उन्हाळ्यात लहान मुलांसाठी घरच्या घरी बनवा हेल्दी टेस्टी नाचणीच्या पौष्टिक वड्या, नोट करून घ्या रेसिपी

नाचणी खाणे आरोग्यासाठी अतिशय पौष्टिक आहे. नाचणीचे सेवन केल्यामुळे आरोग्य सुधारण्यास मदत होते. म्हणूनच आज आम्ही तुम्हाला नाचणीची वडी बनवण्याची सोपी रेसिपी सांगणार आहोत.

उन्हाळ्याच्या दिवसांमध्ये सर्वच लहान मुलांना शाळेला सुट्ट्या असतात. सुट्टीच्या दिवसांमध्ये मुलं घरी असल्यानंतर त्यांना सकाळच्या नाश्त्यात किंवा इतर वेळी खाण्यास काय द्यावं? असे अनेक प्रश्न सतत पालकांच्या मनात येत असतात. नाश्त्यात नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी मुलांना बाहेरून विकत आणलेले पदार्थ खाण्यास दिले जातात. पण तेलकट किंवा तिखट पदार्थांचे सतत सेवन केल्यामुळे लहान मुलांची पचनक्रिया बिघडण्याची शक्यता असते. त्यामुळे लहान मुलांना बाहेरून विकत आणलेले पदार्थ खाण्यास देण्याऐवजी घरी बनवलेल्या पौष्टिक पदार्थांचे सेवन करण्यास द्यावे. म्हणूनच आज आम्ही तुम्हाला नाचणीचे वडी कशी बनवावी, याची सोपी रेसिपी सांगणार आहोत. हा पदार्थ लहान मुलांसह मोठ्यांच्या आरोग्यासाठी अतिशय फायदेशीर आहे.(फोटो सौजन्य – iStock)

वर्षभर टिकणारे लसूण लोणचं सोप्या पद्धतीमध्ये घरीच बनवा, भाकरी चपातीसोबत लागेल चविष्ट

साहित्य:

• नाचणीचे पीठ
• दूध
• तूप
• भाजलेले रवा
• गुळाची पावडर
• वेलची पावडर
• ड्रायफ्रूट

संकष्टी चतुर्थीच्या उपवासात सकाळच्या नाश्त्यासाठी सोप्या पद्धतीमध्ये बनवा वरीच्या तांदळाचे डोसे, नोट करून घ्या रेसिपी

कृती:

• नाचणीचे वडी बनवण्यासाठी सर्वप्रथम, नाचणीचे पीठ चाळून घ्या. त्यानंतर वाटीमध्ये दूध घेऊन त्यात नाचणीचे पीठ मिक्स करा.
• तयार केलेले मिश्रण 10 मिनिटं झाकून ठेवा. कढईमध्ये तूप गरम करून त्यात रवा भाजून घ्या.
• त्यानंतर कढईमध्ये पुन्हा एकदा तूप टाकून त्यात केलेले मिश्रण टाकून वरून भाजून घेतलेला रवा टाका. तयार केलेले मिश्रण व्यवस्थित घट्टसर होईपर्यंत शिजवून घ्या.
• त्यानंतर त्यात गुळाची पावडर, वेलची पावडर आणि ड्रायफ्रूट पावडर टाकून व्यवस्थित मिक्स करा. मिश्रण व्यवस्थित शिजल्यानंतर गॅस बंद करून घ्या.
• ताटाला तूप लावून त्यावर नाचणीचे मिश्रण व्यवस्थित थापून घ्या. 5 मिनिटं झाल्यानंतर सुरीच्या सहाय्याने वड्या कापून घ्या.
• तयार आहे सोप्या पद्धतीमध्ये बनवलेली नाचणीची वडी.