कोलकाता फेमस पुचका आता घरीच बनवा; मसालेदार स्टफिंग, कुरकुरीत पुरी आणि चटकेदार पाण्याची चव; नाश्त्यासाठीची परफेक्ट रेसिपी

कोलकाता स्टाईल पुचका म्हणजे केवळ एक चव नाही, ती एक अनुभूती आहे. याची चव पाणीपुरीपेक्षा फारच वेगळी आणि चटाकेदर असते. आता हेच स्वादिष्ट पुचके आपल्या मराठी स्वयंपाकघरात करून पाहा आणि आपल्या मित्र-परिवाराला भरपेट खाऊ घाला.

भारत देशात पाणीपुरी, गोलगप्पे, फुचका, गुपचुप किंवा पुचका या नावांनी ओळखला जाणारा हा लज्जतदार स्ट्रीट फूड प्रकार प्रत्येक प्रांतात वेगवेगळ्या पद्धतीने बनवला जातो. पण त्यातही कोलकाता स्टाईल पुचका ही एक खास वेगळी चव आहे – जी झणझणीत, आंबट-गोड आणि मसालेदार असते. कोलकात्यातील रस्त्यावर मिळणारा पुचका म्हणजे केवळ खाण्याचा पदार्थ नाही, तर ती एक अनुभवाची गोष्ट असते. हातातल्या पानात ठेवलेली कुरकुरीत पुरी, आत भरलेला टंगळमंगळ मसाला आणि त्यावर ओतलेलं खटखटीत पाणी – हे खाल्ल्यावर जी तृप्ती मिळते ती काही औरच!

महाराष्ट्राचा फेमस आणि पारंपरिक पदार्थ ज्वारीचे शेंगोळे कधी खाल्ले आहेत का? रसरशीत भाजी अन् चव चाखाल तर फॅन व्हाल

या पुचक्याची खासियत म्हणजे त्यात वापरला जाणारा टमालपट्ट्याचा फ्लेवर असलेलं झणझणीत पाणी, तसेच भरावासाठी वापरलेला काबुली चण्याचा आंबट-गोड-मसालेदार मसाला. आता ही खास कोलकाता स्टाईल पुचका चव तुम्ही तुमच्या घरी अगदी सहजपणे बनवू शकता. चला तर मग, पाहूया कोलकाता स्टाईल पुचक्याची पारंपरिक आणि तोंडाला पाणी आणणारी रेसिपी.

साहित्य

• बाजारातील पुऱ्यांचं पॅकेट

स्टफिंगसाठी

• उकडलेले काबुली चणे – १ कप
• उकडलेले बटाटे – १ मध्यम आकाराचा
• चिरलेली कोथिंबीर – २ टेबलस्पून
• हिरवी मिरची (बारीक चिरून) – १
• काळं मीठ – ½ टीस्पून
• सैंधव मीठ – चवीनुसार
• भाजलेले जिरेपूड – ½ टीस्पून
• आमचूर पावडर – ½ टीस्पून
• लिंबाचा रस – १ टेबलस्पून

पाण्यासाठी

• पुदिन्याची पाने – ½ कप
• कोथिंबीर – ¼ कप
• हिरव्या मिरच्या – २
• आले – १ इंच तुकडा
• चिंच – १ टेबलस्पून (१५ मिनिटे पाण्यात भिजवून ठेवावी)
• काळं मीठ – ½ टीस्पून
• सैंधव मीठ – चवीनुसार
• साखर – ½ टीस्पून
• भाजलेले जिरे – ½ टीस्पून
• पाणी – ३-४ कप
• तमालपत्र (bay leaf) – १, फोडून
• लिंबाचा रस – १-२ टेबलस्पून

सेलिब्रिटींच्या आवडीचा नाश्ता अवोकाडो टोस्ट घरी कसा बनवायचा? आजच जाणून घ्या हेल्दी पण तितकीच चविष्ट अशी रेसिपी

कृती:

• काबुली चणे आणि बटाटा एकत्र करून नीट मॅश करा.
• त्यात चिरलेली कोथिंबीर, मिरची, जिरेपूड, आमचूर पावडर, काळं मीठ, सैंधव मीठ आणि लिंबाचा रस घालून मिक्स करा.
• चवीनुसार मसाला कमी-जास्त करा आणि हे स्टफिंग बाजूला ठेवा.
• पुदिना, कोथिंबीर, हिरव्या मिरच्या, आले, चिंच आणि थोडं पाणी मिक्सरमध्ये घालून बारीक वाटा.
• हे मिश्रण गाळून एका मोठ्या भांड्यात काढा.
• त्यात साखर, मीठ, जिरेपूड, टमालपत्राचे तुकडे आणि लिंबाचा रस घालून नीट ढवळा.
• लागल्यास अजून थोडं थंड पाणी घालून पाणी तयार करा.
• पाणी फ्रीजमध्ये ३०-४० मिनिटे ठेवून थंड करून घ्या.
• पाणपुरीच्या पुऱ्या नीट फोडून त्यात भराव्याचा मसाला भरा.
• एका पानात पाणी ठेवा किंवा थेट पुरीत पाणी भरून द्या.
• लगेच खाणं गरजेचं, नाहीतर पुरी मऊ होते.
• पुचक्याचं पाणी अधिक झणझणीत हवं असेल तर मिरच्यांचं प्रमाण वाढवू शकता.
• तमालपत्र घालणं ही कोलकाता स्टाईलची खासियत आहे, त्याचा सुगंध अत्यंत चविष्ट लागतो.
• भराव्यात लसणाचा खमंग ठेचा घातल्यास अजून अप्रतिम चव येते.