जेवणाची रंगत वाढवणारा टेस्टी पदार्थ! १० मिनिटांमध्ये झटपट बनवा झणझणीत हिरव्या मिरचीचे लोणचं, नोट करा रेसिपी

आज आम्ही तुम्हाला सोप्या पद्धतीमध्ये हिरव्यागार मिरच्यांपासून लोणचं बनवण्याची सोपी रेसिपी सांगणार आहोत. या पद्धतीने बनवलेले चविष्ट लोणचं सगळ्यांचं खूप जास्त आवडेल. जाणून घ्या रेसिपी.

जेवणाच्या ताटात प्रत्येकाला काहींना काही चमचमीत आणि झणझणीत पदार्थ हवा असतो. तोंडी लावण्यासाठी कायमच ताटात लोणचं घेतले जाते. लोणच्याशिवाय जेवणाला चांगली चव लागत नाही. आंबटगोड चवीचे लोणचं ताटात असेल तर चार घास जास्त जातात आणि जेवण जेवल्यासारखे वाटते. कायमच कच्च्या कैरीचे लोणचं, लिंबाचे लोणचं, आवळ्याचे लोणचं किंवा इतर वेगवेगळ्या भाज्यांपासून बनवलेले लोणचं आवडीने खाल्ले जातात. पण आज आम्ही तुम्हाला हिरव्या मिरच्यांपासून लोणचं बनवण्याची सोपी रेसिपी रेसिपी सांगणार आहोत. या पद्धतीने बनवलेले लोणचं चवीला अतिशय सुंदर लागते. याशिवाय मिरचीचं लोणचं तुम्ही कोणत्याही पदार्थासोबत अतिशय सुंदर लागतो. बाजारात विकत मिळणाऱ्या लोणच्यांमध्ये व्हिनेगरचा वापर मोठ्या प्रमाणावर केला जातो. पण जास्त प्रमाणात व्हिनेगरचे सेवन करणे शरीरसाठी धोक्याचे ठरू शकते. त्यामुळे ताज्या हिरव्या गार मिरच्यांपासून तुम्ही झटपट लोणचं बनवू शकता. चला तर जाणून घेऊया लोणचं बनवण्याची सोपी रेसिपि.(फोटो सौजन्य – istock)

Jaggery: साखरेऐवजी मध-गूळ आहे उत्तम पर्याय? खरंच Diabetes रूग्ण खाऊ शकतात का, तज्ज्ञांचा सल्ला

साहित्य:

• हिरव्या मिरच्या
• बडीशेप
• मीठ
• हळद
• काळीमिरी
• धणे
• मेथी दाणे
• तेल
• लाल तिखट
• लिंबू

Recipe : लहान मुलं सारखी पिझ्झाचा हट्ट करतायेत? मग विकतचा नको, घरीच बनवा हेल्दी ‘रव्याचा पिझ्झा’

कृती:

• हिरव्यागार मिरच्यांपासून लोणचं बनवण्यासाठी सर्वप्रथम, मिरच्या पाण्याने स्वच्छ करून घ्या. त्यानंतर त्यांचे देठ काढून मिरच्या कोरड्या करा.
• त्यानंतर लांब पातळ चिरून मिरचीचे तुकडे करून घ्या. मिरच्या जास्त बारीक करू नये.
• कढईमध्ये जिरे, धणे, काळीमिरी आणि बडीशेप सर्व साहित्य समप्रमाणात घेऊन भाजून घ्या. भाजलेले साहित्य थंड झाल्यानंतर मिक्सरमधून बारीक वाटून पावडर तयार करा.
• मोठ्या खोलगट भांड्यात हिरव्या मिरचीचे तुकडे, तयार केलेला मसाला घालून व्यवस्थित मिक्स करा. त्यानंतर त्यात हळद, लाल तिखट आणि चवीनुसार मीठ घालून व्यवस्थित मिक्स करा.
• त्यानंतर तयार केलेल्या लोणच्यात गरम केलेले तेल घालून मिक्स करा. काचेच्या बरणीमध्ये लोणचं भरून ५ ते ६ दिवस मुरण्यासाठी ठेवा.
• तयार आहे सोप्या पद्धतीमध्ये बनवलेले हिरव्यागार मिरच्यांपासून झणझणीत लोणचं.