संध्याकाळच्या नाश्त्यात १० मिनिटांमध्ये झटपट बनवा Peanut Butter French Toast, कमीत कमी साहित्यात तयार होईल पदार्थ

संध्याकाळच्या नाश्त्यासाठी तुम्ही सोप्या पद्धतीमध्ये पीनट बटर फ्रेंच टोस्ट बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या रेसिपी.

संध्याकाळच्या नाश्त्यात १० मिनिटांमध्ये झटपट बनवा Peanut Butter French Toast

Follow Us:

Follow Us:

संध्याकाळच्या वेळी प्रत्येकालाच भूक लागते. दिवसभर काम करून थकल्यानंतर काहींना काही खाण्याची इच्छा होते. भूक लागल्यानंतर नेहमीच बाहेरून विकत आणलेले पदार्थ खाल्ले जातात. नेहमीच वडापाव, शेवपुरी, कांदाभजी इत्यादी तेलकट पदार्थ खाऊन कंटाळा येतो. वारंवार तेलकट पदार्थांचे सेवन केल्यामुळे शरीरात कोलेस्ट्रॉलची पातळी वाढू लागते. म्हणूनच आज आम्ही तुम्हाला पीनट बटर फ्रेंच टोस्ट बनवण्याची सोपी रेसिपी सांगणार आहोत. हा पदार्थ लहान मुलांच्या डब्यासाठी किंवा भूक लागल्यानंतर तुम्ही झटपट बनवू शकता. पीनट बटर केवळ पदार्थाची चव वाढवण्यासाठी नाहीतर शरीरासाठी सुद्धा अतिशय गुणकारी ठरते. सकाळच्या नाश्त्यात पीनट बटरचे सेवन केल्यास कमी झालेले वजन झपाट्याने वाढण्यास मदत होईल. चला तर जाणून घेऊया पीनट बटर फ्रेंच टोस्ट बनवण्याची सोपी रेसिपी.(फोटो सौजन्य – istock)

Recipe : थंडीत सारखे आजारी पडताय? मग आता घरीच बनवा आयुर्वेदिक घटकांनी समृद्ध ‘च्यवनप्राश’

साहित्य:

• पीनट बटर
• ब्रेड
• अंडी
• दूध
• साखर
• व्हॅनिला एसेन्स
• दालचिनी पावडर

कृती:

• पीनट बटर फ्रेंच टोस्ट बनवण्यासाठी सर्वप्रथम, वाटीमध्ये अंड फोडून त्यातील गर काढून घ्या. त्यानंतर त्यात दूध, साखर आणि व्हॅनिला इसेन्स घालून व्यवस्थित फेटून घ्या. सर्व पदार्थ व्यवस्थित मिक्स झाल्यास पदार्थाची चव सुंदर लागेल.
• ब्रेडच्या कडा तुम्ही कापून सुद्धा घेऊ शकता. ब्रेडवर पीनट बटर लावून दुसरी ब्रेड स्लाइस ठेवून सँडविच तयार करा.
• तयार केलेला ब्रेड सँडविच अंड्याच्या मिश्रणात घोळवून गरम केलेल्या पॅनवर ठेवून दोन्ही बाजूने व्यवस्थित कुरकुरीत होईपर्यंत भाजा.
• भाजून घेतलेले फ्रेंच टोस्ट मधोमध कापून ताटात सर्व्ह करून त्यावर मध टाका.
• तयार आहे सोप्या पद्धतीमध्ये बनवलेले पीनट बटर फ्रेंच टोस्ट.

Web Title: Make quick peanut butter french toast in 10 minutes for an evening snack breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com