अतिशय घातक आहे. त्यामुळे आज आम्ही तुम्हाला बद्धकोष्ठतेचा समस्या उद्भवू लागल्यानंतर कोणत्या पदार्थाचे सेवन करावे, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – iStock)

Recipe: मूग डाळीपासून बनवलेली कुरकुरीत मठरी खाल्ली आहे का? चहासोबत लाजवाब लागेल

कॉर्न फ्लोअर म्हणजेच मक्याचे पीठ हे आपल्या आरोग्यासाठी अत्यंत फायदेशीर आहे. उत्तर भारतात हिवाळ्यात कॉर्न फ्लोअर आणि सरसों का साग यापासून बनवलेल्या रोट्या अतिशय आवडीने खाल्ल्या जातात. असे म्हटले जाते की हे मिश्रण केवळ चवदारच नाही तर शरीरासाठी देखील खूप फायदेशीर आहे. मक्याच्या पिठात विटामिन सी व्यतिरिक्त ए, के आणि बी कॉम्प्लेक्स जीवनसत्त्वे मुबलक प्रमाणात असतात. याशिवाय मक्याच्या पिठात लोह, फॉस्फरस, झिंक आणि अँटीऑक्सिडंटसही भरपूर असतात. म्हणूनच डॉक्टर आणि तज्ज्ञ देखील त्याचे नियमित सेवन करण्याचा सल्ला देतात. त्यामुळे पोटासंबंधित समस्या उद्भवू लगल्यानंतर कोणत्याही इतर पदार्थाचे सेवन करण्याऐवजी मक्याचे पिठाचे सेवन करावे. यामुळे शरीर सुद्धा स्वच्छ होते.

बद्धकोष्ठतेची समस्या दूर होते:

ज्या लोकांना बद्धकोष्ठतेचा त्रास होतो, त्यांनी मक्याच्या पिठापासून बनवलेल्या पदार्थांचे योग्य प्रमाणात सेवन करावे. पोटाच्या समस्यांचे मुख्य कारण म्हणजे पचनसंस्थेची कमकुवतता मानली जाते. मक्याच्या पिठात फायबर असते. बद्धकोष्ठतेची समस्या मक्याच्या पिठामुळे काही दिवसात दूर होईल आणि तुम्हाला आरामही वाटेल.

उच्च कॅलरी:

अनेक वेळा लोकांना जास्त भूक लागते आणि ते कधीही काहीही खातात. असे वारंवार होत असेल तर वजन वाढू लागते. या समस्येपासून सुटका मिळवण्यासाठी मध्याच्या पिठाची मदत घ्यावी, कारण त्यात कॅलरीजचे प्रमाण खूप जास्त असते. जर तुम्ही मक्याच्या पिठापासून बनवलेल्या गोष्टी खाल्ल्या तर तुम्हाला दिवसभर पोट भरल्यासारखे वाटेल,

कोलेस्ट्रॉल कमी करा:

मक्याच्या पिठाच्या मदतीने शरीरातील खराब कोलेस्ट्रॉलची पातळी कमी केली जाऊ शकते. इतकेच नाही तर मक्याच्या पिठामुळे शरीरातील अतिरिक्त चरबीही बर्न केली जाते. कोलेस्टेरॉल कमी करणारे मक्याचे पीठ आपल्याला हृदयविकारांपासून वाचवते.

आतड्यांचे बिघडलेले आरोग्य सुधारण्यासाठी चपातीच्या पिठात मिक्स करा ‘हा’ गुणकारी पदार्थ, आरोग्यासंबंधित समस्या होतील दूर

या प्रकारे सेवन करा

तुम्हाला हवे असल्यास मक्याचे पीठ दुधात शिजवून देखील खाऊ शकता. यासाठी एक पॅन घ्या आणि त्यात तुमच्या गरजेनुसार मक्याचे पीठ आणि दूध घाला. तुम्हाला हवे असल्यास तुम्ही मक्याच्या पिठाच्या मदतीने पास्ताही करून पाहू शकता. त्याची चव खूप चविष्ट असेल आणि मुलांनाही खूप आवडेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.