थंडीत शरीराची ताकद वाढवण्यासाठी सकाळच्या नाश्त्यात बनवा पौष्टिक मल्टीग्रेन डोसा, नोट करून घ्या जाळीदार डोशाची सोपी रेसिपी

थंडीच्या दिवसांमध्ये शरीराची रोगप्रतिकारशक्ती कमकुवत होऊन जाते. अशावेळी आहारात मिक्स धान्यांपासून बनवलेल्या पदार्थांचे सेवन करावे. चला तर जाणून घेऊया मल्टीग्रेन डोसा बनवण्याची सोपी रेसिपी.

थंड वातावरणात शरीरसंबंधित बऱ्याच समस्या उद्भवू लागतात. हातापायांमध्ये वाढलेला वेदना, अशक्तपणा, थकवा इत्यादी बऱ्याच समस्या उद्भवू लागतात. वातावरणात होणाऱ्या बदलांमुळे शरीराची रोगप्रतिकारशक्ती कमकुवत होऊन जाते. याशिवाय हाडांसंबंधित वेदना वाढून शरीराला हानी पोहचते. त्यामुळे हिवाळ्यात शरीरात उष्णता टिकून रराहील अशाच पदार्थांचे सेवन करावे. सकाळच्या नाश्त्यात प्रत्येकालाच कायम वेगवेगळे पदार्थ खाण्यास हवे असतात. नेहमी तेच ठराविक पदार्थ खाऊन सगळ्यांचं खूप जास्त कंटाळा येतो. अशावेळी तुम्ही सोप्या पद्धतीमध्ये मल्टीग्रेन डोसा बनवू शकता. हा डोसा बनवण्यासाठी वेगवेगळ्या डाळी आणि कडधान्यांचा वापर केला जातो. ज्वारी, नाचणी, ओट्स, मूगडाळ, उडीदडाळ इत्यादी पदार्थांच्या सेवनामुळे शरीराला भरमसाट फायदे होतात. या पदार्थांच्या सेवनामुळे शरीराला भरपूर ऊर्जा मिळते आणि पचनक्रिया सुधारण्यास मदत होते. चला तर जाणून घेऊया मल्टीग्रेन डोसा बनवण्याची सोपी रेसिपी.(फोटो सौजन्य – istock)

वाढत्या थंडीत शरीराची रोगप्रतिकारशक्ती वाढवण्यासाठी १० मिनिटांमध्ये बनवा पौष्टिक अळीवची खीर, नोट करून घ्या रेसिपी

साहित्य:

• उडीद डाळ
• मुगडाळ
• हिरवे मूग
• चणा डाळ
• मेथी दाणे
• इडली राईस
• ओट्स
• क्विओना
• नाचणी
• पोहे

Recipe : थंडीत सारखे आजारी पडताय? मग आता घरीच बनवा आयुर्वेदिक घटकांनी समृद्ध ‘च्यवनप्राश’

कृती:

• मल्टीग्रेन डोसा बनवण्यासाठी सर्वप्रथम, मोठ्या वाटीमध्ये उडदाची डाळ, हिरवे मूग, चवळी आणि मेथी दाणे घालून पाण्याने स्वच्छ धुवून घ्या.
• त्यानंतर त्यात दोन ग्लास पाणी घालून सर्व साहित्य भिजत ठेवा.
• दुसऱ्या वाटीमध्ये इडली राईस, क्विओना, नाचणी, ओट्स स्वच्छ पाण्याने धुवून त्यात पाणी घालून १० तास भिजत घालून ठेवा.
• भिजवलेले सर्व साहित्य मिक्सरच्या भांड्यात टाकून बारीक पेस्ट तयार करा. डोसा पीठ तयार करताना त्यात थोडस पाणी घालावे.
• तयार केलेल्या मिश्रणात चवीनुसार मीठ घालून व्यवस्थित मिक्स करा. तवा गरम करण्यासाठी ठेवा.
• गरम तव्यावर तेल पसरवून डोसाचे पीठ घालून एकसमान पसरवा. त्यानंतर बाजूने तेल घालून दोन्ही बाजूने डोसा व्यवस्थित कुरकुरीत होईपर्यंत भाजा.
• तयार आहे सोप्या पद्धतीमध्ये बनवलेला मल्टीग्रेन डोसा. हा डोसा खोबऱ्याच्या चटणीसोबत अतिशय सुंदर लागेल.