साऊथ इंडियन पदार्थाने वाढवा जिभेची चव! १० मिनिटांमध्ये झटपट बनवा वन पॉट रस्सम राईस, नोट करून घ्या रेसिपी

आंबट तिखट चवीचे दक्षिण भारतीय पदार्थ खायला सगळ्यांचं खूप जास्त आवडतात. म्हणूनच आज आम्ही तुम्हाला सोप्या पद्धतीमध्ये वन पॉट रस्सम राईस बनवण्याची सोपी रेसिपी सांगणार आहोत. चला तर जाणून घेऊया.

दक्षिण भारतीय पदार्थ खायला सगळ्यांचं खूप जास्त आवडतात. हे पदार्थ केवळ भारतातच नाहीतर संपूर्ण जगभरात प्रसिद्ध आहेत. इडली, मेदुवडा, डोसा, रस्सम यांसारख्या अनेक पदार्थ दक्षिण भारतात बनवले जातात. दक्षिण भारतीय पदार्थ बनवताना चिंच, गूळ आणि तांदूळ, उडीद डाळीचा वापर मोठ्या प्रमाणावर केला जातो. तसेच उन्हाळा ऋतूला सुरुवात झाल्यानंतर किचनमध्ये जास्त काम करण्याची अजिबात इच्छा होत नाही. कमीत कमी वेळात झटपट तयार होणारे आणि सहज पचन होणारे पदार्थ आवर्जून बनवले जातात. तिखट किंवा तेलकट पदार्थ खाल्यामुळे पचनक्रिया बिघडण्याची जास्त शक्यता असते. अतिमसालेदार पदार्थ खाल्ल्यामुळे पोटात जळजळ वाढते आणि अपचन होऊन ऍसिडिटीचा त्रास वाढतो. त्यामुळे या दिवसांमध्ये अतिशय साधे आणि चविष्ट पदार्थ खावेत. म्हणूनच आज आम्ही तुम्हाला सोप्या पद्धतीमध्ये वन पॉट रस्सम राईस बनवण्याची सोपी रेसिपी सांगणार आहोत. हा पदार्थ दुपारच्या किंवा रात्रीच्या जेवणासाठी अतिशय उत्तम पर्याय आहे. चला तर जाऊन घेऊया वन पॉट रस्सम राईस बनवण्याची कृती.(फोटो सौजन्य – pinterest)

Summer Special : सिजनल फळे शरीरासाठी चांगली; उन्हाळ्यात घरी बनवा रिफ्रेशिंग ‘कलिंगडाचा ज्यूस’, रेसिपी नोट करा

साहित्य:

• तांदूळ
• तूरडाळ
• काळीमिरी पावडर
• जिरं
• कढीपत्ता
• लाल सुकी मिरची
• लसूण
• तेल
• मोहरी
• लाल तिखट
• रस्सम मसाला
• चिंच
• कोथिंबीर
• तूप

जेवणात तोंडी लावण्यासाठी बनवा चटकदार कच्च्या कांद्याची चटणी, लहान मुलांसह मोठेसुद्धा आवडीने खातील पदार्थ

कृती:

• वन पॉट रस्सम राईस बनवण्यासाठी सर्वप्रथम, वाटीभर तांदूळ आणि डाळ पाण्यात काहीवेळ भिजत ठेवा. यामुळे भात छान मऊ होईल.
• कुकरमध्ये तूप गरम करून त्यात जिरं, मोहरी आणि कढीपत्त्याची पाने घालून फोडणी भाजून घ्या.
• त्यानंतर त्यात वाटून घेतलेली लाल सुकी मिरची, लसूण, काळीमिरी घालून व्यवस्थित मिक्स करा. भाजलेल्या मसाल्यात बारीक चिरून घेतलेला टोमॅटो आणि चवीनुसार मीठ घालून व्यवस्थित मिक्स करा.
• मीठ घातल्यामुळे टोमॅटो लवकर शिजण्यास मदत होईल. त्यानंतर त्यात हळद, रस्सम पावडर, लाल तिखट, चिंच गुळाचा कोळ घालून व्यवस्थित मिक्स करून सर्व मसाले भाजा.
• त्यानंतर त्यात भिजवलेले डाळ आणि तांदूळ घालून मिक्स करून घ्या. त्यानंतर वरून बारीक चिरून घेतलेली कोथिंबीर घालून व्यवस्थित मिक्स करा आणि गरजेनुसार कोमट पाणी घालून कुकरचे झाकण लावून शिट्ट्या काढा.
• कुकरच्या ४ ते ५ शिट्ट्या झाल्यानंतर गॅस बंद करून कुकर थंड करा आणि भात खाण्यासाठी सर्व्ह करा.
• तयार आहे सोप्या पद्धतीमध्ये बनवलेला वन पॉट रस्सम राईस.