गावरान पद्धतीने बनवा बाजरी खिचडा; रेसिपी जाणून घ्या

Follow Us:

Follow Us:

साहित्य:

•  एक वाटी बाजरी
•  एक वाटी मूग डाळ
•  अर्धी वाटी तांदूळ
•  आवडीनुसार हिरव्या मिरच्या
•  शेंगदाणे
•  खोबऱ्याचे काप
•  लसूण पाकळ्या
•  कढीपत्ता
•  जिरं
•  मोहरी
•  काळा मसाला
•  मीठ चवीनुसार
•  तेल
•  सुक्या लाल मिरच्या
• हळद
• तिखट
•  हिंग

कृती 

• सर्वप्रथम बाजरी स्वच्छ धुवून पाणी पूर्णपणे काढून 15 मिनिटं निथळत ठेवावी. 15 मिनिटांनंतर मिक्सरच्या भांड्यात घालून बाजरी जाडसर वाटून घ्या.
• बरेच लोक बाजरीचा कोंडा काढून टाकतात पण तसं करू नका. कारण हा कोंडाही पौष्टिक असतो.
• मूगडाळ-तांदूळ स्वच्छ पाण्याने धुवून घ्यावे. आता बाजरीची जाडसर भरड, मूगडाळ, तांदूळ एका स्टीलच्या पातेल्यात घाला. त्यात अंदाजे चार ते पाच वाट्या पाणी घालावे.
• नंतर खोबरं, लसूण, जिरं आणि हिरवी मिरची मिक्सरमधून एकत्र वाटून घ्यावे. आणि हे वाटण त्यात घालावे. नंतर मग शेंगदाणे, काळा मसाला आणि चवीनुसार मीठ घालावे.
• मोठ्या कुकरमध्ये हे पातेलं ठेवून कुकरच्या दोन शिट्या करून 8 ते 10 मिनिटं बारीक गॅसवर ठेवावे. प्रत्येक कुकरचा अंदाज वेगळा असतो. तेव्हा आपल्या अंदाजानुसार ठेवा.
• साध्या खिचडीपेक्षा 5 ते 6 मिनिटं जास्त लागतील.खिचडा शिजल्यानंतर चमच्यानं नीट हलवून एकत्र करावा. कारण बाजरीचा लगदा भांड्याच्या तळाशी बसतो.
• नंतर एका छोट्या कढलीत तेल तापवा. तेल कडकडीत तापल्यावर त्यात मोहरी, जिरं घालावे.ते तडतडलं की त्यात लसूण घालून चांगला लाल होऊ द्यावा.
• आता त्यात कढीपत्ता घाला. कढीपत्ता तळला गेला की त्यात सुक्या लाल मिरच्या घाला.
• नंतर हिंग, हळद आणि लाल तिखट घाला. लगेचच गॅस बंद करावा. अशा प्रकारे बाजरीचा पौष्टिक खिचडा तयार आहे.

Web Title: Make bajri khichda in gavran style learn the recipe nrrd

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com