Liver Detox Juices: आतून सडलेले लिव्हर मुळांपासून होईल स्वच्छ! Liver स्वच्छ करण्यासाठी नियमित करा ‘या’ पेयांचे सेवन

Liver Detox Juices: लिव्हरच्या कार्यात अडथळे निर्माण झाल्यानंतर शरीरात अनेक बदल दिसू लागतात. त्यामुळे लिव्हर डिटॉक्स करण्यासाठी आहारात बदल आणि या पेयांचे सेवन करणे फार आवश्यक आहे. यामुळे लिव्हरमधील घाण स्वच्छ होण्यास मदत होईल.

लिव्हरचे आरोग्य कशामुळे बिघडते?
लिव्हर स्वच्छ करण्यासाठी उपाय?
लिव्हर डिटॉक्स करण्यासाठी नियमित करा पेयांचे सेवन?

Liver Detox Juices: धावपळीची जीवनशैली, कामाचा वाढलेला तणाव, पोषक घटकांचा अभाव, झोपेची कमतरता इत्यादी अनेक गोष्टींचा परिणाम आरोग्यावर झाल्यानंतर शरीरातील विविध अवयवांना हानी पोहचते. शरीरात साचून राहिलेले विषारी घटक योग्य वेळी बाहेर पडून न गेल्यास सर्वच अवयवांच्या कार्यात अडथळे निर्माण होते. लिव्हर शरीराची पन्नासपेक्षा जास्त कामे करते. पण लिव्हरच्या कार्यात अडथळे निर्माण झाल्यानंतर विषारी घटक बाहेर पडून जाण्याऐवजी शरीरात तसेच साचून राहतात. लिव्हर स्वच्छ करण्यासाठी वेगवेगळ्या सप्लिमेंट्स, गोळ्या औषध आणि इतर उपाय केले जातात. पण चुकीच्या पदार्थांचे सेवन केल्यामुळे शरीराला हानी पोहचते. लिव्हर सोरायसिय, लिव्हर कॅन्सर किंवा लिव्हरसबंधित आजारांची लागण होऊ नये म्हणून आहारात नियमित या पेयांचे सेवन करावे. या पेयांच्या सेवनामुळे लिव्हर मुळांपासून स्वच्छ होईल. चला तर जाणून घेऊया सविस्तर.(फोटो सौजन्य – istock)

Dark Circles: डार्क सर्कल्समुळे हैराण झाला आहात? जाणून घ्या डोळ्याखाली काळी वर्तुळे येण्यामागील कारणे आणि त्यावरील घरगुती उपाय

लिव्हरच्या आजारांची लक्षणे:

• थकवा अशक्तपणा जाणवणे
• डोळे किंवा त्वचा पिवळी पडणे
• गडद रंगाची लघवी होणे
• पोट किंवा पायांवर सूज येणे
• झपाट्याने वजन कमी होणे
• सतत मळमळ होणे

लिव्हर स्वच्छ करण्यासाठी करा ‘या’ पेयांचे सेवन:

लिव्हर डिटॉक्स करण्यासाठी आहारात बदल करणे आवश्यक आहे. लिंबू, आले, भाज्या किंवा फळांचा ज्यूस प्यायल्याने शरीराला आवश्यक जीवनसत्वे मिळतात. सकाळी उठल्यानंतर नियमित एक ग्लास कोमट पाण्यात लिंबाचा रस मिक्स करून प्यावा. याशिवाय कधीतरी आल्याचा रस, बीटचा रस किंवा हर्बल पेयांचे सेवन करावे. पण नैसर्गिक किंवा हर्बल पेयांचे सेवन करणे प्रत्येकाच्या शरीरासाठी चांगले ठरेल असे नाही. याशिवाय लिव्हरसबंधित आजारांची लागण झाल्यानंतर दारू, तळलेले पदार्थ, गोड पेये, प्रक्रिया केलेले अन्न आणि जास्त कॅलरीज असलेल्या पदार्थांचे सेवन करू नये. लिव्हरमधील घाण स्वच्छ करण्यासाठी भरपूर पाणी प्यावे. पाण्याच्या सेवनामुळे शरीरातील पाण्याची पातळी सुधारते आणि पोट व्यवस्थित स्वच्छ होते.

High Cholesterol: औषधांचे सेवन न करता कमी होईल खराब कोलेस्ट्रॉल! जाणून घ्या दैनंदिन आहारात कोणते पदार्थ खावे

आहारात भाज्या, फळे, संपूर्ण धान्य, कडधान्ये आणि प्रथिनांचा समावेश करावा. पण डॉक्टरांच्या सल्ल्याशिवाय आहारात कोणत्याही पदार्थांचे सेवन करू नये. लठ्ठपणा, मधुमेह, उच्च कोलेस्ट्रॉल, नियमित मद्यपान किंवा हिपॅटायटिसचा इतिहास असल्यास कोणत्याही गोळ्या औषधांचे अजिबात सेवन करू नये. लिव्हर डिटॉक्स करण्यासाठी वेगवेगळे लिव्हर डिटॉक्स किंवा उपचार केले जातात, पण त्याऐवजी संतुलित आहार, भरपूर पाणी आणि दारू-तंबाखू टाळणे आणि अनावश्यक औषधांपासून दूर राहिल्यास लिव्हर स्वच्छ राहील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.