वाढत्या उन्हाळ्यात शरीरात टिकून राहील थंडावा! १० मिनिटांमध्ये झटपट बनवा गुलकंद, गॅस अपचनाचा त्रास होईल नाहीसा

उन्हाळाच्या दिवसांमध्ये एक चमचाभर गुलकंद नेहमीच खावे. यामुळे शरीराला सुद्धा भरमसाट फायदे होतात आणि आरोग्य सुधारते. चला तर जाणून घेऊया गुलकंद बनवण्याची कृती.

उन्हाळा ऋतूला सुरुवात झाल्यानंतर अंगाची काहिली होण्यास सुरुवात होते. वातावरणात सतत होणाऱ्या बदलांमुळे आरोग्य सुद्धा बिघडून जाते. घामावाटे शरीरातील पाणी निघून गेल्यानंतर खूप जास्त थकवा आणि अशक्तपणा वाढतो. अशावेळी काहींना अचानक चक्कर किंवा डोळ्यांवर अंधारी आल्यासारखे वाटू लागते. त्यामुळे शरीरात थंडावा टिकून ठेवण्यासाठी आहारात हेल्दी आणि चविष्ट पदार्थांचे सेवन करावे. आज आम्ही तुम्हाला सुकलेल्या गुलाबाच्या पाकळ्यांपासून गुलकंद बनवण्याची सोपी रेसिपी सांगणार आहोत. सकाळी किंवा इतर वेळी नियमित एक चमचा गुलकंद खाल्ल्यास पोटात वाढलेली उष्णता कमी होईल आणि आरोग्य सुधारण्यास मदत होईल. गुलकंद तुम्ही दुधात मिक्स करून किंवा नुसतेच सुद्धा खाऊ शकता. गुलकंद केवळ चवीसाठीच नाहीतर संपूर्ण शरीरासाठी सुद्धा खूप जास्त फायदेशीर असते. आयुर्वेदामध्ये शीतलता मानल्या जाणाऱ्या पदार्थांमध्ये गुलकंदाचे नाव आवर्जून घेतले जाते. चला तर जाणून घेऊया गुलकंद बनवण्याची सोपी रेसिपी.(फोटो सौजन्य – istock)

Summer Special : कच्च्या कैरीपासून घरी बनवा आंबट-गोड चवीचा ‘आमपापड’, ऑफीस स्नॅक्ससाठी परफेक्ट पर्याय

साहित्य:

• गुलाबाच्या पाकळ्या
• साखर
• बडीशेप
• वेलची पावडर
• केशर

उन्हाळ्यात पोटाला मिळेल थंडावा! शिल्लक राहिलेल्या भातापासून झटपट बनवा कोकोनट राईस, नोट करून घ्या पदार्थ

कृती:

• गुलकंद बनवण्यासाठी सर्वप्रथम, ताज्या गुलाबाच्या पाकळ्या स्वच्छ पाण्याने धुवून कोरड्या करून घ्या.
• त्यानंतर सुती कपड्यावर पाकळ्या सुकण्यासाठी ठेवा. यामुळे पाकळ्यांमधील पाणी पूर्णपणे निघून जाईल.
• सुकवलेल्या गुलाबाच्या पाकळ्या मोठ्या वाटीमध्ये घेऊन त्यात खडीसाखर, बडीशेप आणि वेलची पावडर घालून हाताने व्यवस्थित मिक्स करून घ्या.
• त्यानंतर तयार केलेले मिश्रण काचेच्या बरणीमध्ये भरून ठेवा. गुलकंदच्या मिश्रणात चार ते पाच काड्या केशर मिक्स करावे.
• दोन आठवड्यांपर्यंत गुलकंद काचेच्या बरणीमध्ये तसेच ठेवावे. अजिबात हात लावू नये. गुलाबाच्या पाकळ्या साखरेमध्ये व्यवस्थित मिक्स झाल्यास सुंदर गुलकंद तयार होईल.
• तयार आहे सोप्या पद्धतीमध्ये बनवलेला गुलकंद. हा पदार्थ सगळ्यांचं खायला खूप जास्त आवडेल.