दिवसभराचा थकवा होईल मिनिटांमध्ये गायब! घरी आल्यानंतर झटपट बनवा फ्रेश गोड लेमन सोडा, शरीरात राहील थंडावा

कडक उन्हात कुठेही बाहेर जाऊन आल्यानंतर सगळ्यांचं खूप जास्त तहान लागते. अशावेळी तुम्ही झटपट फ्रेश लेमन सोडा बनवून पिऊ शकता. हा सोडा घरातील सगळ्यांचं खूप जास्त आवडेल.

उन्हाळ्यात प्रत्येकाला थकवा, अशक्तपणा जाणवू लागतो. कारण सतत येणाऱ्या घामामुळे शरीरातील पाण्याची पातळी कमी होऊन जाते आणि डिहायड्रेशन वाढते. अशावेळी वेगवेगळी पेय आणून प्यायली जातात. कधी सोडा तर कधी थंडगार आईस्क्रीम आणून खाल्ले जाते. पण नेहमीच तेच पदार्थ पिण्याऐवजी नवीन पदार्थ नक्की ट्राय करून पहा. आज आम्ही तुम्हाला कडाक्याच्या उन्हाळ्यात बाहेरून आल्यानंतर झटपट तयार होणारा फ्रेश लेमन सोडा बनवण्याची सोपी रेसिपी सांगणार आहोत. उन्हाळ्यात लिंबू किंवा लिंबाचा वापर करून बनवलेल्या पेयांच्या आहारात समावेश करावा. कारण यामुळे शरीरात निर्माण झालेली विटामिन सी आणि पाण्याची कमतरता भरून निघते आणि आरोग्य सुधारण्यास मदत होते. लिंबाचा आंबटपणा, साखरेचा गोडवा आणि सोड्याच्या चवीमुळे लेमन सोडा आणखीनच सुंदर लागतो. पाहुणे घरी आल्यानंतर त्यांना चहा देण्याऐवजी फ्रेश लेमन सोडा बनवून प्यायला द्यावा. यामुळे आरोग्य सुधारण्यास मदत होते. चला तर जाणून घेऊया फ्रेश लेमन सोडा बनवण्याची सोपी कृती.(फोटो सौजन्य – pinterest)

Summer Special : आंब्यांचा सीजन संपायच्या आत घरी बनवा ‘मँगो रसमलाई’, याची चव कुटुंबातील सर्वांनाच करेल खुश

साहित्य:

• लिंबाचा रस
• साखर
• खाण्याचा सोडा
• थंड पाणी
• काळे मीठ
• बर्फाचे तुकडे
• पुदिन्याची पाने

Food Recipe: १० मिनिटांमध्ये बनवा खमंग आणि कुरकुरीत शेवगा फ्राय, गरमागरम भातासोबत लगेच चविष्ट पदार्थ

कृती:

• फ्रेश लेमन सोडा बनवण्यासाठी सर्वप्रथम, लिंब स्वच्छ धुवून मध्यभागी कापून दोन तुकडे करा.
• त्यानंतर वाटीमध्ये लिंबाचा रस काढून घ्या. लिंबाचा रस काढताना त्यातील बिया वेगळ्या करून घ्या. यामुळे पेय पिताना कोणताही त्रास होणार नाही.
• त्यानंतर लिंबाच्या रसात साखर, काळे मीठ आणि आवश्यकता वाटल्यास साधे मीठ घालून चमच्याने मिक्स करा.
• साखर पूर्णपणे विरघल्यानंतर लेमन सिरप तयार होईल. हे सिरप तुम्ही नंतर सुद्धा वापरू शकता.
• काचेच्य ग्लासात बर्फाचे तुकडे घाला. त्यानंतर तयार केलेले लेमन सिरप आणि पुदिन्याची पाने घालून मिक्स करा. त्यानंतर त्यात खाण्याचा सोडा घालून हळूहळू सोडा वॉटर ओतून मिक्स करा.
• तयार आहे झटपट बनवलेला फ्रेश लेमन सोडा. हा सोडा प्यायल्यानंतर ऍसिडिटी आणि पचनाच्या इतर त्रासांपासून सुटका मिळेल.