पावसाळ्यातील आजार होतील गायब! सकाळी उठल्यानंतर नियमित करा ‘या’ चविष्ट काढ्याचे सेवन, नोट करा रेसिपी

पावसाळ्यात सकाळी उठल्यानंतर दुधाच्या चहाचे सेवन करण्याऐवजी काढ्याचे सेवन करावे. काढ्याचे सेवन केल्यामुळे सर्दी, खोकला आणि साथीच्या आजारांपासून शरीराची सुटका होते. जाणून घ्या काढा बनवण्याची कृती.

पावसाळ्यात आरोग्याची खूप जास्त काळजी घ्यावी. कारण वातावरणातील बदलांमुळे आणि सतत बाहेरील पदार्थांचे सेवन केल्यामुळे शरीराला हानी पोहचण्याची शक्यता असते. यामुळे सर्दी, खोकला, ताप, कावीळ किंवा जुलाब इत्यादी आजारांचे प्रमाण वाढू लागते. त्यामुळे पावसाळ्याच्या दिवसांमध्ये बाहेरील विकत मिळणाऱ्या पदार्थांचे कमीत कमी प्रमाणात सेवन करावे. पावसाळा ऋतूला सुरुवात झाल्यानंतर सगळ्यांचं गरमागरम मसाला चहा पिण्याची इच्छा होते. मसाला चहा शरीराला पोषण देतो.याशिवाय सर्दी झाल्यानंतर नाक वाहू लागते. नाकातून सतत पाणी येऊ लागते. म्हणूनच आज आम्ही तुम्हाला पावसाळ्यातील आजारांपासून शरीराचा बचाव करण्यासाठी चविष्ट काढा तयार करण्याची सोपी रेसिपी सांगणार आहोत. सकाळी उठल्यानंतर चहाऐवजी काढ्याचे सेवन केल्यास शरीरात सकारात्मक बदल दिसून येतील आणि सर्दी, खोकला होणार नाही. चला तर जाणून घेऊया काढा बनवण्याची सोपी रेसिपी.(फोटो सौजन्य – iStock)

गोड पदार्थ खाण्याची इच्छा झाल्यास सोप्या पद्धतीमध्ये बनवा हापूस आंब्यांची चविष्ट खीर, नोट करा रेसिपी

साहित्य:

• तुळस
• आलं
• काळीमिरी
• सुंठ
• हळद
• लवंग
• दालचिनी
• गूळ

थंडगार वातावरणात सकाळच्या नाश्त्यात काही मिनिटांमध्ये बनवा गरमागरम पालक सूप, संजीव कपूर स्पेशल रेसिपी

कृती:

• चविष्ट काढा बनवण्यासाठी सर्वप्रथम, तुळशीची पाने व्यवस्थित स्वच्छ करून धुवून घ्या. आल्याची साल काढून बारीक ठेचून घ्या.
• टोपात एक किंवा दीड ग्लास पाणी गरम करण्यासाठी ठेवा. पाण्याला उकळी आल्यानंतर त्यात आल्याचे बारीक ठेचून घेतलेले तुकडे टाकून उकळण्यासाठी ठेवा.
• पाण्याला व्यवस्थित उकळी आल्यानंतर त्यात दालचिनी, लवंग, सुंठ, चिमूटभर हळद घालून मिक्स करा.
• पाण्याला उकळी येईपर्यंत गॅस फास्टच ठेवावा. टोपातील पाणी अर्धे झाल्यानंतर त्यात तुळस टाकून पुन्हा एकदा उकळवण्यासाठी ठेवा.
• पाण्याला उकळी आल्यानंतर त्यात गूळ टाकून मिक्स करा. गूळ पूर्णपणे वितळल्यानंतर गॅस बंद करून घ्या.
• तयार आहे सोप्या पद्धतीमध्ये बनवलेले काढा. हा काढा सर्दी, खोकल्यासाठी अतिशय रामबाण आहे.