रविवार, 1 नोव्हेंबर 2026
जर तुम्हाला भगवान शंकराची कृपा प्राप्त करून घ्यायची असेल तर श्रावण महिन्यात नियमितपणे शिवलीलामृत पोथीचे पारायण करावे. शिवलीलामृत ह्याचे सप्ताहिक परायण कशा प्रकारे केल जाऊ शकतात या बद्दल थोडक्यात माहिती.
सप्ताह-पारायण पध्दत
कोणत्याही श्रावण सोमवारी सायंकाळी शंकराच्या मंदिरात जाऊन ११ बेलाची पाने पिंडीवर अर्पण करावीत व शंकराचे यथाशास्त्र दर्शन घेऊन ” मी शंकराना प्रसन्न करून शांति, समाधान, आनंद ( जी मनोकामना असेल ती बोलून ) प्राप्त करण्यासाठी श्रीशिवलीलामृत पोथीचे पुढचे ७ दिवसात पारायण करणार आहे तरी हे कार्य भगवान् श्रीशंकरानी कृपा करून पूर्ण करून घ्यावे.” अशी प्रार्थना करावी व तेथे किंवा स्वत:च्या घरी येऊन रात्रीच्या भोजनापूर्वी शिवलीलामृत पोथी वाचावी. शूचिर्भूत असावे.
वारानुसार अध्यायाचे परायण करता येऊ शकते. वाराच्या शेवटच्या दिवशी म्हणजे रविवारी रात्रीच्या आपल्या जेवणाच्या पात्राचा नैवेद्य भगवान शंकराला दाखवावा व तेच उद्यापन समजावे.
पारायण करतांना काळजी घ्यावी. पारायण करताना देवघरात सतत दिवा तेवत ठेवावा. रविवारी शंकराच्या मंदिरात जाऊन शंकरापुढे यथाशक्ति तांदूळ व पैसे ठेवावेत. शैव संप्रदायी साधूला कमीत कमी २१ रु. दक्षिणा व पांढरेशुभ्र वस्त्र दान द्यावे. इतरांनीही ऐकावी. रविवारी वाचन पूर्ण झाल्यावर १०८ वेळा ॐ नम: शिवाय या मंत्राचा जप करावा.
