Morning Breakfast Recipe: थंडगार वातावरणात नाश्त्यासाठी बनवा गरमागरम मटार कचोरी, आंबटगोड चटणीसोबत चव लागेल सुंदर

सकाळच्या नाश्त्यात तुम्ही सोप्या पद्धतीमध्ये मटार कचोरी बनवू शकता. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल. चला तर जाणून घेऊया मटार कचोरी बनवण्याची रेसिपी.

हिवाळा ऋतूला सुरुवात झाल्यानंतर बाजारात मोठ्या प्रमाणावर हिरवे वाटाणे उपलब्ध असतात. गोडसर चवीच्या वाटाण्यांपासून अनेक वेगवेगळे पदार्थ बनवले जातात. मटार पराठा, मटार कबाब, मटार चाट इत्यादी चविष्ट सगळेच आवडीने खातात. सकाळच्या नाश्त्यात कायमच कांदापोहे, शिरा, उपमा, पराठा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. म्हणूनच आज आम्ही तुम्हाला सोप्या पद्धतीमध्ये सकाळच्या नाश्त्यासाठी मटार कचोरी बनवण्याची सोपी रेसिपी सांगणार आहोत. यापूर्वी तुम्ही दही कचोरी किंवा शेगाव कचोरी इत्यादी अनेक वेगवेगळे पदार्थ बनवून खाल्ले जातात. पण हिरव्या मटारपासून बनवलेली कचोरी चवीला अतिशय सुंदर लागते. गरमागरम मटार कचोरी चिंचेच्या आंबटगोड चटणीसोबत अतिशय चविष्ट लागते. ही कचोरी आठवडाभर व्यवस्थित टिकून राहतो. बाहेर फिरायला जाताना किंवा लहान मुलांच्या डब्यासाठी मटार कचोरी उत्तम पर्याय आहे. जाणून घ्या मटार कचोरी बनवण्याची सोपी रेसिपी.(फोटो सौजन्य – pinterest)

भाजी खायचा कंटाळा आला आहे मग सोप्या पद्धतीमध्ये बनवा कुळीथ पीठ भरून बनवलेली मिरची फ्राई, नोट करा रेसिपी

साहित्य:

• हिरवे मटार
• मैदा
• गव्हाचं पीठ
• हिरवी मिरची
• आलं लसूण पेस्ट
• जिरं
• मीठ
• धणे जिरं पावडर
• हळद
• मीठ
• आमचूर पावडर
• तेल

हाडांपासून सर्दीपर्यंत सर्व आजारांना देईल मात… शरीराला ऊबदार बनवण्यासाठी घरी बनवा ‘कच्च्या हळदीची भाजी’

कृती:

• मटार कचोरी बनवण्यासाठी सर्वप्रथम, ताटात गव्हाचं पीठ आणि मैदा घेऊन एकत्र मिक्स करा. त्यानंतर त्यात चवीनुसार मीठ घालून व्यवस्थित मिक्स करा.
• तयार केलेल्या पिठात गरजेनुसार पाणी घालून पीठ व्यवस्थित मळून घ्या. त्यानंतर पिठाला तेल लावून काहीवेळ ठेवा.
• कढईमध्ये तेल गरम करून त्यात हिंग, जिरं, आलं लसूण पेस्ट, हिरवी मिरची पेस्ट घालून खमंग भाजा. त्यानंतर त्यात उकडवून मॅश केलेले मटार घालून मिक्स करा.
• सर्व पदार्थ व्यवस्थित मिक्स झाल्यानंतर त्यात चवीनुसार मीठ, गरम मसाला, हळद आणि जिरं धणे पावडर, आमचूर पावडर घालून व्यवस्थित मिक्स करा.
• तयार केलेला मसाला व्यवस्थित शिजल्यानंतर गॅस बंद करून थंड होण्यासाठी ठेवा.
• मळून घेतलेल्या पिठाचे छोटे छोटे गोळे करून पारी तयार करा. त्यात तयार केलेले सारण भरून कचोरी गरम तेलात सोनेरी होईपर्यंत भाजा.
• तयार आहे सोप्या पद्धतीमध्ये बनवलेली मटार कचोरी. हा पदार्थ चिंच चटणीसोबत सुंदर लागतो.