मंगळवार, 20 ऑक्टोबर 2026
IRCTC Tour Package: अरुणाचल प्रदेशातील दिरंग आणि तवांग एक्सप्लोर करा, बजेट-फ्रेंडली प्रवास पर्याय ( फोटो सौजन्य : सोशल मीडिया)
IRCTC Tour Package 2025 : भारताच्या ईशान्य सीमेवर वसलेला अरुणाचल प्रदेश (Arunachal Pradesh) त्याच्या अप्रतिम निसर्गसौंदर्यामुळे जगभरातील पर्यटकांना आकर्षित करतो. हिमालयाच्या कुशीत विसावलेले बर्फाच्छादित डोंगर, घनदाट जंगलं, स्वच्छ नद्या आणि शांत दऱ्या यामुळे हा प्रदेश निसर्गप्रेमींसाठी स्वर्गासारखा आहे. हाच अनुभव देशभरातील प्रवाशांना मिळावा, यासाठी आयआरसीटीसी (IRCTC) ने डिसेंबर २०२५ साठी एक खास अरुणाचल प्रदेश टूर पॅकेज सुरू केले आहे. ‘अरुणाचल रेलचा डॉन’ या नावाने ओळखले जाणारे हे पॅकेज ७ रात्री आणि ८ दिवसांचे असून, प्रवासाला आवड असणाऱ्या प्रत्येकासाठी ते एक परिपूर्ण पर्याय ठरणार आहे.
या पॅकेजचे सर्वात मोठे वैशिष्ट्य म्हणजे प्रवासासाठी मिळणारी वंदे भारत एक्सप्रेसची सुविधा. आरामदायी, वेगवान आणि आधुनिक सुविधांनी सुसज्ज असलेल्या या ट्रेनमुळे प्रवाशांचा प्रवास अधिक सुखकर होणार आहे. हे टूर पॅकेज न्यू जलपाईगुडी येथून सुरू होणार असून, त्यानंतर प्रवाशांना अरुणाचल प्रदेशातील दिरांग आणि तवांगसारख्या प्रसिद्ध आणि निसर्गरम्य स्थळांना भेट देता येणार आहे. दिरांग हे ठिकाण त्याच्या सुंदर दऱ्या, गरम पाण्याचे झरे आणि ट्रेकिंगसाठी प्रसिद्ध आहे. साहसी पर्यटकांसाठी ते एक उत्तम बेस कॅम्प मानले जाते. थंड हवामान, धुक्यात हरवलेले डोंगर आणि शांत वातावरण यामुळे दिरांग एक मन मोहून टाकणारे ठिकाण ठरते.
हे देखील वाचा : Saint Lucia : कॅरिबियनचा स्वर्ग! जगातील एकमेव ‘देश’ ज्याचे नाव एका महिलेच्या नावावर आहे; सौंदर्य आणि इतिहासाचा संगम
त्यानंतरचा प्रवास होतो तो तवांगकडे. तवांगमध्ये भारतातील सर्वात मोठा बौद्ध मठ असून तो जगभरात ओळखला जातो. बर्फाच्छादित शिखरांमध्ये वसलेला हा मठ धार्मिक वारसा आणि अध्यात्मिक शांततेचा अनुभव देतो. येथे उंच टेकड्या, धबधबे, हिरवीगार दऱ्या आणि शांत परिसर पर्यटकांना वेगळ्याच जगात घेऊन जातो. तवांगमध्ये वास्तव्यास असलेल्या मोनपा जमातीची समृद्ध संस्कृती, पारंपरिक पोशाख आणि खास स्थानिक खाद्यपदार्थ प्रवाशांसाठी आकर्षणाचा केंद्रबिंदू ठरतात. त्यामुळे हे पॅकेज केवळ पर्यटन नाही, तर एक सांस्कृतिक आणि नैसर्गिक अनुभव देणारा प्रवास ठरतो.
या आयआरसीटीसी टूर पॅकेजमध्ये प्रवाशांसाठी कन्फर्म चेअर कार, आरक्षित तिकिटे, आरामदायी आणि स्वच्छ हॉटेलमध्ये राहण्याची व्यवस्था, सकाळचा नाश्ता आणि रात्रीचे जेवण यांचा समावेश करण्यात आला आहे. त्यामुळे प्रवाशांना वेगळी कोणतीही चिंता न करता पूर्ण प्रवासाचा मनमुराद आनंद लुटता येणार आहे. विशेष म्हणजे हे पॅकेज ५ डिसेंबर २०२५ पासून सुरू होणार असून, हिवाळ्यातील अरुणाचलचे नयनरम्य स्वरूप पाहण्याची ही एक सुवर्णसंधी मानली जात आहे.
पॅकेजच्या किमती देखील इतर टूरच्या तुलनेत अत्यंत वाजवी ठेवण्यात आल्या आहेत. सिंगल ऑक्युपन्सीसाठी म्हणजे एका व्यक्तीसाठी भाडे ₹५२,१३० आहे, तर दुहेरी खोलीसाठी प्रत्येकी ₹५०,०९० इतके शुल्क आकारले जाते. तिहेरी खोलीमध्ये प्रवास करणाऱ्यांसाठी भाडे फक्त ₹३९,६६० इतके ठेवण्यात आले आहे. याशिवाय ५ ते ११ वर्षे वयोगटातील मुलांसाठी फक्त ₹१६,३०० इतके शुल्क आकारले जाणार आहे, जे कुटुंबांसाठी हा टूर अधिक किफायतशीर बनवते.
हे देखील वाचा : Mundeshwari Temple : ‘हे’ आहे जगातील सर्वात जुने हिंदू मंदिर; 2,000 वर्षांची परंपरा अन् देवीची रहस्यमय आख्यायिका
हे टूर पॅकेज बुक करण्यासाठी प्रवाशांनी आयआरसीटीसीच्या अधिकृत वेबसाइटला भेट द्यावी किंवा मोबाईल ॲपच्या माध्यमातून थेट बुकिंग करू शकतात. मर्यादित जागा असल्यामुळे इच्छुक प्रवाशांनी लवकरात लवकर आपली नोंदणी करणे फायदेशीर ठरेल. निसर्गप्रेमी, साहसी प्रवासी आणि कुटुंबासोबत एक अविस्मरणीय अनुभव घ्यायचा असेल, तर आयआरसीटीसीचे हे अरुणाचल प्रदेश टूर पॅकेज २०२५ तुमच्यासाठी एक सुवर्णसंधी ठरणार आहे.
Ans: हे आयआरसीटीसीचे अरुणाचल प्रदेश टूर पॅकेज 7 रात्री आणि 8 दिवसांचे आहे.
Ans: या टूर पॅकेजची सुरुवातीची किंमत ₹३९,६६० पासून आहे.
Ans: तुम्ही आयआरसीटीसीच्या अधिकृत वेबसाइट किंवा मोबाईल ॲपद्वारे थेट बुकिंग करू शकता.
