Recipe : उडदाच्या डाळीपासून नाही तर बेसनापासून झटपट घरी बनवा कुरकुरीत पापड, वाळवण्याचीही गरज लागणार नाही

Quick Papad Recipe : पापड एक साईड डिश असून तो जेवणाची मजा द्विगुणित करतो. हे उडदाच्या डाळीपासून बनवले जातात ज्यात वेळही फार जातो. पण आता तुम्ही बेसनाच्या पिठापासूनही झटपट पापड तयार करु शकता.

• पापड कुणाला खायला आवडत नाहीत.
• कुरकुरीत पापडांची चव जेवणाची मजा आणखी वाढवते.
• तुम्हाला माहितीये का? तुम्ही बेसनाचे पापड तयार करु शकता.

जेवण काहीही असो पण त्याच्यासोबत कुरकरीत पापड मिळाल्यास जेवणाची चव लगेच दुपटीने वाढते. सणसमारंभात किंवा कोणत्या खास प्रसंगीही पापड आवर्जून सर्व्ह केला जातो. हे पापड अधिकतरवेळी उडदाच्या डाळीपासून बनवले जातात ज्यांना तयार व्हायला फार वेळ लागतो. पापड लाटले की त्यांना कडक उन्हात काही दिवस सुकवा आणि मग जाऊन यांचा आस्वाद आपल्याला घेता येतो. परंतु आम्ही तुम्हाला सांगतो की, आता पापड खाण्यासाठी तुम्हाला इतकी मेहनत घेण्याची गरज नाही.

पोट साफ करण्यासाठी फायदेशीर आहे हे ड्रिंक, घरीच केरळातील फेमस कुलुक्की सरबत कसे बनवायचे ते जाणून घ्या

आज आपण बेसनाच्या पिठापासून कुरकुरीत आणि झटपट असे पापड घरी कसे बनवायचे याची एक सोपी रेसिपी जाणून घेणार आहोत. हे पापड कमी वेळेत तयार होतात आणि मुख्य म्हणजे यांना वाळवण्याची गरजही लागत नाही. आता घरी काही चांगल्या मेजवानीचा बेत असेल किंवा नावडती भाजी असेल तर तोंडी लावायला हा पापड तयार करायला विसरु नका. चला बेसनाच्या पापडाची ही सोपी रेसिपी नोट करुन घेऊयात.

साहित्य

• २५० ग्रॅम बेसन
• २०-२५ काळी मिरी
• पाव चमचा जिरे
• चिमूटभर हिंग
• चवीनुसार मीठ
• दोन चमचे तेल
• पाव चमचा बेकिंग सोडा
• अर्धी वाटी पाणी

वाटीभर रव्याचा वापर करून लहान मुलांसाठी बनवा रसाळ आंब्याचा मऊसूत केक, नोट करून घ्या झटपट तयार होणारी रेसिपी

कृती

• बेसनाचे पापड बनवण्यासाठी सर्वप्रथम बेसनपीठ चाळणीच्या मदतीने नीट चाळून घ्या.
• आता एका भांड्यात पाणी गरम करायला ठेवा आणि यावेळी यात चवीनुसार मीठ आणि बेकिंग सोडा घाला.
• पाणी उकळले की मग यात हिंग घाला आणि यासोबतच यात जाडसर कुटलेले जिरे घाला.
• आता गॅस बंद करा आणि पाण्याला थंड होऊ द्या.
• पाणी थंड झाले की यात दोन चमचे तेल घाला आणि मिक्स करा.
• आता एका परातीत चाळून घेतलेले बेसनपीठ घ्या आणि त्यात जाडसर कुटलेली काळीमिरी पावडर घाला.
• तयार पाणी थोडं थोडं टाकून बेसनाचे पीठ घट्ट मळून घ्या.
• आता पीठीचे लहान लहान गोळे तयार करा आणि यावर तेल टाकून काहीवेळ या गोळ्यांना झाकूण ठेवा.
• एक एक गोळा कोणत्याही पीठात घोळवा आणि लाटण्याने लाटत गोलाकार पापड तयार करा.
• तयार पापडांना तुम्ही घरातच पंख्याखाली १५-२० मिनिटे सुकवू शकता.
• पापड हलके सुकले की मग गरम तेलात त्यांना कुरकुरीत होईपर्यंत तळून घ्या.
• हे पापड कडक उन्हात तुटु शकतात त्यामुळे घराच्या आतच किंवा कोवळ्या उन्हात यांना फक्त काही मिनिटे सुकवा.