रविवार, 25 ऑक्टोबर 2026
FIFA U-15 World Cup : भारताचा डबल धमाका! कॅमेरूनला 2-1 ने हरवत सलग दुसऱ्या विजयाची नोंद, सौजन्य : आयएएनएस
होवसन कॉम्पिटिशन कॉम्प्लेक्सवर झालेल्या या सामन्यात भारताला पहिल्याच मिनिटाला आघाडी मिळाली. दीपक सिंह आरामबम याच्या कॉर्नर किकवर कॅमेरूनच्या फरेल न्गोबोने चुकून आपल्याच गोलपोस्टमध्ये बॉल टाकण्यात आला, अशा विचित्र स्थितीत भारताने1-0 अशी आघाडी घेतली.
यानंतर कॅमेरूनने आक्रमक खेळ करत भारतीय गोलक्षेत्रात दबाव निर्माण केला. मात्र, गोलरक्षक जेनितने अप्रतिम बचाव करत प्रतिस्पर्ध्यांचे प्रयत्न हाणून पाडले. 16व्या मिनिटाला फ्री-किक, तर 17व्या आणि 18व्या मिनिटाला मिळालेल्या संधींवर त्याने शानदार बचाव केला.
भारतानेही आघाडी वाढवण्याचा प्रयत्न केला. 14व्या मिनिटाला कर्णधार आर. लालरेमरुआतफेला याला गोल करण्याची संधी मिळाली; मात्र कॅमेरूनच्या बचावपटूने ऐनवेळी चेंडू अडवला.
Abu Dhabi T-10 मध्ये असणार वेस्ट इंडिज खेळाडूंचा जलवा, ‘हे’ बॅट्समन बॉलर्सचा घाम गाळणार
सामन्याच्या 20व्या मिनिटाला कॅमेरूनने बरोबरी साधली. नदाम मोख्तार याने उजव्या बाजूने दिलेला क्रॉस भारतीय खेळाडू मोहम्मद सोहिल खान याला लागून तो भारताच्या गोल पोस्टमध्ये गेला. त्यामुळे कॅमेरूनला 1-1 अशी बरोबरी साधता आली.
पहिल्या सत्रात दोन्ही संघांनी आक्रमक खेळ केला. मात्र, मध्यंतरापर्यंत दोन्ही संघांना आघाडी घेता आली नाही.
Cricket: अजित वाडेकर ॲकॅडमीचा जलवा; ‘पुना वेस्टर्न क्लब करंडक’मध्ये सलग 2 दणदणीत विजय
दुसऱ्या सत्रात भारताने नव्या जोमाने खेळाला सुरुवात केली. रोनांदेव अहेइबाम याला मैदानात उतरवल्यानंतर भारतीय संघाच्या आक्रमणाला अधिक धार मिळाली. 27व्या मिनिटाला रोनांदेवने मिडफिल्डमध्ये चेंडूवर ताबा मिळवत तो दीपककडे सोपवला. दीपकने गोलक्षेत्रात अचूक लो क्रॉस दिला. त्यावर कर्णधार आर. लालरेमरुआतफेला याने डाव्या पायाने चेंडूला गोल पोस्टची दिशा दाखवली. या गोलमुळे भारताने 2-1 अशी आघाडी घेतली.
31व्या मिनिटाला कॅमेरूनला पेनल्टी मिळाल्याने भारताच्या विजयासमोर मोठे आव्हान उभे राहिले. नारा मेइतेई लौशंबम याच्याकडून हाताने चेंडू अडवला गेल्याने पंचांनी कॅमेरूनला पेनल्टी बहाल केली. मात्र, जेनित निंगथौजाम याने 32व्या मिनिटाला हारौना अब्दौले याची पेनल्टी रोखून भारताची आघाडी कायम राखली.
सामन्याच्या अखेरच्या टप्प्यातही भारताने आक्रमण सुरूच ठेवले. रोनांदेवच्या जोरदार फटक्यानंतर गोलरक्षकाने सौमोजित सरकार याची फ्री-किकही अडवली. अखेर भारतीय संघाने 2-1 असा विजय मिळवत स्पर्धेतील सलग दुसरा सामना जिंकला. या विजयामुळे गटात दोन्ही सामने जिंकणारा भारत एकमेव संघ ठरला आहे.
Ans: आर. लालरेमरुआतफेला याने 27व्या मिनिटाला गोल करत भारताला निर्णायक आघाडी मिळवून दिली.
Ans: जेनित निंगथौजाम याने गोलरक्षणाची जबाबदारी सांभाळली. त्याने पेनल्टीसह अनेक महत्त्वाचे बचाव केले.
Ans: भारताने सलग दोन विजय मिळवले असून, दोन्ही सामने जिंकणारा तो गटातील एकमेव संघ ठरला.
