वाढत्या थंडीत सकाळच्या नाश्त्यासाठी बनवा गरमागरम मिक्स व्हेज सूप! सर्दी खोकल्यापासून मिळेल कायमची सुटका

थंडीच्या दिवसांमध्ये सकाळच्या नाश्त्यात तुम्ही मिक्स व्हेज सूप बनवू शकता. हा पदार्थ शरीरात उष्णता कायम टिकवून ठेवतो. चला तर जाणून घेऊया मिक्स व्हेज सूप बनवण्याची सोपी रेसिपी.

राज्यासह संपूर्ण देशभरात सगळीकडे कडाक्याची थंडी पडली आहे. थंडगार वातावरणात सगळ्यांचं सर्दी, खोकला आणि साथीच्या आजारांचा सामना करावा. वारंवार सर्दी खोकला झाल्यानंतर घशात खवखव, सुका खोकला, नाकातून पाणी येणे इत्यादी अनेक समस्या उद्भवू लागतात. याशिवाय थंडीच्या दिवसांमध्ये उष्ण आणि शरीरात ऊबदारपणा टिकून राहील अशा पदार्थांचे सेवन करावे. म्हणूनच आज आम्ही तुम्हाला सोप्या पद्धतीमध्ये गरमागरम मिक्स व्हेज सूप बनवण्याची सोपी रेसिपी सांगणार आहोत. लहान मुलांसह मोठ्यांना भाज्या खायला अजिबात आवडत नाही. अशावेळी मुलांना वेगवेगळ्या भाज्यांचा वापर करून बनवलेले पदार्थ खाण्यास द्यावेत. हिवाळ्यात बाजारामध्ये अनेक वेगवेगळ्या भाज्या उपलब्ध असतात. भाज्यांचे सेवन केल्यामुळे शरीराला विटामिन, मिनरल्स आणि फायबर इत्यादी अनेक आवश्यक घटक मिळतात. त्यामुळे शरीराला पोषण देण्यासाठी पालेभाज्या आणि इतर फळ भाज्यांचे सेवन करावे. चला तर जाणून घेऊया मिक्स व्हेज सूप बनवण्याची सोपी रेसिपी. (फोटो सौजन्य – istock)

संध्याकाळच्या नाश्त्यात १० मिनिटांमध्ये झटपट बनवा Peanut Butter French Toast, कमीत कमी साहित्यात तयार होईल पदार्थ

साहित्य:

• गाजर
• बीटरूट
• काळीमिरी पावडर
• लसूण
• आलं
• मीठ
• बटाटा
• कांदा
• टोमॅटो
• सूप
• कोथिंबीर
• हिरवे मटार

भाजी खायचा कंटाळा आला आहे मग सोप्या पद्धतीमध्ये बनवा कुळीथ पीठ भरून बनवलेली मिरची फ्राई, नोट करा रेसिपी

कृती:

• मिक्स व्हेज सूप बनवण्यासाठी सर्वप्रथम, सर्व भाज्या स्वच्छ धुवून बारीक चिरून घ्या. सूप बनवताना त्यात बटाटा घातल्यास सूपला घट्टपणा येतो आणि पदार्थाची चव अतिशय सुंदर लागते.
• कढईमध्ये तूप गरम करून त्यात बारीक चिरलेला आलं आणि लसूण घालून सोनेरी होईपर्यंत भाजा.
• त्यानंतर त्यात बारीक चिरून घेतलेला कांदा आणि टोमॅटो घालून व्यवस्थित मिक्स करा. त्यानंतर त्यात चवीनुसार मीठ घालून मिक्स करा.
• कांदा शिजल्यानंतर त्यात बारीक चिरून घेतलेल्या सर्व भाज्या आणि शिजवून घेतलेला बटाटा, मटार घालून व्यवस्थित मिक्स करा.
• भाज्यांना एक वाफ आल्यानंतर त्यात गरम केलेले पाणी घालून व्यवस्थित मिक्स करा. सूपला एक उकळी आल्यानंतर त्यात काळीमिरी पावडर आणि लिंबाचा रस घालून व्यवस्थित मिक्स करून उकळी काढा.
• तयार आहे सोप्या पद्धतीमध्ये बनवलेले मिक्स व्हेज सूप.