Breakfast Recipe: सकाळच्या नाश्त्यासाठी बनवा चविष्ट ज्वारीची उकड, लसूणच्या फोडणीतील पदार्थ आरोग्यासाठी ठरेल फायदेशीर

नाश्त्यात कायमच तेच ठरविक पदार्थ खाऊन सगळ्यांचं कंटाळा येतो. अशावेळी तुम्ही सोप्या पद्धतीमध्ये ज्वारीच्या पिठाची उकड बनवू शकता. हा पदार्थ घरातील सगळ्यांचं खूप जास्त आवडेल.

सकाळच्या नाश्त्यात कायमच कांदापोहे, उपमा, शिरा, इडली डोसा खाऊन सगळ्यांचं खूप जास्त कंटाळा येतो. नाश्त्यात तेच ठराविक पदार्थ खाऊन कंटाळा आल्यानंतर सगळ्यांचं काहींना काही नवीन पदार्थ खाण्याची इच्छा होते नाश्त्यात बऱ्याचदा बाहेरून विकत आणलेले पदार्थ खाल्ले जातात. पण सतत बाहेरच्या तिखट आणि तेलकट पदार्थांचे सेवन करू नये. या पदार्थांच्या सेवनामुळे शरीरात खराब कोलेस्ट्रॉल वाढण्याची जास्त शक्यता असते. म्हणूनच आज आम्ही तुम्हाला सोप्या पद्धतीमध्ये ज्वारीच्या पिठाची उकड बनवण्याची सोपी रेसिपी सांगणार आहोत. हा पदार्थ चवीला अतिशय सुंदर लागतो. याशिवाय ज्वारीच्या पिठात असलेले गुणधर्म शरीरासाठी अतिशय प्रभावी ठरतात. जेवणात नियमित ज्वारीच्या भाकरीचे सेवन केल्यास दीर्घकाळ पोट भरलेले राहील. चला तर जाणून घेऊया ज्वारीच्या पिठाची उकड बनवण्याची सोपी रेसिपी.(फोटो सौजन्य – pinterest)

मोजक्याच साहित्यामध्ये बनवा हॉटेल स्टाईल टेस्टी हराभरा पनीर, नोट करून घ्या चमचमीत रेसिपी

साहित्य:

• ज्वारीचे पीठ
• तेल
• आलं लसूण
• हिरवी मिरची
• कढीपत्ता
• मोहरी
• जिरं
• हळद
• लाल तिखट
• ताक
• मीठ
• कोथिंबीर

पार्टी स्नॅक्ससाठी घरी बनवा हॉटेल स्टाईल मसाला पापड; कुरकुरीत मसालेदार चव जी सर्वांना करेल खुश

कृती:

• ज्वारीच्या पिठाची उकड बनवण्यासाठी सर्वप्रथम, मोठ्या भांड्यात ज्वारीचे पीठ घेऊन त्यात आवश्यकतेनुसार ताक ओतून मिक्स करून घ्या.
• ताक मिक्स केल्यानंतर त्यात अजिबात गुठळ्या ठेवू नये. त्यानंतर त्यात चमचाभर हळद आणि चवीनुसार मीठ घालून मिक्स करून घ्या.
• कढईमधील गरम तेलात मोहरी, जिरं आणि कढीपत्ता घालून भाजा. त्यानंतर लसूण आणि किसून घेतलेलं आलं घालून हलकेसे परतवून घ्या.
• त्यानंतर त्यात हिरवी मिरची आणि हिंद घालून तयार केलेले ज्वारीच्या पिठाचे मिश्रण ओतून घ्या. त्यानंतर चमच्याने मिश्रण सतत मिक्स करत राहा.
• तयार केलेले मिश्रण काहीवेळा झाकण मारून ठेवा. एक वाफ आल्यानंतर गॅस बंद करून घ्या.
• फोडणीच्या वाटीमध्ये तेल गरम करून त्यात बारीक चिरलेला लसूण आणि कढीपत्ता घाला. तयार केलेली फोडणी ज्वारीच्या उकडवर टाकून मिक्स करा.
• तयार आहे सोप्या पद्धतीमध्ये बनवलेली ज्वारीच्या पिठाची उकड. हा पदार्थ सगळ्यांचं खूप जास्त आवडेल.