Beetroot Oats Appe: बीट खायला अजिबात आवडत नाही? मग रक्त वाढवण्यासाठी सोप्या पद्धतीमध्ये बनवा बीट ओट्स आप्पे, नोट करा रेसिपी

Beetroot Oats Appe: सकाळच्या नाश्त्यासाठी तुम्ही सोप्या पद्धतीमध्ये बीट ओट्स आप्पे बनवू शकता. हा पदार्थ कमीत कमी साहित्यात तयार होतो. सकाळच्या नाश्त्यात वेगवेगळ्या भाज्यांपासून बनवलेले हेल्दी टेस्टी पदार्थ बनवून खावेत.

Beetrrot Oats Appe: सर्वच लहान मुलं बीट आणि भाज्या खाण्याचा कंटाळा करतात. भाज्या पाहिल्यानंतर नाक मुरडतात. पण भाज्यांचे सेवन करणे शरीरासाठी खूप जास्त फायदेशीर आहे. दैनंदिन आहारात वेगवेगळ्या भाज्यांचा समावेश केल्यास आरोग्य निरोगी राहील. म्हणूनच आज आम्ही तुम्हाला सोप्या पद्धतीमध्ये बीट ओट्स आप्पे बनवण्याची सोपी रेसिपी सांगणार आहोत. या पद्धतीने बनवलेले बीट आप्पे सर्वच लहान मुलांसह मोठेसुद्धा आवडीने खातील. शरीरात निर्माण झालेली रक्ताची कमतरता भरून काढण्यासाठी वेगवेगळ्या भाज्यांचा आहारात समावेश केला जातो. नियमित किंवा आठवड्यातून दोनदा बीट खाल्ल्यास रक्ताची कमतरता भरून निघेल आणि आरोग्य सुधारण्यास मदत होईल. पोषक घटकांनी समृद्ध असलेले बीट ओट्स आप्पे सकाळच्या नाश्त्यासाठी अतिशय उत्तम आहेत. चला तर जाणून घेऊया रेसिपी.(फोटो सौजन्य – pinterest)

Recipe : हेल्दी अन् टेस्टी… नाचणीच्या पिठापासून बनवा जाळीदार आणि स्पाँजी ढोकळा, सकाळच्या नाश्त्यासाठी परफेक्ट पर्याय

साहित्य:

• बीट
• ओट्स
• रवा
• कांदा
• आलं
• हिरवी मिरची
• कोथिंबीर
• मीठ
• तेल
• मोहरी
• कढीपत्ता
• सोडा
• लाल तिखट

Food Recipe: संध्याकाळच्या वेळी भूक लागल्यास काय बनवावं सुचत नाही? १० मिनिटांमध्ये झटपट बनवा चमचमीत मसाला मॅगी

कृती:

• बीट ओट्सचे आप्पे बनवण्यासाठी सर्वप्रथम, मिक्सरच्या भांड्यात ओट्स घालून बारीक पावडर करून घ्या.
• मोठ्या वाटीमध्ये रवा, ओट्सची पावडर, बारीक चिरलेला कांदा आणि कोथिंबीर घालून व्यवस्थित मिक्स करा.
• त्यानंतर त्यात बीटची पेस्ट, चवीनुसार मीठ, आलं मिरची पेस्ट घालून मिक्स करा. तयार केलेल्या मिश्रणात आवश्यकतेनुसार पाणी घालावे.
• १० मिनिटं मिश्रण बाजूला झाकून ठेवा. फोडणीच्या वाटीमध्ये तेल गरम करून त्यात मोहरी, हिंग, कढीपत्ता आणि लाल तिखट घालून फोडणी भाजा आणि तयार केलेल्या मिश्रणात ओतून व्यवस्थित मिक्स करा.
• त्यानंतर रव्याच्या मिश्रणात इनो घालून मिक्स करून घ्या. आप्पे पात्र गरम करण्यासाठी ठेवा. गरम झालेल्या भांड्यात तेल घालून त्यात मिश्रण घालून दोन्ही बाजूने भाजून घ्या.
• तयार आहेत सोप्या पद्धतीमध्ये बनवलेले बीट ओट्सचे हेल्दी टेस्टी आप्पे. हे आप्पे लहान मुलं सुद्धा आवडीने खातील.