स्तनपान करताय! मग,आहारात हे खाल्ल्यास बाळाचं पोषण चांगलं होणारच !

स्तनपान करणाऱ्या मातांनी सकस आणि संतुलित आहार घेणं अत्यंत आवश्यक आहे. नवं अधिक प्रमाणात दूध येण्यासाठी कोणत्या प्रकारच्या पदार्थांचं सेवन करणं गरजेचं आहे.

Follow Us:

Follow Us:

आईचं दूध हे नवजात बाळांसाठी अमृत…. आईचं दूधच बाळाचं पोषण करतं. बाळाच्या विकासासाठी आईचं दूध महत्वाची भूमिका बजावत असतं. त्यामुळे, आईने आपल्या बाळाला मिळणा-या दुधाचीही काळजी घेतली पाहिजे. ते पुरेशा प्रमाणात येतंय ना आणि बाळाला ते मिळतंय ना, याची काळजी घेणं ही आईची जबाबदारी आहे.(breast feeding) बाळाला स्तनपान केल्याने बाळ सुदृढ राहतं. याशिवाय, स्तनपानामुळे आई आणि बाळामध्ये घट्ट बंध निर्माण होण्यास मदत होते. (mother child relationship) स्तनपान करणाऱ्या मातांनी सकस आणि संतुलित आहार घेणं अत्यंत आवश्यक आहे. नवं अधिक प्रमाणात दूध येण्यासाठी कोणत्या प्रकारच्या पदार्थांचं सेवन करणं गरजेचं आहे, ते जाणून घ्या.

मेथी 

मेथी ही एक औषधी वनस्पती आहे. दूध उत्पादनास उत्तेजन देऊ शकते. मेथी स्तन ग्रंथींना उत्तेजित करतात. मेथीचं सेवन लाडू किंवा भाजीमधून करून शकता. मेथीचे दाणे चवीला कडू असल्याने  इतर पदार्थांमध्ये ती घालावी.

पालेभाज्या 

पालेभाज्यांमध्ये जीवनसत्त्वं खनिजं आणि अँटिऑक्सिडंट्स भरपूर असतात. कॅल्शियम, लोह आणि व्हिटॅमिन सी सारखी आवश्यक पोषक असतात. हे संपूर्ण आरोग्य आणि दूध उत्पादनास मदत करु शकतात.

धान्य 

तांदूळ, गहू,डाळी, क्विनोआ मध्ये काब्रोहायड्रेट, फायबर आणि बी जीवनसत्त्वं असतात. ते स्तनपान करणार्‍या मातांसाठी शाश्वत ऊर्जा देतात. आहारात संपूर्ण धान्याचा समावेश केल्याने उर्जा पातळी राखण्यात मदत होते.

शेंगा 

मसूर, चणे आणि बीन्स हे प्रथिने, फायबर आणि लोहाचे उत्कृष्ट  स्रोत आहेत. स्तनपान करणार्‍या मातांसाठी आवश्यक पोषक तत्वं प्रदान करतात. जेवणात शेंगांचा समावेश नियमित करावा.

नट आणि सीड्स 

बदाम, अक्रोड, फ्लेक्ससीडस् आणि शिया सीड्स हे सर्व हेल्दी फॅट्स, प्रथिने आणि फायबरचे पौष्टिक स्रोत आहेत. त्यामध्ये फायटोस्ट्रोजेन्स देखील असतात आणि ते दूध उत्पादनास मदत करू शकतात. हे नट आणि सीड्स स्नॅक्स म्हणून वापरले जाऊ शकतात.

ओट्स 

ओट्स हे एक पौष्टिक धान्य आहे. ज्यामध्ये लोह आणि फायबर असते. प्रसूतीनंतर मातेचा रक्तपुरवठा शरीरात पुन्हा पूर्ववत होण्यासाठी लोह महत्वाचं आहे. तर फायबर पचनास मदत करते. ओट्समध्ये दूध उत्पादनास मदत करणारे गुणधर्म देखील आहेत. ओटमील, ग्रॅनोला किंवा स्मूदीच्या माध्यमातून त्याचं सेवन केलं जाऊ शकतं.

[read_also content=”पनवती म्हणून चिडवणाऱ्यांना ऋतुराजने हाफ सेन्च्युरी ठोकत दिले जोरदार उत्तर, पॉवर प्लेमधील खेळीमुळे चेन्नई सुपर किंग्ज ठरली विजयी https://www.navarashtra.com/sports/when-csk-got-defeated-3-times-they-started-saying-panauti-defeated-gujarat-for-the-fourth-consecutive-time-nryb-403654/”]

सॅल्मन 

सॅल्मन हा एक फॅटी मासा आहे.ज्यामध्ये ओमेगा -3 फॅटी ऍसिड भरपूर आहे. हे इसेन्शियल फॅट बाळाच्या मेंदू आणि मज्जासंस्थेच्या विकासासाठी महत्त्वपूर्ण आहे. याव्यतिरिक्त, ओमेगा -3 फॅटी ऍसिड काही अभ्यासांमध्ये दुधाच्या वाढलेल्या उत्पादनाशी संबंधित आहेत.

बडीशेप 

Fennel ही एका जातीची बडीशेप आहे. जी दुधाचा पुरवठा वाढवण्यासाठी एक नैसर्गिक उपाय म्हणून फार पूर्वीपासून वापरला जात आहे. त्यामध्ये फायटोएस्ट्रोजेन्स असतात. हे प्लांट कम्पाऊंड आहेत जे शरीरावर इस्ट्रोजेनसारखे प्रभाव पाडू शकतात आणि दुधाचे उत्पादन उत्तेजित करू शकतात.

Web Title: Mother food for breast feed nrms

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com