Janmashtami Recipe: श्रीकृष्ण जन्माष्टमीनिमित्त भगवान कृष्णाला नैवेद्यात अर्पण करा पंचामृत केक, नोट करून घ्या रेसिपी

श्री कृष्णाच्या नैवेद्यासाठी कायमच तेच ठराविक पदार्थ बनवण्याऐवजी पंचामृत केक बनवावा. हे केक घरातील प्रत्येक व्यक्तीला खूप जास्त आवडेल आणि चव सुद्धा भारी लागते. चला तर जाणून घेऊया पंचामृत केक बनवण्याची सोपी रेसिपी.

Janmashtami Recipe: राज्यभरात सगळीकडे श्री कृष्ण जन्माष्टमीचा मोठा आनंद आणि उत्साह आहे. जन्माष्टमीच्या दिवशी उपवास करून रात्री १२ वाजता कृष्णाची पूजा केली जाते. याशिवाय कृष्णाला वेगवेगळ्या पदार्थांचा नैवेद्य सुद्धा अर्पण केला जातो. माखन मिश्री, गोपालकाला, पिंजरी, लोणी हे पदार्थ श्री कृष्णाला खूप जास्त आवडतात. याशिवाय नैवेद्यात पंचामृत सुद्धा अर्पण केले जाते. याच पंचामृताचा वापर करून तुम्ही केक सुद्धा बनवू शकता. श्रीकृष्णच्या नैवेद्यात कायम तेच ठराविक पदार्थ बनवण्याऐवजी या पद्धतीने पंचामृत केक सुद्धा बनवू शकता. यामुळे सणांचा गोडवा आणखीनच वाढेल आणि घरातील मुलं सुद्धा खुश होतील. पंचामृताचा सुगंध आणि सुका मेवा वापरून बनवलेला केक केवळ नैवेद्यासाठीच नाहीतर इतर वेळी सुद्धा घरात खाण्यासाठी बनवू शकता. चला तर जाणून घेऊया पंचामृत केक बनवण्याची रेसिपी.(फोटो सौजन्य – AI)

Tomato Rice Recipe: एकदा खाल तर पुन्हा पुन्हा बनवाल! १० मिनिटांमध्ये साऊथ इंडियन पद्धतीने बनवा टेस्टी टोमॅटो राईस, नोट करा रेसिपी

साहित्य:

• रवा
• दूध
• दही
• पिठीसाखर
• मध
• बेकिंग पावडर
• बेकिंग सोडा
• वेलची पावडर
• केशर
• सुका मेवा
• तुळशीची पाने

चविष्ट अन् पाैष्टिक… तुम्ही खाल्लीये का कधी बाजरीची खिचडी, चवीला लागते मजेदार; रात्रीच्या जेवणाला नक्की ट्राय करा

कृती:

• पंचामृत केक बनवण्यासाठी सर्वप्रथम, मोठ्या वाटीमध्ये ताजी दही आणि पिठीसाखर एकत्र करून व्यवस्थित मिक्स करा. त्यानंतर त्यात तूप आणि मध मिक्स करा.
• सर्व साहित्य व्हिस्कीच्या मदतीने व्यवस्थित मिक्स करून घ्या. तयार केलेल्या मिश्रणात रवा, अर्धा कप दूध घालून मिक्स करून घ्या.
• रव्याच्या मिश्रणात अजिबात गुठळ्या होणार नाहीत याची काळजी घ्यावी. तयार करून घेतलेले मिश्रण झाकण ठेवून काहीवेळ बाजूला ठेवा.
• केकच्या भांड्याला थोडे तूप लावून बटर पेपर लावा आणि ओव्हन १० मिनिटांसाठी १८०°C वर प्रीहीट करण्यासाठी ठेवा.
• २० मिनिट झाल्यानंतर रवा व्यवस्थित फुगून येईल. आवश्यकता वाटल्यास थोडस दूध घालून मिश्रण मिक्स करा.
• त्यानंतर त्यात वेलची पावडर आणि तुमच्या आवडीनुसार सुक्या मेव्याचे काप टाकून मिक्स करून घ्या.
• केकच्या भांड्याला तूप लावून त्यात मिश्रण ओता आणि वरून सजावटीसाठी सुका मेवा, केशर आणि गुलाबाच्या पाकळ्या टाकून व्यवस्थित सेट करा.
• ओव्हनमध्ये १८०°C तापमानावर ३५ ते ४० मिनिटे केक बेक करण्यासाठी ठेवून द्या. तयार केलेला केक तुळशीच्या पानांनी सजवा.
• तयार आहे श्री कृष्णाच्या नैवेद्यात बनवलेला पंचामृत केक.