शनिवार, 12 सप्टेंबर 2026
दात घासून सुद्धा तोंडाला घाणीचा वास येतो? मग 'या' लक्षणांकडे अजिबात करू नका दुर्लक्ष, बॅक्टेरिया इन्फेक्शन वाढून होईल नुकसान
तोंडात वाढलेली दुर्गंधी कमी करण्यासाठी उपाय:
बॅक्टेरिया वाढण्याची कारणे?
दात घासल्यानंतर दुर्गंधी येण्याची कारणे?
Oral Hygiene: सकाळी उठल्यानंतर तोंडातून वास येणे ही अतिशय सामान्य समस्या आहे. पण ब्रश केल्यानंतर सुद्धा तोंडातून घाणीचा वास येत असेल तर दुर्लक्ष न करता वेळीच डॉक्टरांच्या सल्ल्याने उपचार करावेत. जिभेवर साचलेला थर, हिरड्यांचे आजार, दात किडणे, तोंडाचा कोरडेपणा आणि दातांमध्ये अडकलेले अन्नाचे बारीक कण इत्यादी अनेक गोष्टींमुळे दातांच्या समस्या वाढू लागतात. तोंडातून येणारा घाणीचा वास लपवण्यासाठी माऊथ वॉश किंवा मिंटच्या गोळ्या सुद्धा खाल्ल्या जातात. या समस्येला वैद्यकीय भाषेत हॅलिटोसिस असे सुद्धा म्हंटले जाते. त्यामुळे तोंडाच्या आरोग्याकडे दुर्लक्ष करणेधोक्याचे ठरू शकते. ब्रश करून सुद्धा तोंडातून दुर्गंधीचा वास येत असेल तर हे उपाय नक्की करून पहा. यामुळे दुर्गंधीपासून सुटका मिळेल.(फोटो सौजन्य – istock)
Panic Attack आल्यानंतर घाबरून न जाता लगेच करा ‘या’ गोष्टी, हृदयाचे वाढलेले ठोके व भीती होईल कमी
तोंडातील लाळ नैसर्गिक स्वच्छता यंत्र म्हणून काम करते. अन्न पदार्थांचे कण वाहून नेणे, ॲसिडिटी नियंत्रित करते आणि जिवाणूंची वाढ रोखण्यास मदत करते. पण रात्रीच्या वेळी झोपताना लाळेची निर्मिती, घास गिळण्याची क्रिया आणि जिभेची हालचाल लक्षणीयरीत्या कमी होऊन जाते. ज्याच्या परिणामामुळे तोंडात कोरडेपणा वाढतो. हिरड्यांच्या आजूबाजूला असणारे जिवाणू अन्नाचे अवशेष, लाळ आणि मृत पेशी प्रथिनांचे विघटन करतात. ज्याच्या परिणामामुळे हायड्रोजन सल्फाईड आणि मिथाईल मर्कॅप्टन हे दुर्गंधी आणि सल्फर युक्त वायू तोंडातून बाहेर पडतात, ज्याच्या परिणामामुळे सकाळी उठल्यानंतर तोंडातून दुर्गंधीचा घाण वास येतो.
जिभेवर साचलेला जिवाणूंचा थर
दातांमध्ये वाढलेल्या फटी
हिरड्यांचे आजार
हिरड्यांमधून रक्त येणे.
कृत्रिम दात, क्राउन किंवा ब्रिजची व्यवस्थित स्वच्छता न होणे
तोंडामध्ये सतत कोरडेपणा जाणवणे इत्यादी अनेक गोष्टींच्या परिणामामुळे ब्रश केल्यानंतर सुद्धा तोंडातून घाणीचा वास येतो.
मॅग्नेशियमची कमतरता पडू शकते महाग! जाणून घ्या शरीरासाठी का महत्त्वाचे आहे हे पोषक तत्व?
दिवसभरातून दोनदा ब्रश केल्यास तोंडातील विषाणू नष्ट होऊन दुर्गंधीपासून सुटका मिळेल. याशिवाय फ्लोराईडयुक्त टूथपेस्टचा वापर करावा. टंग स्क्रॅपरने जिभेचा मागचा भाग हळुवार साफ केल्यास जिभेवर साचून राहिलेला पांढरा थर बाहेर पडून जातो. नियमित भरपूर पाणी आणि शरीरास आवश्यक असलेला पोषक आहार घेणे सुद्धा तितकेच आवश्यक आहे. माऊथ वॉश केवळ तात्पुरता सुगंध देतो. त्यामुळे दातांच्या समस्या वाढल्यानंतर वेळीच लक्ष देऊन डॉक्टरांच्या सल्ल्याने उपचार करावेत.
Ans: दातांवर साचलेला प्लाक, जीभेवर जमा झालेले बॅक्टेरिया, हिरड्यांचा संसर्ग, तोंड कोरडे राहणे किंवा दातांच्या इतर समस्यांमुळे ब्रश केल्यानंतरही दुर्गंधी येऊ शकते.
Ans: हिरड्यांतून रक्त येणे, हिरड्या सुजणे किंवा दुखणे, दात हलणे, तोंडात सतत खराब चव येणे, पू येणे किंवा दुर्गंधी दीर्घकाळ कायम राहणे याकडे दुर्लक्ष करू नये.
Ans: होय. जीभेवर बॅक्टेरिया आणि अन्नकण साचल्याने दुर्गंधी वाढू शकते. त्यामुळे दातांसोबत जीभही नियमित स्वच्छ करणे महत्त्वाचे आहे.
