शाळा सुरू झाल्यावर मोठा प्रश्न असतो तो…मुलांच्या डब्यांचा !!! म्हणूनच सुपरमॉमसाठी खास टीफीन चार्ट

शाळा सुरू झाल्यावर मुलांना डब्यात काय द्यायचं हा मोठा प्रश्न तमाम आयांना सतावत असतो. अशावेळी एखादा टीफीन चार्ट करून ठेवला तर, रोजच्या टीफीनचा प्रश्न सुटेल नाही का? आणि म्हणूनच खास आमच्या सुपरमॉम साठी आम्ही आणला आहे हा टीफीन चार्ट....हा टीफीन चार्ट फॉलो करा आणि मुलांना हेल्दी आणि टेस्टी फूड द्या

Follow Us:

Follow Us:

जून महिना सुरू होताच प्रत्येक आईला मुलांच्या डब्याचं टेन्शन येतं. रोज-रोज आपल्या मुलांच्या टीफीन बॉक्समध्ये काय द्यायचं जे हेल्दी असेल आणि टेस्टी असेल. आवडीचा खाऊ डब्यात नसेल तर, मुलं डब्बा खात नाहीत. त्यामुळे आपल्या मुलांची आवडही सुपरमॉमला लक्षात घ्यावी लागते. मुलांचा शाळेचा डबा तयार करताना त्यांच्या आरोग्याचा आणि आरोग्यासाठी लागणा-या पोषक घटकांचाही विचार करा. मुलांच्या आरोग्यासाठी काय उपयुक्त आहे, काय नाही याचा विचार करून डबा बनवला, तर मुलांचे आरोग्य उत्तम राहते. त्यामुळे मुलांचा डबा बनवताना काही गोष्टींची काळजी घ्या.

मुलांचा डबा बनवताना घ्या, ही काळजी!

 मुलांना डब्यामध्ये कधीच फळं किंवा भाज्या कापून देऊ नका. कारण, त्यातून पोषक घटक मिळत नाहीत आणि ते खराब   होण्याची शक्यता असते. त्यामुळे मुलांना डब्यात सलाड देणे टाळा.

मुलांना डब्यात सफरचंद, पेरू, केळी, चेरी, जामुन ही फळं देण चांगलं आहे. कारण, ही फळं रोगप्रतिकारकशक्ती वाढवतात.

मुलांना डब्यात सँडविचसारखी फास्ट फूड देण्यापेक्षा पालेभाज्या द्या.

मुलांच्या डब्यात तव्यावर फ्राय केलेल्या भाज्या द्या. यातून मुलांना आवश्यक ते पोषण मिळते. मुलांना डब्यात ते तुम्ही देऊ    शकता. याला जास्त वेळही लागत नसून, भाज्यांच्या माध्यमातून मुलांना आवश्यक ते पोषण घटक मिळतात.

मुलांना डब्यात कडधान्यांचे पॅनकेक बनवून द्या. ते बनवणेही सोपं आहे शिवाय मुलांना ते आवडतंही आणि यातून शरीराला  फायबरही मिळते.

मुलांना तळलेले स्नॅक्स देण्यापेक्षा भाजलेले पदार्थ खायला द्यावेत.

पालेभाज्या या शरीराला पोषक असतात, म्हणून पालेभाजी मुलांना डब्यामध्ये देत जा. 

मुलं ब-याचवेळा भाज्या खाण्यासाठी नकार देतात अशावेळी मुलांना त्या-त्या भाज्या पराठ्यांमधून, थालिपिठातून खायला द्याव्यात. जेणे करून त्या भाज्या त्यांच्या पोटात जातील.

पालक,मेथी,बीट,बटाटा,पनीर यांचे पराठे मुलांना आवडतात. थालिपीठ करताना त्यात कांद्याबरोबरच कोबी,काकडी,गाजर किसून घातल्यास मुलांना ते हमखास आवडणार. मुलांना फास्ट फूड आवडतं पिझ्झा,बर्गर,पास्ता यांसारखे पदार्थ करताना ब्राऊन ब्रेड किंवा ब्राऊन बेसचा वापर करा. किंवा भाकरी – पोळी यावर अगदी पिझ्झा टॉपिंग टाकून टीफीनमध्ये द्या. मुलं आवडीने खातील. टीफीनही फस्त होईल. इडली,ढोकळा,रव्याचे अप्पे हे टीफीनसाठी खूप चांगले पर्याय आहेत. हे सगळं करताना आदल्यादिवशी तुम्हाला तयारी करून ठेवावी लागेल. तसंच एक चार्ट तयार करा आणि तो चार्ट आपल्या फ्रीजवर लावून ठेवा. त्यामुळे अगदी न विसरता तुम्ही हेल्दी टीफीन करू शकालं.

[read_also content=”अनुष्का शर्माची बदामाच्या दुधाची रेसिपी व्हायरल…बदामाचे दूध शरीर,त्वचा,स्नायूंसाठी फारच उपयुक्त https://www.navarashtra.com/lifestyle/anushka-sharama-almond-milk-recipe-viral-415150/”]

मुलांचा टीफीन चार्ट – 

Web Title: Kids tiffin chart for school

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com