Recipe : दररोजच्या भाज्यांना कंटाळलात? मग घरी बनवा राजस्थानी स्टाईल चटपटीत ‘दही मिरची’

Dahi Mirchi Recipe : दही मिरची हा राजस्थानचा एक लोकप्रिय पदार्थ आहे. चपाती किंवा भाकरीसोबत याला खाता येते. याची चटाकेदार आणि तिखट चव जेवणाची मजा आणखीनच वाढवते.

• तुम्ही आजवर कधी दही मिरची हा पदार्थ खाल्ला आहे का?
• नसेल तर आजच याची रेसिपी जाणून घ्या.
• हा राजस्थानध्ये बनवला जाणारा एक लोकप्रिय पदार्थ आहे.

राजस्थानी खाद्यसंस्कृती ही चविष्ट, साधी आणि पारंपरिक मसाल्यांनी समृद्ध अशी आहे. तिथल्या कोरड्या हवामानामुळे टिकाऊ आणि कमी पाण्यात बनणारे पदार्थ अधिक लोकप्रिय आहेत. अशाच खास पदार्थांपैकी एक म्हणजे दही मिरची. ही मिरची साधारणपणे उन्हात वाळवून साठवली जाते आणि नंतर दही, मसाले आणि हलक्या फोडणीसह तयार केली जाते. तिची चव आंबट, तिखट आणि थोडीशी कुरकुरीत अशी असते, जी साध्या वरण-भात, खिचडी किंवा बाजरीच्या भाकरीसोबत अप्रतिम लागते.

फक्त ३ साहित्यांपासून साखर न वापरता बनवा हेल्दी चॉकलेट मूस केक; मुलांसाठी परफेक्ट डेझर्ट

राजस्थानी घरांमध्ये ही दही मिरची साइड डिश म्हणून खूप आवडीने खाल्ली जाते. कमी साहित्य, झटपट बनणारी आणि जबरदस्त चव यामुळे ही रेसिपी प्रत्येकाने एकदा तरी करून पाहावी अशी आहे. तुम्ही अनेक दिवस ही मिरची साठवून ठेऊ शकता.

साहित्य:

• हिरव्या जाड मिरच्या – 10 ते 12
• दही – 1 कप
• मीठ – चवीनुसार
• हळद – अर्धा चमचा
• मोहरी – अर्धा चमचा
• जिरे – अर्धा चमचा
• हिंग – चिमूटभर
• तेल – 2 टेबलस्पून

उन्हाळ्यात हलके पदार्थ खाण्याची इच्छा झाल्यास झटपट बनवा कलिंगड मक्याचे सॅलड, पचनक्रिया राहील सुरळीत

कृती:

• सर्वप्रथम हिरव्या मिरच्या स्वच्छ धुवून कोरड्या करून घ्या. त्यांना मध्ये चिर देऊन बिया थोड्या काढून टाका.
• एका भांड्यात दही, मीठ आणि हळद घालून चांगले फेटून घ्या.
• या दह्यात मिरच्या घालून चांगल्या मिक्स करा आणि 1 ते 2 तास तसेच मुरू द्या.
• कढईत तेल गरम करून त्यात मोहरी, जिरे आणि हिंग घालून फोडणी तयार करा.
• आता मुरलेल्या मिरच्या या फोडणीत घालून मध्यम आचेवर परतून घ्या.
• मिरच्या थोड्या कुरकुरीत आणि हलक्या सोनेरी होईपर्यंत शिजवा.
• गॅस बंद करून गरमागरम दही मिरची सर्व्ह करा.
• ही राजस्थानी दही मिरची साध्या जेवणाला एक वेगळी चव देते आणि खूप दिवस साठवूनही ठेवता येते.
• तुम्ही ही डिश चपाती किंवा भाकरीसोबत खाऊन हिचा आस्वाद घेऊ शकता.