Crispy Bhendi Recipe : भेंडीची भाजी खायला आवडत नाही, मग या पद्धतीमध्ये घरी बनवा क्रिस्पी भेंडी, लहानांसह मोठेही आवडीने खातील

Crispy Dish : भेंडीची भाजी जेव्हा कुरकुरीत शैलीत बनवून खाल तेव्हा याच्या चवीने फक्त लहान मुलेच काय तर मोठेही होतील खुश. आज आपण क्रिस्पी भेंडी कशी तयार करायची याची एक भन्नाट रेसिपी जाणून घेणार आहोत.

• भेंडीची भाजी आरोग्यासाठी फायदेशीर मानली जाते.
• परंतु प्रत्येकाला ही भाजी खायला फार आवडत नाही.
• अशात तुम्ही वेगळ्या पद्धतीने या भाजीला तयार करु शकता.

भेंडी ही अनेकांच्या घरात नियमित बनणारी भाजी असली तरी ती वेगळ्या पद्धतीने बनवली तर तिची चव आणखी खुलते. कुरकुरीत आणि मसालेदार क्रिस्पी भेंडी हा असा पदार्थ आहे जो साध्या जेवणालाही खास बनवतो. डाळ-भात, पोळी आणि पराठ्यासोबत साईड डिश म्हणूनही ही भेंडी अप्रतिम लागते. बाहेरून कुरकुरीत आणि आतून मऊ असलेली ही रेसिपी मुलांपासून मोठ्यांपर्यंत सगळ्यांनाच आवडते.

Recipe : भाजी नाही यावेळी फणसाचे कबाब बनवून खा, चव इतकी अप्रतिम की एकदा चाखाल तर पुन्हा बनवाल; नोट करा रेसिपी

क्रिस्पी भेंडी बनवताना भेंडीतील चिकटपणा योग्य पद्धतीने कमी करणे खूप महत्त्वाचे असते. बेसन, तांदळाचे पीठ आणि मसाल्यांचा हलका कोट दिल्यामुळे भेंडीला सुंदर टेक्स्चर मिळते. ही रेसिपी कमी वेळात तयार होते आणि तिचा खमंग सुगंध संपूर्ण घरात पसरतो. विशेष म्हणजे ही भेंडी डीप फ्राय किंवा कमी तेलातही बनवता येते.

साहित्य

• 250 ग्रॅम भेंडी
• 2 मोठे चमचे बेसन
• 2 मोठे चमचे तांदळाचे पीठ
• 1 चमचा लाल तिखट
• 1/2 चमचा हळद
• 1/2 चमचा धणे-जिरे पूड
• 1/2 चमचा गरम मसाला
• चिमूटभर ओवा
• मीठ चवीनुसार
• तेल तळण्यासाठी किंवा शॅलो फ्रायसाठी
• थोडासा लिंबाचा रस

Food Recipe: संध्याकाळच्या स्नॅक्सला द्या रेस्टॉरंट स्टाईल ट्विस्ट! सोप्या पद्धतीमध्ये घरी बनवा टेस्टी पनीर सीख कबाब

कृती

• सर्वप्रथम भेंडी स्वच्छ धुवून पूर्ण कोरडी करा. नंतर तिचे लांब पातळ तुकडे कापा.
• एका मोठ्या भांड्यात बेसन, तांदळाचे पीठ, लाल तिखट, हळद, धणे-जिरे पूड, गरम मसाला, ओवा आणि मीठ एकत्र करा.
• कापलेली भेंडी मसाल्यात घालून हलक्या हाताने मिक्स करा. आवश्यक वाटल्यास काही थेंब तेल आणि लिंबाचा रस घाला.
• कढईत तेल गरम करा. तेल मध्यम गरम असावे जेणेकरून भेंडी कुरकुरीत होईल.
• थोडीथोडी भेंडी तेलात सोडा आणि सोनेरी रंग येईपर्यंत तळा. जास्त हलवू नका.
• तळलेली भेंडी टिश्यू पेपरवर काढा जेणेकरून अतिरिक्त तेल निघून जाईल.
• गरमागरम क्रिस्पी भेंडी वरून चाट मसाला किंवा थोडं लिंबू पिळून सर्व्ह करा.
• ही भेंडी चपातीसोबत खाण्यासाठी सर्व्ह करा. तुम्ही स्नॅक्स म्हणूनही चहासोबत याला खाण्यासाठी सर्व्ह करु शकता.