१५ मिनिटांमध्ये घरी बनवा हॉटेल स्टाईल कुरकुरीत ओनियन रिंग्ज, नोट करून घ्या चविष्ट रेसिपी

छोटी मोठी भूक लागल्यानंतर नाश्त्यात किंवा इतर वेळी तुम्ही ओनियन रिंग्ज बनवू शकता. ओनियन रिंग्ज चवीला अतिशय सुंदर लागतात. घाईगडबडीमध्ये काय बनवावं सुचत नाही. अशावेळी तुम्ही ओनियन रिंग्ज बनवू शकता.

उन्हाळ्याची सुट्टी लागल्यानंतर लहान मुलं घरी असतात. काहीवेळा मुलांना सकाळच्या नाश्त्यात किंवा इतर वेळी काहींना काही चमचमीत आणि कुरकुरीत पदार्थ खाण्याची इच्छा होते. अशावेळी नेमकं काय बनवावं? असा प्रश्न सर्वच महिलांना पडतो. नेहमीच बाहेरचे तेलकट किंवा तिखट पदार्थ खाणे लहान मुलांसह मोठ्यांच्या सुद्धा आरोग्यासाठी चांगले नाही. तिखट किंवा तेलकट पदार्थांचे अतिसेवन केल्यामुळे शरीरात कोलेस्ट्रॉल वाढण्याची शक्यता असते. त्यामुळे लहान मुलांना नेहमी घरचे पौष्टिक आणि हेल्दी पदार्थ खाण्यास द्यावे. त्यामुळे आज आम्ही तुम्हाला १५ मिनिटांमध्ये हॉटेल स्टाईल ओनियन रिंग्ज बनवण्याची सोपी रेसिपी सांगणार आहोत. या पद्धतीने बनवलेले ओनियन रिंग्ज लहान मुलांसह मोठ्यांसुद्धा खूप जास्त आवडतील. चला तर जाणून घेऊया ओनियन रिंग्ज बनवण्याची सोपी रेसिपी.(फोटो सौजन्य – iStock)

नेहमीची तीच दालखिचडी खाऊन कंटाळा आला असेल तर सोप्या पद्धतीमध्ये बनवा ‘चविष्ट पालक खिचडी’

साहित्य:

• कांदा
• मैद्याचे पीठ
• लाल तिखट
• हळद
• मीठ
• तेल
• पाणी
• कॉर्न फ्लावर
• काळीमिरी पावडर
• ब्रेड क्रम्स

यंदाच्या विकेंडला घरी बनवा फायबरयुक्त चिकन कटलेट; फार सोपी आणि झटपट आहे रेसिपी

कृती:

• ओनियन रिंग्ज बनवण्यासाठी सर्वप्रथम, कांद्याची साल काढून कांदा गोलाकार आकारात कापून घ्या. जेणेकरून कांद्याच्या गोलाकार चकत्या पडतील.
• मोठ्या वाटीमध्ये मैदा, मक्याचे पीठ आणि चवीनुसार मीठ टाकून मिक्स करा. नंतर त्यात लाल तिखट, काळीमिरी पावडर आणि हळद टाकून मिक्स करा.
• त्यात केलेल्या पिठात आवश्यकतेनुसार पाणी घालून जाडसर मिश्रण तयार करा. पीठ भिजवताना त्यात जास्त पाणी घालू नये.
• तयार करून घेतलेल्या पिठात चमचाभर गरम तेल टाकून मिक्स करा. नंतर कांद्याचे रिंग पिठात बिडवून पुन्हा एकदा ब्रेड क्रम्समध्ये टाका.
• कढईतील गरम तेलात काड्यांचे रिंग्ज दोन्ही बाजूने तळून घ्या. तयार आहेत सोप्या पद्धतीमध्ये बनवलेले ओनियन रिंग्ज.