सकाळच्या नाश्त्यात काही मिनिटांमध्ये बनवा अननस पुदिन्याची स्मूदी, नियमित प्यायल्यास त्वचेवर येईल चमकदार ग्लो

सकाळच्या नाश्त्यात कोणत्याही तेलकट पदार्थांचे सेवन करण्याऐवजी तुम्ही अननस पुदिन्याच्या स्मूदीचे सेवन करू शकता. या स्मूदीच्या सेवनामुळे त्वचेला अनेक फायदे होतात. त्वचा अतिशय चमकदार दिसते.

सकाळच्या नाश्त्यात नेहमीच काय बनवावं? असे अनेक प्रश्न सगळ्यांचं पडतात. नाश्त्यात कांदापोहे किंवा उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही अननस पुदिन्याची स्मूदी बनवी शकता. स्मूदीचे सेवन केल्यामुळे पोट दीर्घकाळ भरलेले राहते. याशिवाय यामध्ये असलेले पदार्थांमुळे त्वचेवर चमक वाढते. उन्हाळ्यासह इतर सर्वच ऋतूंमध्ये त्वचा अतिशय काळवंडून जाते. काळी आणि निस्तेज झालेली त्वचा सुधारण्यासाठी बाजारात उपलब्ध असलेल्या वेगवेगळ्या प्रॉडक्टचा वापर केला जातो. मात्र कोणत्याही चुकीच्या प्रॉडक्टचा वापर करण्याऐवजी घरगुती पदार्थांचे सेवन करावे. घरातील पदार्थांचे सेवन केल्यामुळे शरीराला अनेक फायदे होतात. याशिवाय अननसमध्ये असलेल्या गुणकारी घटकांमुळे त्वचा अतिशय सुंदर होते. चला तर जाणून घेऊया अननस पुदिना स्मूदी बनवण्याची सोपी रेसिपी.(फोटो सौजन्य – iStock)

वाढलेले वजन कमी करण्यासाठी संध्याकाळच्या नाश्त्यात बनवा हाय प्रोटीन सॅलड, नोट करून घ्या रेसिपी

साहित्य:

• अननस
• पुदिन्याची पाने
• काकडी
• काळ मीठ
• पाणी
• चिया सीड्स
• बर्फाचे तुकडे

रविवार होईल आणखीनच खास! सकाळच्या नाश्त्यात झटपट बनवा वेट लॉस ब्रेड पिझ्झा, वाढणार नाही अतिरिक्त वजन

कृती:

• अननस पुदिन्याची स्मूदी बनवण्यासाठी सर्वप्रथम, अननस, काकडीचे बारीक तुकडे करून घ्या.
• वाटीमध्ये पाणी घेऊन त्यात अर्धा चमचा चिया सीड्स टाकून भिजत ठेवा. ३० मिनिटांमध्ये चिया सीड्स पाण्यात भिजले जातील.
• मिक्सरच्या भांड्यात अननस, काकडी, पुदिन्याची पाने, बर्फाचे तुकडे, काळ मीठ घालून बारीक करा.
• त्यानंतर त्यात आवश्यकतेनुसार पाणी घालून पुन्हा एकदा बारीक फिरवून घ्या. त्यानंतर स्मूदी तयार होईल.
• सर्व्ह करताना ग्लासमध्ये भिजवलेले चिया सीड्स आणि बर्फ घाला. त्यानंतर त्यात तयार केलेली स्मूदी घालून पिण्यासाठी सर्व्ह करा.
• तयार आहे सोप्या पद्धतीमध्ये बनवलेली अननस पुदिन्याची स्मूदी.