मुलांना संस्कारी आणि यशस्वी बनविण्यासाठी Nita Ambani च्या 5 पॅरेंटिंग टिप्स ठरतील 100 टक्के योग्य

मुलाच्या उज्ज्वल भविष्यासाठी चांगले संगोपन खूप महत्वाचे आहे. तुमच्या मुलाने प्रत्येक गोष्टीत वेगवान व्हावे आणि त्यांना कायम यश मिळावे असे तुम्हाला वाटत असेल, तर नीता अंबानींच्या पॅरेंटिंग टिप्स वाचाच

नीता अंबानी यांनी दिले मुलांना योग्य संस्कार जाणून घ्या टिप्स

Follow Us:

Follow Us:

अंबानी कुटुंब त्याच्या निव्वळ संपत्तीसाठीच नाही तर अगदी आपल्या मूल्यांसाठीदेखील देशभरात आणि जगभरात ओळखले जाते. नीता अंबानी आणि मुकेश अंबानी यांची तीन मुले आकाश अंबानी, ईशा अंबानी आणि अनंत अंबानी यांच्या संगोपनाचेही नेहमीच खूप कौतुक होत आले आहे. यामध्ये जास्त आपल्या पतीला त्यांच्या व्यवसायात मदत करत नीता अंबानी यांनी ज्या प्रकारे आपल्या तीन मुलांचे संगोपन केले ते कौतुकास्पद आहे असे नेहमीच म्हटले जाते. 

शेवटी, ईशा, अनंत आणि आकाश अंबानी हे नीता अंबानी यांच्या संगोपनाचे परिणाम आहेत की ते इतके श्रीमंत असूनही मुकेश आणि नीता अंबानी यांची मुलं अगदी साधेपणाने सर्वांशी वागताना दिसतात आणि त्यांच्या दयाळूपणाच्या आणि वागण्याचे व्हिडिओही अनेकदा व्हायरल होताना दिसतात. अनेक पालकांना आपल्या मुलांना योग्य संस्कार देण्यासाठी नीता अंबानी यांच्याकडून नक्कीच पालकात्वाचे धडे गिरवता येतील जेणेकरून तुमच्या मुलांना यश मिळवणे सहजसोपे होऊ शकते, जाणून घ्या काही टिप्स (फोटो सौजन्य – Instagram) 

संस्कृतीशी जोडून ठेवणे

मुलांना आपल्या संस्कृतीशी जोडून ठेवणे

नीता अंबानींनी आपल्या मुलांना नेहमीच आपल्या संस्कृतीशी जोडून ठेवले. यासाठी त्यांनी घरी होणाऱ्या सर्व पूजांमध्ये लहान मुलांचा समावेश केला. ही बाब पालकत्वाचा अत्यंत महत्त्वाचा भाग आहे. कारण यामुळे मुलाला सकारात्मक ऊर्जा मिळते, जी त्याच्या भावनिक वाढीसाठी खूप महत्त्वाची असते. अशा परिस्थितीत लहानपणापासूनच या गोष्टींची माहिती मुलांना देणे गरजेचे आहे. आपल्या संस्कृतीचे मूळ जपणे अत्यंत महत्त्वाचे आहे आणि प्रत्येक पालकाने आपल्या मुलांना याची शिकवण लहानपणापासूनच द्यावी

वेळेचे महत्त्व 

नीता अंबानी वेळेच्या महत्त्वावर खूप भर देतात आणि त्यांनी आपल्या तीन मुलांनाही हेच शिकवले आहे. लक्षात ठेवा वेळ ही खूप मौल्यवान गोष्ट आहे. त्यामुळे लहानपणापासूनच मुलांना वेळेचा योग्य वापर शिकवला पाहिजे. अभ्यासापासून खेळण्यापर्यंत आणि खाण्यापर्यंत सर्व गोष्टींसाठी आतापासून तुमच्या मुलाचे वेळापत्रक निश्चित करा. जेणेकरून आपल्या स्वतःच्या आणि इतरांच्या वेळेचे महत्त्व त्यांना कळू शकेल आणि योग्य पद्धतीने त्याचा वापर मुलांना करता येईल

Parenting Tips: तुमची मुलं होतील अधिक युनिक, पालकांनी फॉलो करा या टिप्स

मुलांसाठी नेहमी वेळ काढणे 

मुलांना गरज असेल तेव्हा नेहमी त्यांना वेळ देणे

नीता अंबानी स्वत: अनेक व्यवसाय सांभाळत आहेत, त्यांनी कधीही त्यांच्या आणि मुलांमध्ये काम येऊ दिले नाही. आजही जेव्हा जेव्हा तिच्या मुलांना तिची गरज असते तेव्हा ती त्यांच्यासोबत असते. तुमच्या मुलांसाठी नेहमी उपलब्ध असण्याने तुम्हाला त्यांच्याशी भावनिकरित्या जोडलेले राहतेच, शिवाय जीवनाचा समतोल कसा साधावा हे शिकण्यासही मदत होते.

पैशाचे महत्त्व 

श्रीमंत कुटुंबांच्या यादीत समावेश असूनही नीता अंबानी यांनी आपल्या मुलांना पैशाचे महत्त्व शिकवले आहे. यासाठी ती आपल्या मुलांना खर्चासाठी ठराविक रक्कम देत असे. तुम्ही ही पद्धत देखील वापरून पाहू शकता, जेणेकरून तुमच्या मुलाला त्याच्या गरजा आणि छंद बजेटमध्ये कसे पूर्ण करायचे हे आतापासून कळेल.

‘मुलांना शिकवा पण श्रीमंती मिळविण्यासाठी नाही’, रतन टाटांनी दिला होता पालकांना मोलाचा सल्ला

मुलांना योग्य स्वातंत्र्य देणे 

नीता अंबानी यांनी कधीही त्यांच्या मुलांच्या गोपनीयतेत हस्तक्षेप केला नाही, परंतु याचा अर्थ असा नाही की त्यांना त्यांची मुले काय करत आहेत हे माहीत नव्हते. लक्षात ठेवा की मुलांवर नियंत्रण ठेवणे ही पालकत्वाची चांगली पद्धत नाही. मुलांना विचार करण्याचे स्वातंत्र्य द्या. तुम्हालाही त्यांना एकट्याने शिकण्याची आणि चुका करण्याची संधी द्यावी लागेल. पण लक्षात ठेवा की तुमच्या मुलांच्या आयुष्यात काय चालले आहे हे तुम्हाला माहीत असले पाहिजे जेणेकरून जेव्हा त्याला त्याची गरज असेल तेव्हा तुम्ही त्याच्यासोबत राहू शकाल.

Web Title: Nita ambani effective parenting tips can help you to make your child future bright and successful

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com