१० मिनिटांमध्ये घरी बनवा लोणावळा स्पेशल चॉकलेट फज,चवीसोबत आरोग्यासाठी सुद्धा गुणकारी

नेहमीच डार्क चॉकलेट किंवा व्हाईट चॉकलेट खाऊन कंटाळा आल्यानंतर काहींना काही नवीन खाण्याची इच्छा सगळ्यांचं होते. अशावेळी तुम्ही लोणावळा स्पेशल चॉकलेट फज घरच्या घरी सोप्या पद्धतीमध्ये बनवू शकता.

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप जास्त आवडते, चॉकलेटचे नाव ऐकल्यानंतर सगळ्यांच्या तोंडाला खूप जास्त पाणी सुटते. चॉकलेट खाणे आरोग्यासाठी सुद्धा अतिशय गुणकारी आहे. डार्क चॉकलेट, व्हाईट चॉकलेट किंवा सुक्या मेव्याचा वापर करून चॉकलेट बनवले जातात. मात्र आज आम्ही तुम्हाला लोणावळा स्पेशल चॉकलेट फज बनवण्याची सोपी रेसिपी सांगणार आहोत. चॉकलेट फज हा लोणावळ्यातील अतिशय प्रसिद्ध पदार्थ आहे. कोणत्याही वेळी चॉकलेट फज खाण्याची इच्छा झाल्यास तुम्ही सोप्या पद्धतीमध्ये हा पदार्थ बनवू शकता. बऱ्याचदा बाजारात मिळणाऱ्या चॉकलेटमध्ये भरपूर प्रमाणात साखरेचा इतर हानिकारक पदार्थांचा वापर केला जातो. या पदार्थांच्या सेवनामुळे रक्तातील साखर वाढण्याची जास्त शक्यता असते. म्हणून सोप्या पद्धतीमध्ये १० मिनिटात चॉकलेट फज बनवू शकता. जाणून घ्या रेसिपी.(फोटो सौजन्य – pintrest)

शिल्लक राहिलेल्या चपात्या वातड होतात? मग सोप्या पद्धतीमध्ये सकाळच्या नाश्त्यासाठी बनवा चपातीचा चुरा

साहित्य:

• अक्रोड
• खजूर
• पनीर
• कॉफी पावडर
• व्हॅनिला इसेंन्स
• डार्क कोको पावडर
• डार्क चॉकलेट बार
• मीठ

kokani Recipe: कोकणातील पारंपरिक पद्धतीमध्ये बनवा चमचमीत चविष्ट अळूचं फदफदं, नोट करून घ्या रेसिपी

कृती:

• चॉकलेट फज बनवण्यासाठी सर्वप्रथम, पॅन गरम करून त्यावर अक्रोड भाजून घ्या. थंड झाल्यानंतर सुरीच्या सहाय्याने बारीक बारीक तुकडे करा.
• मिक्सरच्या भांड्यात बारीक तुकडे केलेले अक्रोड, पाण्यात भिजवलेले खजूर, पनीर, व्हॅनिला इसेंन्स, कॉफी पावडर, कोको पावडर इत्यादी सर्व पदार्थ टाकून बारीक वाटून घ्या.
• मोठ्या ट्रे किंवा ताटाला तूप किंवा बटर लावून घ्या आणि वरून तयार केलेले मिश्रण ओतून व्यवस्थित सेट करा. त्यानंतर ३ ते ४ तासांसाठी फ्रिजमध्ये ठेवा.
• त्यानंतर फ्रिजमधील चॉकलेट बाहेर काढून त्यावर सुका मेवा टाकून पुन्हा एकदा फ्रिजमध्ये सेट होण्यासाठी ठेवा.
• तयार केलेले चॉकलेट फज फिरजमधून काढून तुम्हाला हवे त्या आकारात कापून तुकडे करून घ्या. तयार आहे सोप्या पद्धतीमध्ये बनवलेले चॉकलेट फज.