रविवार होईल आणखीनच स्पेशल! दुपारच्या जेवणासाठी कोकणी पद्धतीमध्ये बनवा केळीच्या पानात भाजलेला बांगडा, नोट करा रेसिपी

कोकणात बनवलेले जाणारे पदार्थ चवीसोबतच शरीरासाठी सुद्धा फायदेशीर असतात. चला तर जाणून घेऊया कोकणी पद्धतीमध्ये केळीच्या पानात भाजलेला बांगडा बनवण्याची सोपी रेसिपी.

कोकणी माणसाचे आवडते खाद्य पदार्थ म्हणजे भात आणि मासे. कोकणातील प्रत्येक घरात मासे अतिशय आवडीने खाल्ले जाते. जेवणाच्या ताटात जर मासे नसतील तर जेवल्यासारखे अजिबात वाटत नाही. नेहमीच जेवणात तेच शाहाकारी पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही कोकणी पद्धतीमध्ये केळीच्या पानात भाजलेला बांगडा बनवू शकता. भाजलेला बांगडा गरमागरम तांदळाच्या भाकरीसोबत किंवा गरमागरम भातासोबत अतिशय सुंदर लागतो. तसेच घरी आलेल्या पाहुण्यांच्या स्वागतासाठी तुम्ही केळीच्या पानामध्ये भाजलेला बांगडा बनवू शकता. केळीच्या पानांची पारंपरिक चव मनाला अगदी तृप्त करून टाकते. मांसाहारी लोकांसाठी केळीच्या पानांतील बांगडा अतिशय उत्तम पर्याय आहे. या पद्धतीने तुम्ही इतरही मासे बनवू शकता. चला तर जाणून घेऊया रेसिपी.(फोटो सौजन्य – istock)

बेसनाचा नाही यंदा घरी बनवा तांदळाचा चिला, याची कुरकरीत आणि खमंग चव नाश्त्यासाठी ठरेल एकदम परफेक्ट

साहित्य:

• ताजा बांगडा
• लाल तिखट मसाला
• हळद
• मीठ
• कोकम
• मीठ
• आलं लसूण पेस्ट
• कढीपत्त्याची पाने
• कोथिंबीर
• केळीचे पान

लोणच्यापेक्षा लागेल भारी चव! गरमागरम भाकरीसोबत खाण्यासाठी झटपट बनवा आंबट तिखट कैरीचा ठेचा, नोट करा रेसिपी

कृती:

• केळीच्या पानातील भाजलेला बांगडा बनवण्यासाठी सर्वप्रथम, ताजे बांगडे स्वच्छ साफ करून पोटातील घाण काढून घ्या. त्यानंतर तीन वेळा बांगडे पाण्याने स्वच्छ धुवून त्यातील पाणी पूर्णपणे काढून घ्या.
• त्यानंतर ताज्या बांगड्यावर आंबट कोकम सरबत लावून काहीवेळ तसेच ठेवा. यामुळे माशांचा उग्र वास कमी होण्यास मदत होते आणि चव चांगली लागते.
• छोट्या वाटीमध्ये आलं लसूण पेस्ट, लाल तिखट, हळद, चवीनुसार मीठ, कढीपत्त्याची पाने आणि कोथिंबीर घालून मिक्स करा.
• त्यानंतर त्यात पुन्हा एकदा थोडस कोकम सरबत घालून व्यवस्थित मिश्रण तयार करा. तयार केलेले मिश्रण बांगड्यावर लावून काहीवेळ तसेच ठेवा.
• केळीच्या पानांचे तुकडे करून त्यात बांगडा ठेवा आणि व्यवस्थित चारही बाजूने पॅक करा.
• तवा गरम करून त्यावर थोडस तेल टाका आणि केळीच्या पानांतील बांगडा ठेवून दोन्ही बाजूने मंद आचेवर भाजून घ्या.
• तयार आहे कोकणी पद्धतीमध्ये बनवलेला केळीच्या पानांतील भाजलेला बांगडा.