गुढीपाडव्यानिमित्त पारंपरिक पद्धतीमध्ये घरी बनवा कडुलिंबाची चटणी, रोगप्रतिकारशक्ती वाढवणारा शक्तिशाली पदार्थ

गुढीपाडव्याच्या दिवशी प्रत्येक घरात कडुलिंबाच्या पानांची चटणी बनवली जाते. ही चटणी चवीसोबत आरोग्यासाठी सुद्धा खूप जास्त फायदेशीर आहे. चला तर जाणून घेऊया कडुलिंब गुळाची चटणी बनवण्याची सोपी रेसिपी.

हिंदू नवीन वर्षाची सुरुवात गुढीपाडवा सणापासून होते. यंदाच्या वर्षी १९ मार्चला गुढीपाडवा आहे. चैत्र शुद्ध प्रतिपदेच्या दिवशी पाडाव सण साजरा केला जातो. यादिवशी घरात गुढी उभारून विधिवत पूजा केली जाते आणि गुढीला गोड पारंपरिक पदार्थांचा नैवेद्य दाखवला जातो. तसेच घरात कडुलिंबाची चटणी सुद्धा बनवली जाते. कडुलिंबाच्या पानांचे सेवन केल्यामुळे शरीरातील जळजळ कमी होते, यकृताचे आरोग्य, हृदय व रक्तवाहिन्यासंबंधी आरोग्य, दृष्टी आणि रोगप्रतिकारशक्ती सुधारण्यासाठी मदत होते. आपल्यातील अनेकांना कडुलिंबाची पाने खायला अजिबात आवडत नाही. अशावेळी तुम्ही कडुलिंबाच्या पानांची चटणी बनवून मुलांना खाण्यास देऊ शकता. कडुलिंबाचे पाने चावून खाल्ल्यास शरीरातील विषारी घाण बाहेर पडून जाते आणि गुळामधील लोह, जस्त आणि सेलेनियम युक्त घटक शरीरासाठी खूप जास्त फायदेशीर आहे. त्यामुळे गुढीपाडव्याच्या दिवशी आवर्जून कडुलिंब गुळाची चटणी बनवून खावी. चला तर जाणून घेऊया रेसिपी.(फोटो सौजन्य – istock)

Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’

साहित्य:

• कडुलिंबाची पाने
• गूळ
• चिंच कोळ
• काळीमिरी
• जिरं
• मीठ
• ओवा

केरळचा पारंपरिक पदार्थ: फास्ट फूड खाण्याऐवजी आहारात करा पंकांजीचे सेवन, उन्हाळ्यात शरीराला होतील फायदे

कृती:

• कडुलिंबाच्या पानांची चटणी बनवण्यासाठी सर्वप्रथम, कडुलिंबाची पाने स्वच्छ धुवून घ्या.
• त्यानंतर मिक्सरच्या भांड्यात कडुलिंबाची पाने, गूळ, चिंच कोळ, जिरं आणि चवीनुसार मीठ घालून चटणी वाटून घ्या.
• आवश्यकता वाटल्यास चटणी बनवताना त्यात थोडस पाणी घालावे. जास्त पाणी घातल्यास चटणी पातळ होऊ शकते.
• तयार केलेल्या चटणीचे छोटे छोटे गोळे करून लहान मुलांसह घरातील इतर सगळ्यांचं खाण्यास द्यावेत.
• गुढीपाडव्याच्या दिवशी आवर्जून कडुलिंब गुळाची चटणी बनवली जाते. या चटणीच्या सेवनामुळे शरीराला सुद्धा फायदे होतात.