दिवाळीत गॅसचा वापर न करता सोप्या पद्धतीमध्ये घरीच बनवा हलवाईसारखी रुचकर मिठाई, नोट करून घ्या रेसिपी

सणावाराच्या दिवसांमध्ये बाजारातील मिठाईच्या पदार्थांमध्ये मोठी भेसळ केली जाते. म्हणूनच आज आम्ही तुम्हाला गॅसचा वापर न करता रुचकर मिठाई बनवण्याची सोपी रेसिपी सांगणार आहोत.

दिवाळीच्या दिवसांमध्ये घरात फराळातील पदार्थ, मिठाई इत्यादी अनेक गोष्टी बनवल्या जातात. पण बऱ्याचदा कामाच्या धावपळीमुळे काहींना दिवाळीचा फराळ बनवण्यासाठी जास्त वेळ मिळत नाही. दिवाळीच्या फराळातील पदार्थ बनवण्यासाठी जास्त वेळ लागतो. योग्य प्रमाण, भाजणी इत्यादी गोष्टी व्यवस्थितन न झाल्यास पदार्थ पूर्णपणे खराब होऊन जाते. फराळातील पदार्थ विकत आणले जातात. पण मिठाई विकत आणण्यापूर्वी मनात अनेक शंका निर्माण होतात. कारण सणावाराच्या दिवसांमध्ये बाजारातील मिठाईच्या पदार्थांमध्ये मोठी भेसळ केली जाते. भेसळ युक्त पदार्थांचे सेवन केल्यामुळे शरीराला हानी पोहचते. म्हणूनच आज आम्ही तुम्हाला गॅसचा वापर न करता हलवाईसारखी रुचकर मिठाई बनवण्याची सोपी रेसिपी सांगणार आहोत. हा पदार्थ घरातील लहान मुलांसह मोठ्यांना खूप जास्त आवडेल. चला तर जाणून घेऊया रेसिपी.(फोटो सौजन्य – pinterest)

दिवाळी सणाला कोकणातील प्रत्येक घरात बनवली जातात तांदळाच्या पिठाची बोर, नोट करून घ्या पारंपरिक रेसिपी

साहित्य:

• डेसिकेटेड कोकोनट
• मिल्क पावडर
• पिठीसाखर
• तूप
• दूध
• खाण्याचा गुलाबी रंग

चहाची मजा होईल द्विगुणित, घरी बनवा कुरकुरीत आणि झटपट तयार होणारी ‘मसाला पापडी’

कृती:

• मिठाई बनवण्यासाठी सर्वप्रथम, मोठ्या ताटात डेसिकेटेड कोकोनट, मिल्क पावडर आणि पिठीसाखर एकत्र करून व्यवस्थित मिक्स करून घ्या.
• त्यानंतर त्यात तूप घालून हाताने व्यवस्थित मिक्स करा. संपूर्ण सारणाचा गोळा झाल्यानंतर त्यात दूध घालून पुन्हा एकदा व्यवस्थित मिक्स करून घ्या.
• तयार केलेल्या सारणाचे एकसमान दोन भाग करून घ्या. एका वाटीमधील मिश्रणात खाण्याचा गुलाबी रंग टाकून मिक्स करा.
• मिठाच्या आतील सारण बनवण्यासाठी बारीक चिरलेले ड्राय फ्रूट्स, डेसिकेटेड कोकोनट आणि वेलची पावडर घालून व्यवस्थित मिक्स करून घ्या.
• प्लास्टिक शीटला तूप लावून घ्या. त्यानंतर गुलाबी रंगाचा गोळा हाताने एकसमान सगळीकडे पसरवून घ्या.
• त्यानंतर तयार केलेले ड्रायफ्रूटचे सारण त्यावर लावून हळूहळू घट्टरोल बनवून घ्या. त्यानंतर फ्रिजमध्ये ३ तास सेट होण्यासाठी ठेवा.
• तयार केलेल्या मिश्रणाचा व्यवस्थित रोल झाल्यानंतर प्लॅस्टिक हळूहळूवार हाताने काढून सुरीच्या सल्ल्याने तुकडे करा.
• वरून चांदीचा वर्क लावून मिठाई खाण्यासाठी सर्व्ह करा. तयार आहे सोप्या पद्धतीमध्ये बनवलेली रुचकर मिठाई.