तांदूळ डाळीचा वापर न करता सोप्या पद्धतीमध्ये नाश्त्यासाठी बनवा लुसलुशीत व्हेजिटेबल इडली! नोट करून घ्या रेसिपी

सकाळच्या नाश्त्यात नेहमीच कांदापोहे खाऊन कंटाळा आल्यानंतर तुम्ही सोप्या पद्धतीमध्ये मिक्स व्हेजिटेबल इडली बनवण्याची सोपी रेसिपी सांगणार आहोत. हा पदार्थ घरातील प्रत्येकालाच आवडेल.

सकाळच्या नाश्त्यात प्रत्येकालाच कायम वेगवेगळे पदार्थ खाण्यास हवे असतात. नाश्त्यात तिखट आणि तेलकट पदार्थांचे कमी कमी सेवन करावे. कारण उपाशी पोटी तेलकट पदार्थ खाल्यामुळे शरीराची पचनक्रिया पूर्णपणे बिघडून जाते. शरीराच्या कार्यात अनेक अडथळे निर्माण होतात. त्यामुळे सकाळच्या नाश्त्यात हलके आणि चविष्ट पदार्थ खावेत. धावपळीच्या जीवनशैलीमुळे आरोग्याची काळजी घेताना अनेक अडथळे निर्माण होतात. त्यामुळे आहारात पौष्टिक आणि हेल्दी पदार्थांचे सेवन करावे. म्हणूनच आज आम्ही तुम्हाला मऊ लुसलुशीत व्हेजिटेबल इडली बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. दक्षिण भारतात इडली हा पदार्थ सर्वच घरांमध्ये बनवला जातो. वेगवेगळ्या पदार्थांचा वापर करून बनवलेली चविष्ट इडली चवीला अतिशय सुंदर लागते. चला तर जाणून घेऊया लुसलुशीत व्हेजिटेबल इडली बनवण्याची सोपी रेसिपी.(फोटो सौजन्य – istock)

सकाळच्या नाश्त्यासाठी बनवा मसालेदार साबुदाणा खिचडी, नेहमीपेक्षा लागेल वेगळी आणि भन्नाट चव

साहित्य:

• गव्हाचं पीठ
• दही
• इनो
• पाणी
• गाजर
• शिमला मिरची
• कोबी
• हिरवी मिरची
• आलं
• मीठ
• तेल

सध्या जेवणाची चव वाढवेल झणझणीत अन् चटपटीत ‘मसाला मिरची’; जाणून घ्या रेसिपी

कृती:

• लुसलुशीत व्हेजिटेबल इडली बनवण्यासाठी सर्वप्रथम, मोठ्या भांड्यात गव्हाचं पीठ घेऊन त्यात चवीनुसार मीठ घालून व्यवस्थित मिक्स करा.
• त्यानंतर त्यात दही आणि थोडस पाणी घालून मिक्स करा. १० ते १५ मिनिटं तयार केलेले मिश्रण बाजूला ठेवून द्या. यामुळे पीठ व्यवस्थित फुगून येईल.
• त्यानंतर तयार केलेल्या पिठात गाजर, कोबी, ढोबळी मिरची, आले आणि बारीक चिरलेली हिरवी मिरची घालून व्यवस्थित मिक्स करून घ्या.
• इडली व्यवस्थित फुगण्यासाठी त्यात इनो किंवा बेकिंग सोडा घालून व्यवस्थित मिक्स करा. तयार केलेले इडलीचे बॅटर चमच्याने मिक्स करा.
• इडलीच्या भांड्याला तेल लावून त्यात तयार केलेले बॅटर ठेवून इडली वाफवण्यासाठी ठेवा. १० ते १५ मिनिटं इडली वाफवण्यासाठी ठेवा.
• तयार आहे सोप्या पद्धतीमध्ये बनवलेली लुसलुशीत व्हेजिटेबल इडली. हा पदार्थ खोबऱ्याच्या चटणीसोबत अतिशय सुंदर लागेल.