गणपती बाप्पाच्या नैवेद्यासाठी कोकणातील पारंपरिक पद्धतीने बनवा वालाची आमटी, ओल्या वाटणामुळे वाढेल पदार्थाची चव

कोकणात अनेक वेगवेगळे पारंपरिक पदार्थ बनवले जातात. त्यात सणाच्या दिवशी आतुरतेने बनवला जाणारा पदार्थ म्हणजे वालाची आमटी. नैवैद्याच्या ताटात कायमच वालाची आमटी असते. जाणून घ्या वालाची आमटी बनवण्याची रेसिपी.

गणपती बाप्पाच्या स्वागताची मोठ्या जलौषात सगळीकडे तयारी सुरु आहे. कोकणातील रत्नागिरी, सिंधुदुर्ग आणि रायगड इत्यादी जिल्ह्यांमध्ये मोठ्या संख्येने चाकरमानी गावी जातात. सणावाराच्या दिवसांमध्ये कोकणात प्रामुख्याने बनवला जाणारा पदार्थ म्हणजे वालाची आमटी. गरमागरम भात किंवा भाकरीसोबत वालाची आमटी अतिशय चविष्ट लागते. वालाच्या डाळीमध्ये अनेक गुणकारी घटक आढळून येतात. यामध्ये प्रथिने, फायबर, लोह आणि अँटीऑक्सिडंट्स आवश्यक प्रमाणात आढळून येतात. नैवेद्यातील पदार्थांमध्ये वालाची आमटी, मोदक, वरण इत्यादी अनेक पदार्थ बनवले जातात. आज आम्ही तुम्हाला कोकणी पद्धतीमध्ये वालाची आमटी बनवण्याची सोपी रेसिपी सांगणार आहोत. तुम्ही बनवलेली आमटी घरातील सगळ्यांचं खूप जास्त आवडेल. जाणून घ्या रेसिपी.(फोटो सौजन्य – pinterest)

गणपती बाप्पाच्या नैवेद्यासाठी कोकणातील पारंपरिक पद्धतीमध्ये बनवा वाटपाची डाळ, नोट करा रेसिपी

साहित्य:

• भिजवलेले वाल
• ओल खोबर
• कांदा
• लाल तिखट
• हळद
• मीठ
• टोमॅटो
• जिरं
• गरम मसाला

गणपती बाप्पाच्या प्रसादासाठी घरी बनवा गुलाबी उकडीचे मोदक, नोट करून घ्या मऊ मोदक करण्याच्या सोप्या टिप्स

कृती:

• वालाची आमटी बनवण्यासाठी सर्वप्रथम, भिजवलेले वाल सोलून पाण्यात टाकून ठेवा.
• कढईमध्ये तेल गरम करून त्यात हिंग आणि जिरं टाकून भाजा. नंतर त्यात कढीपत्त्याची पाने, बारीक चिरलेला कांदा आणि टोमॅटो टाकून मिक्स करा.
• नंतर त्यात चवीनुसार मीठ टाकून कांदा व्यवस्थित शिजवून घ्या. कांद्याला तेल सुटल्याशिवाय त्यात कोणतेही मसाले टाकू नये.
• कांदा शिजल्यानंतर त्यात हळद, लाल तिखट, गरम मसाला आणि तयार केलेले ओल्या खोबऱ्याचे वाटण टाकून व्यवस्थित तेलात भाजून घ्या.
• मसाल्याला तेल सुटल्यानंतर त्यात भिजवलेले वाल टाकून मिक्स करा. काहीवेळ गॅस मंद आचेवर ठेवा.
• त्यानंतर त्यात गरम केलेले पाणी टाकून आमटी व्यवस्थित शिजवून घ्या. आमटीला उकळी आल्यानंतर त्यात बारीक चिरलेली कोथिंबीर टाकून मिक्स करा.
• तयार आहे सोप्या पद्धतीमध्ये बनवलेली वालाची आमटी.