Summer Drink: ५ मिनिटांमध्ये घरी बनवा थंडगार Raw Mango Mojito, शेफ कुणालने सांगितली झटपट तयार होणारी रेसिपी

उन्हाळ्याच्या दिवसांमध्ये शरीराला थंडाव्याची जास्त आवश्यकता असते. अशावेळी झटपट तुम्ही कच्च्या कैरीचे मोजितो बनवून पिऊ शकता. यामुळे शरीरात थंडावा टिकून राहतो.

कडाक्याच्या उन्हाळ्यात शरीराला थंडाव्याची जास्त आवश्यकता असते. पोटात वाढलेली उष्णता कमी करण्यासाठी वेगवेगळे कोल्ड्रिंक, सरबत किंवा सोडा आणून प्यायला जातो. थंड पेय प्यायल्यानंतर काहीवेळापुरते शरीरात चांगले वाटते, पण पुन्हा एकदा शरीरात उष्णता वाढू लागते. त्यामुळे उन्हाळ्याच्या दिवसांमध्ये शरीर आतून थंड राहील अशाच पेयांचे सेवन करावे. आज आम्ही तुम्हाला थंडगार कच्च्या कैरीचे मोजितो बनवण्याची सोपी रेसिपी सांगणार आहोत. आंबटगोड चवीची कैरी शरीरासाठी खूप जास्त फायदेशीर आहे. त्यामुळे कडक उन्हात कुठेही बाहेर आल्यानंतर झटपट कैरी मोजितो बनवावे. याशिवाय उन्हाळ्याच्या दिवसांमध्ये घरी पाहुणे आल्यानंतर त्यांना चहा देण्याऐवजी मोजितो बनवून पिण्यास द्यावे. गर्मीमध्ये कैरीचं पन्ह, आंब्याचा रस, मँगो फ्रुटी इत्यादी ठराविक पेय कायमच बनवली जातात. पण नेहमीच तेच ठराविक पेय पिण्याऐवजी नवीन काहीतरी बनवून पाहावे. चला तर जाणून घेऊया कैरी मोजितो बनवण्याची सोपी रेसिपी.(फोटो सौजन्य – pinterest)

आंबट गोड चवीचा पदार्थ! १० मिनिटांमध्ये झटपट बनवा चटकदार चिंच कँडी, नोट करून घ्या रेसिपी

साहित्य:

• कच्ची कैरी
• बर्फाचे तुकडे
• पुदिन्याची पाने
• लाल तिखट
• चाट मसाला
• काळे मीठ
• सोडा

Summer Special : लहानांपासून मोठ्यांपर्यंत सर्वांनाच आवडेल ही रेसिपी, नारळाच्या मलाईपासून बनवा ‘कोकोनट आईस्क्रिम’

कृती:

• थंडगार कैरीचे मोजितो बनवण्यासाठी सर्वप्रथम, कैरी स्वच्छ पाण्याने धुवून कैरीची साल काढून घ्या. त्यानंतर बारीक बारीक तुकडे करा.
• टोपात पाणी गरम करून त्यात कैरीचे तुकडे घाला आणि शिजवून घ्या. पाणी पूर्णपणे आटल्यानंतर गॅस बंद करून कैरीचा गर मिक्सरमध्ये टाका.
• कैरीच्या गरमध्ये साखर आणि पुदिन्याची पाने घालून बारीक पेस्ट तयार करा.
• काचेच्या ग्लासात तयार केलेली पेस्ट घालून त्यात भाजलेल्या जिऱ्याची पावडर, लाल तिखट आणि चाट मसाला, काळे मीठ घालून मिक्स करा.
• त्यानंतर त्यात बर्फाचे तुकडे आणि सोडा घालून पिण्यासाठी मोजितो सर्व्ह करा.
• तयार आहे झटपट बनवलेला थंडगार कैरी मोजितो.